Bible uf schwiizerdütsch

[Sleeping_beauty]

Hoi a alli, ich han mal welle fröge, ob öpert vo Euch weiss, wo ich e Bible uf Schwiizerdüütsch bechum?

Grüessli Sleeping_beauty

[travelpack]

ja im haus der bibel chunnsch über.. aber so viel ich gseh han nur berndütschi..

greez tp

[Joggeli]

Lustig - en änglische Nick, aber wil schwiizerdütsch rede

Im guetr sortierte Buechhandel settet eigentli settegi Bible erhältli si - vellecht nor of Bschtellig.

Es get z.B. folgendi Uusgabe:

Baselbieterdütsch:

Der guet Bricht us der Bible uf Baselbieterdütsch
Auswahl aus dem Alten und dem Neuen Testament
2. Auflage
Basel, 1989
(1. Auflage 1981)

Bärndütsch:

Ds Alte Teschtamänt bärndütsch en Uswahl
Übersetzig: Hans, Ruth und Benedikt Bietenhard
1. Auflage
Bern, 1990

D Psalme bärndütsch
Übersetzig: Hans, Ruth und Benedikt Bietenhard
1. Auflage
Bern, 1994

Ds Nöie Teschtamänt bärndütsch
Übersetzig: Hans und Ruth Bietenhard
5. Auflage
Bern, 1992
(1. Auflage 1989)

Luzärntüütsch:

Georg Staffelbach
Grymeti Psalme uff Luzärn-Düütsch
Luzern, o.J. (ca. 1970)
(Enthält alle 150 Psalmen)

s Markus Evangelium
Luzärntüütsch von Walter Haas
Freiburg/Schweiz, 1988

Züritüütsch:

d Genesis
Züritüütsch
Us em Hebreeische übersetzt vom Eduard Schäubli
Zürich, 1990

d Psalme
Züritüütsch
Us em Hebreeische übersetzt vom Josua Boesch
2. Auflage
Zürich, 1990

de Versamler - de Prediger Salomo
Züritüütsch
Us em hebreeische übersetzt vom Viktor Schobinger
Zürich, 1985

s Matthäus-Evangeelium
Züritüütsch
Us em Griechische übersetzt vom Emil Weber
Zürich, 1986

s Markus-Evangeelium
Züritüütsch
Us em Griechische übersetzt vom Emil Weber
Zürich, 1984

s Lukas-Evangeelium
Züritüütsch
Us em Griechische übersetzt vom Emil Weber
Zürich, 1985

s Johannes-Evangeelium
Züritüütsch
Us em Griechische übersetzt vom Josua Boesch
Zürich, 1986

d Aposchtelgschicht
Züritüütsch
Us em Griechische übersetzt vom Emil Weber
Zürich, 1987

s Nöi Teschtamänt
Züritüütsch
us em Griechische übersetzt vom Emil Weber
Zürich, 1997

Ganz jedes Dialäkt gets ned, aber Bärndütsch esch of jedefall gfällig.

Gruss
Joggeli

[Ainu Elfe]

wenn du sämtlichi abstrich vo wäge glehrtheit, professionalität, original ect. mache willsch, bitte, aber imho lohnts sich nid.

[Sleeping_beauty]

Wow, danke Euch für die gschnäll antwort und die viele informatione.

@Ainu Elfe

nei nei, kei angst, ich wött nüt profesionell überprüefe oder so, ich han das weekend mal i de psalem uf züridütsch gläse und das hät u schön tönt, drum würd ich mir gern ein zuetue!!!

[bigbird]

Also, die bärndütschi isch di vollständigsti! Aber leider o nid ganz!

bb

[Philippe]

Schwyzerdütsch chammer doch nöd als buech verfasse, es git eifach z`viel dialäkt.

[bigbird]

Original von Philippe
Schwyzerdütsch chammer doch nöd als buech verfasse, es git eifach z`viel dialäkt.

Drum heisse die Übersetzige ja ou "Bärndütsch", "Züridütsch" oder "Luzärndütsch"!

bb

[Philippe]

Forscher händ use g`funde das mer über 1000 verschideni dialäkt händ.

[Salzstreuer]

Erfassti Dialäggt oder aifach eso, wie d Lyyt rede?

Wobi, es erstuunt mi nit. z.B. im Centovalli het jo fascht jedes Dorf sin aigene Dialäggt.

-salzstreuer