Rosinli-Club

von **Schoham** » Fr 6. Mai 2011, 10:57

Vo Seegräbe us han is vo witem gseh - s'Rosinli - dia wissi Mura :))

und es hed mi grad aagmacht wiederemohl ufs Bergli ufa z'goh...

von **alegna** » So 8. Mai 2011, 18:49

Schoham hat geschrieben:Vo Seegräbe us han is vo witem gseh - s'Rosinli - dia wissi Mura
und es hed mi grad aagmacht wiederemohl ufs Bergli ufa z'goh...

He, ich bi hüt rund um de Pfäffisee gloffe und han a Eu vom Rosinli-Club dänkt. Nachher han i in Auslike mini Familie gnosse, i de Badi. Isch niemert vo Eu deht gsi :shock:

Lieäbe Gruess a Eu alli :praisegod:

alegna

von **Sandra73-** » So 8. Mai 2011, 20:44

Huuui, s Wasser isch mer nochli z chalt - aber wenn ich das amigs wüsst, würdi scho cho - Du bisch schlau, seisch das amigs hinterher, damit mer Dich ja ned chan entdecke gäll

von **firebird** » So 8. Mai 2011, 21:00

alegna hat geschrieben:He, ich bi hüt rund um de Pfäffisee gloffe und han a Eu vom Rosinli-Club dänkt. Nachher han i in Auslike mini Familie gnosse, i de Badi. Isch niemert vo Eu deht gsi

Lieäbe Gruess a Eu alli
alegna

Danke für d`Grüess. Üseri Börd hät die grillierte Bratwürst so gern, wo mer i de Badi z`Auslike chan chaufe. Ja, mir sind hüt i de faltsche Badi gsii. Nämli i Einere am Zürisee. Dä Zürisee hät 16 Grad, aber d`Siibörd und de Fäirbörd händ sich d`Fröid amene Schwumm im See nöd lo näh.

Es Grüessli vom

efbiäi

von **Sandra73-** » So 8. Mai 2011, 21:02

Boah...gratuliere Eu!!! Ich hetti mega Überwindig bruucht glaubi höt, brrr!! :tongue:

von **doro** » Mo 9. Mai 2011, 00:52

Wie bitteeee? Ihr sind scho go bade und so? Pas mal, pas mal!

lg, doro

von **alegna** » Mo 9. Mai 2011, 07:16

firebird hat geschrieben:Üseri Börd hät die grillierte Bratwürst so gern, wo mer i de Badi z`Auslike chan chaufe.

Ich han e mega feini Bärlauchbratwurst gässe, isch chli scharf gsi, aber spitze :jump:

doro hat geschrieben:Wie bitteeee? Ihr sind scho go bade und so?

Iiiiiiich .... sicher nöd, bisch verukt, viiiieeeellllll zchalt, aber mini Chinde sind gsi

Und was heisst da "und so?" :comeon:

lieäbe Gruess
alegna wo hüt Nomittag ev. i dBadi da bi üs gaht, Saisoneröffnig, go gwünderle wie de neui Badmeischter so isch

von **sugi** » Mo 9. Mai 2011, 10:29

Jaja, gönd ihr doch go bade... Was, goge gwünderle wägem Badmeischter, aso aso alegna

So Sache intressiert mi überhaupt nid...... :-P

Ich han das Wucheänd viel ufem Velo verbracht.. Ich han e suuuuuper Ussicht ka über alles ie..
Kei Ahnig, was mer da alles gseh het.. wahrschindli alli Bratwurscht-Ässer, ob mit oder ohni Bärlauch, Chinde wo im Wasser plantschet und und und.. Ah ja, sogar sButzeli hani no gseh sich im Dräck umewälze........

Eifach HAMMER gsi :jump:

von **Schoham** » Mo 9. Mai 2011, 10:59

Vor es paar Täg hani min Ma am halbi sechsi geweckt und mir sind au um da See gloffa, grad wo d'Sunne ufgange isch. Fantastisch isch es gsieh. Mir hend vo Pfäffike us richtig Auslika afoh laufe und denn hed d'Sunne Seegräbe beschuna. Da Schilfgürtel däna und das isch fasch atemberaubend gsie zum luege. Und denn...serschtmohl hani Reh gseh am See, grad noch am Römerkastell und sie hend fangis gmacht mitenand oder öbis anders vielleicht *lach*? Bi Seegräbe ena isch eus es Entapaar über da Chopf gfloga und swiebli hed gschnäddered und sich im Schilf versteckt und denn hed smännli sie gsuecht. Er isch is Schilf und sie wieter ena wieder uf da Weg. Das isch so luschitig gsie und am Schluss hend sie sich denn wieder gfunda und sind widergfloga. Es isch eifach lässig dar See und überhaupt Züri Oberland... :))

von **alegna** » Mo 9. Mai 2011, 11:26

Schoham hat geschrieben:Es isch eifach lässig dar See und überhaupt Züri Oberland...

Da gibder rächt, isch für mich eine vo de schönste Seeli überhaupt, au wenn die da wo ich ez wohne das nöd verstah chönd, das ich ihre Lieäblingssee nöd als mine au gsehne, gäll sugi

aber Berge lieäb i da!
ZüriOberland het halt vill Charme und isch eifach wunderschön :))

von **sugi** » Mo 9. Mai 2011, 12:36

Alegna, sZürigschnätzlet isch natürli scho meeeeega fein.......... :jump:

Aber nid etz, bi z'volle.. Und dä Rätselmix lieht mer schräg ufem Mage

von **firebird** » So 15. Mai 2011, 11:33

Sali zäme.

Geschter hets wieder emal e chlini Rosinli-Expedition gäh. Bsunders abentürlich isch es denn, wenn sich D`Sunne i Ströme ergüsst. Dank dem d`Sandra und ich das vorher besproche hend, hend mer üs denn au tatsächlich troffe, nachher sich melde, bringt so vil wie nüüt.

So hend mir s`Rosinli punkto Felexibilät chöne teste. Es überchunnt ä gueti Note. Wenn de Rege chunnt, chan mer verusse unter Dach sitze. Allefalls chan mer mit em ne Sunneschirm s`Dach no erwiitere. Wenn`s denn chalt wird, gitz au no en warme Ruum wo mer`s witer gnüse cha.

D`Rosinli Testequipe
Sandra, Seabird, Bird & Firebird (FBI)

von **Sandra73-** » So 15. Mai 2011, 11:36

Ja, guete Morge Lüütlis,
genau sooo isches

So chamer sich en Namittag lang verwiile ohni wägem Durräge suur z werde, au wenn de Räge wahrschinli suur gsi isch - mer sinds ned gsi

D Salöt und d Bratwurscht, d Schinkesändwitsch und d Ovomaltine, Tee und Kafi, Wasser und Öpfelshorley - sind uf jede Fall z empfähle :))

Di gueti Luune udn di guete Gspröch müend Ehr denn halt sälber mitneh, die chamer dert ned chaufe.

Liebi Sonntigsgrüessli vode Sandra

von **Schoham** » Mo 16. Mai 2011, 18:42

sugi hat geschrieben: sZürigschnätzlet isch natürli scho meeeeega fein..........

S'echta hani no nia ka und macht mi au nid a.
Has am Samstig dörfa gnüssa, koched vo mim Maa
ohni äba das - und wüssed ihr was es isch wo das
ganzi echt macht? (ohni go google 8-)

)

von **sugi** » Mo 16. Mai 2011, 18:47

Ha mal im TV gseh, wodä Studi im Dütsche Fernseh au koched het, dass mer Späck ietuet?
Oder verwächsli etz öpis..hmm, ich glaub scho..dänn sZürigschnätzlet isch mit Kalbfleisch, oder ebe doch Butzelifleisch :mrgreen:

etz bini ganz verwirrt, aber ich han bestimmt es Aha- Erläbnis wänis köre..

Bi etz nid go google.. :angel:

von **Schoham** » Mo 16. Mai 2011, 21:54

Viele Gourmets streiten sich darüber,
ob ein «echtes» Zürcher Geschnetzeltes
mit oder ohne Kalbsnierli zubereitet wird.
Aus dem Netz

Aber wir lassen es uns schmecken und lassen die andern streiten... :mrgreen:

von **Schoham** » Mi 14. Sep 2011, 12:59

Am Sunntig simer ufem Rosinli gsie und denn wia da Blitz wieder davogsprunga wos cho isch go winde und donnera. Und gestar bin i mit mim treue Begleiter vo Bauma noch Wetzika glaufa und han aber s'Rosinli rechts liege lo und dafür über a grossi gmähti Wiese gwandered. En herrliche Tag isch es gsieh, gestar. Vielleicht dar letschdi Summertag i dem Johr.

von **alegna** » Fr 30. Mär 2012, 16:42

He Lütlis
de Summer chunnt und ich dänke wider male as Rosinli, muss unbedingt wider male deht ufe gah .... wer weiss villich nöd alleige, villich triffi mi dehte ja wider mit zweine vo Eu ... die zwei wüssed scho wer ich meine, oder öbbe nöd, hä?

Han gad mega Freud .... :party:

Es lebe der eingeschlafene Thread

liebe Gruess a alli vom Rosinli - Clup
alegna

von **doro** » Fr 30. Mär 2012, 16:43

Häää, was meinsch du da? Voll unverständlichs Züüg, wo du da verzellsch, ey! :tongue:

Aber, ernsthaft: bimene Schwätz uf em Rosinli wäri sicher wieder debi. Vilich wäri das mal ja sogar usgschlafe und chämt nöd quasi erscht grad vomene luschtige Burgfescht.

lg, doro

von **alegna** » Fr 30. Mär 2012, 16:44

Ja genau das ... klapped scho irgendwenn wider, bisch debii?

*fröifröi*

von **doro** » Fr 30. Mär 2012, 16:45

Habisch no editiert de Biitrag.

Joa, wär scho wider mal debi. :))

lg, doro

von **alegna** » Fr 30. Mär 2012, 16:47

doro hat geschrieben: luschtige Burgfescht.

ich mög mi erinnere ja, aber hesch Di guet ghalte gha :umarm:

He mömmer würkli mache und nimme sogar Göfers mit, aber nu wenn *....* si au mitnimmt .... male luege!

:jump:

von **doro** » Fr 30. Mär 2012, 16:49

Haha, ha mega lang gha, bisi gschnallt han, was "Göfers" sind...

Aber ja: nur mitneh!

lg, doro

von **alegna** » Fr 30. Mär 2012, 16:54

doro hat geschrieben:Haha, ha mega lang gha, bisi gschnallt han, was "Göfers" sind...

von **sugi** » Fr 30. Mär 2012, 17:07

Hej jou

Alegna, ob min ältere wot mitcho bezwiifli..dä het im Rosindli so ziehmli uusgrutscht..aber dä jünger, hmmm..also wän er wieder cha sin Buuch go vollschlah, dän wär er sicher au debi :mrgreen:

von **alegna** » Fr 30. Mär 2012, 17:10

sugi hat geschrieben:hmmm..also wän er wieder cha sin Buuch go vollschlah, dän wär er sicher au debi

Ja denn passts doch :party:

.... ah das bringemer scho ane wider, abgmacht???!!

gfreuti Grüess
alegna

von **sugi** » Fr 30. Mär 2012, 17:12

Ja eh....................... :mrgreen:

von **firebird** » Mo 2. Apr 2012, 09:46

Hallo Lüüt,

Letscht Samschtig händ Börds äs uufgstellts Träffä gha uf em Rosinli. Nebedbi sind mir au no brun worde. Ja, öper ander vom Rosinli Club händ mer vermisst. Aber es wirds bestimmt emal gä, das mir üs emal nöcher kenne lerned.

Nüüt für unguet

Efbiäi

von **sugi** » Do 17. Mai 2012, 20:04

Jaaaaa, jaaaaaaa, jaaaaaa genau.. bi dobe gsi.. Hüt Namittag!!

Mit mim ältere Sohn!!! Es super Wätter.. Tüürs Ässä.. Und katastrophali Musig..Drehorgele :mrgreen:

Däfür het dSunne alles geh!!! Genial!!!!
Aber dä grösser Wahnsinn isch gsi, dass vieli nid chönd parkiere

von **sugi** » Do 17. Mai 2012, 20:05

Apropo: ha ghuupet, woni bidä Sandra73 dure gfahre bin, hihi :mrgreen:

von **NEM** » Do 17. Mai 2012, 22:19

sugi hat geschrieben:Apropo: ha ghuupet, woni bidä Sandra73 dure gfahre bin, hihi

Liebi sugi,

ds nächte mal wet bir Sandra verbi düsisch, säg rä bitte ä liebe Gruess u gib rä äs Muntschi vo mier! :umarm:

I vermisse d Sandra würklich!! :cry:

Lg NEM

von **alegna** » Do 17. Mai 2012, 22:30

sugi hat geschrieben:Jaaaaa, jaaaaaaa, jaaaaaa genau.. bi dobe gsi.. Hüt Namittag!!

Tami sugi, han Di nöd gseh, het so vill Lüt gha, aber ich bi au dehte gsi bis ca. am 14:15, hesch mi nöd gseh, keini mit violette Haar gseh und me fast wiisse Pulli und Töffhose .... ????????????? Das wär ez voll Hammer gsi wenn i Dich gseh het. Bin mitem Kolleg mitem Töff ufe und min Maa mit üsne Chinde und de chliinste Tochter vom Kolleg mit em Auto. He nei das glaubi ez echt nöd :shock:

mir sind a dem Tisch ghockt wo gad bi de Riitschuel gsi isch. sugiiiiiiiiiiii :jump:

von **sugi** » Do 17. Mai 2012, 23:09

Mir sind det au bim Hüüsli obe gsi, näb dä Rutschbahn!!!!
Sind erscht am 15h det ane.......

Scho no luschtig, dass du au gad det gsi bisch!!! Soooooo krass!!

von **sugi** » Do 17. Mai 2012, 23:11

NEM, ich schriebere es sms und tuen ihre dis müntschi uusrichte, okay :mrgreen:

von **Gnu** » Fr 18. Mai 2012, 07:20

sugi hat geschrieben:Mir sind det au bim Hüüsli obe gsi, näb dä Rutschbahn!!!!
Sind erscht am 15h det ane.......

Scho no luschtig, dass du au gad det gsi bisch!!! Soooooo krass!!

Si hät's aakündiget, dass si goht. (Thurgauer Dialekt)

von **alegna** » Fr 18. Mai 2012, 07:59

sugi hat geschrieben:Sind erscht am 15h det ane.......

Dänn wür i säge hemmer üs knapp verpasst

von **Schoham** » Fr 18. Mai 2012, 11:08

Am 12i hemer uf em Bänkli hinderem Rosinli zmittag gässa. Als Tafelmusik hend
zwei ghörnti Chüe eus ufgspielt und als Kulissa hend d'Schneeberga und dia riesagrossi
Bluemawiesa noch Adetswil aba, dient. Mir hend im Sinn kha a Wanderig zmache
vo Bauma noch Wetzika und i has luschtig gfunda dass i churz drufaba glesa han
das d'Glarnerdame i mini nöchi chämi...Und jetzt isch es no nöcher gsieh...

von **sugi** » Fr 18. Mai 2012, 23:46

Gnu hat geschrieben:
sugi hat geschrieben:Mir sind det au bim Hüüsli obe gsi, näb dä Rutschbahn!!!!
Sind erscht am 15h det ane.......

Scho no luschtig, dass du au gad det gsi bisch!!! Soooooo krass!!

Si hät's aakündiget, dass si goht. (Thurgauer Dialekt)

Was wotsch mer etz demit sägä?

von **sugi** » Fr 18. Mai 2012, 23:47

alegna hat geschrieben:
sugi hat geschrieben:Sind erscht am 15h det ane.......

Dänn wür i säge hemmer üs knapp verpasst

Ja würkli knapp!!! Hihi......

Ich e totali spontani Idee gsi vo mir :mrgreen:

von **Gnu** » So 20. Mai 2012, 07:24

sugi hat geschrieben: Was wotsch mer etz demit sägä?

Zweierlei:

Erschtens, dass ich gwüsst han, dass si ufs Rosinli goht.

Und zweitens, dass es du au hetisch chöne wüsse, denn sie hät's jo im Forum gschribe.

Wer ist online?