Rosinli-Club

[sugi]

Rosslinli gaht sicher auch ad WM go Luegä. Es gibt Ja au Gross Linwände.

Groetjes bluna

Meinsch, wirds e gross-Liinwand ha?!

[sugi]

Du häsch doch e schnälls Auto, oder?

Ja scho..aber er isch langsam am sterbe..
Meine dänk sAuto..nid dass es wieder missverstnändniss git!!

Aber he..ich wär debi.. Weiss nume nonig, wänn dassi wieder mal det ufe gange..

Danke dir, äfbiäi

[alegna]

So, ich bi gsi, grad hüt Nomittag, isch schön gsi wider mal so i minere Vergangeheit schnuppere und än huufe isch ufecho, ja isch einersiits grad voll guet gsi, aber ebe au anders wo nöd so guet gsi isch, bin also eher chli, wiä söll i säge ....chli duucht und nachdenklich, aber dä Kids häts gfalle, leider isch es denn cho go rägne und mir hend müesse flüchte

@doro
ha eigentli welle äs Föteli mache lah vo mir, aber.....leider leider....
Liäbe Gruess

[sugi]

Hej so cool alegna.. usserd dass cho isch go rägnä..!!
(Hmm, ha glaubs nid das gliich blau verwütscht)

Hend Kindä Spass ka bim rutsche.. Bisch au?

Wünsche allne es schöns Tägli

[alegna]

Hend Kindä Spass ka bim rutsche.. Bisch au?

Go rutschä isch nu min Sohn, mini Tochter isch miner Meinig nah no chli zchli und sie het au nöd wellä und ich..... ....... .......nei

Isch aber trotzdem guet gsi

Grüessli a alli

[sugi]

Hoi zämä!

Es dunkt mi fascht, als wär echli sForum am "iischlafe"..

Diä Wort z.Bsp. vom Valentin mached mir scho Gedanke..nid etz, dass ich alles genau so gsehne wiä er, gaht ja nid um das,
sondern eifach, dass es eim cha zviel werde.. Fascht nid machbar..!! Will au bekanntlich dä Buechstabe tötet!

Missverständnis sind vorprogrammiert..und, meh isch au viel diräkter..!
Ganz anderscht, als persönlich! Me nimmt gar kei Gfühl war..nume das eigene..!!

Und so entstönd missverständniss!
Findi echt schaad..

[Sandra73-]

Ja, mich händ sini Wort au troffe.
Wili ebe oft au so dänk, dass mer do eifach enand in de Diskussione hin und her schlöhnd, aber mängisch drüber de Uftrag Jesu vergässed...drüber schribed, aber ned praktisch umsetzed, grad au do im Forum.
So dass s Licht Jesu udn d Wärmi vo siner Liebi aziehend, unwiderstehlich chan lüchte durch eus dure udn das weomer schribed und debi usstrahled.
Das wünsch ich mir....

ich bin höt mit mim Maa bim Rosinli verbi gloffe
Aber denn witers, ufe zum Golfplatz und dete chli im Wald en Rundgang...sind bime schöne Waldseeli no verbi cho wo ganz veli chlini Fischli ime Megatempo schwadere güebt händ
Isch schön gsi!!

[Schoham]

D'Liabi will dar Andar beschenka. Sie mues nid chlaga es segi do nid guet. Sie flüsst usam Herza und wenn sie niemert findat wo sie gern will aneh so god sie still wieder furt. Wer öpis vom Nöchschta verlangt oder erwartet und das nid überchund dä mues bemängla und wenn er god so lod er dia andara zrugg - mit emana gfühl sie segad schuldig. Das isch trurig und müesti nid sie.

[firebird]

Sali zäme,

Au ich han mer Gedanke gmacht über de Uustritt vom Valentin. Aber ich dänke, mir müend üs au nöd hintersinne.

Hät nöd au Jesus d`Lüüt eifach zieh loo?

Zum Bispiel dä riich Jüngling.
(Mä seit, dass dä riich Jüngling dä Markus isch, dä Neffe vom Barnabas, wo i dä Apostelgschicht mehrfach erwähnt isch. Wenns ä so isch, dänn hät er jo doch no zu Jesus gfundä)

Oder im Gliichnis: Dä Vater hät siin Sohn zieh loo. Spöter hät er jo zum Vater zrugg gfundä.

Ich glaubä an en Gott, wo üs Mänschä brucht, trotz üserä Fähler. Drum mues auch ich mich selber wieder abchläme, wenn ich z`fest pfutere übers Bodäpersonal.

Es Grüessli vom

EFBIÄI

[sugi]

Hoi mitenand!

Ich glaubä an en Gott, wo üs Mänschä brucht, trotz üserä Fähler.

Da chunt mir gad das in Sinn, woni mal idä Losige gläsä han:
Ich glaube, dass Gott aus allem, auch aus dem Bösesten, Gutes entstehen lassen kann und will.
Ich glaube, dass auch unsere Irrtümer nicht vergeblich sind, und dass es Gott nicht schwerer ist,
mit ihnen fertig zu werden, als mit unseren vermeintlichen Guttaten.
(nach Jes.43,8-13; 1Kor.12,1-11)


Danke Herr, dass mir alles, aber würkli alles chönd dir abgeh..!!
Das isch e grossi Zuesag..

Denn bi dir isch alles am beschte Uufghobe..!!!

[Witness]

Isch grad sehr ermuedigend das Biebel Wort,het iz au grad zu mir gredet

[sugi]

Witness..das isch au no ganz en schöne..dä hani mal übercho.. natürli vo Gott

Brüder, ich denke von mir selbst, <es> ergriffen zu haben; eines aber <tue ich>: Ich vergesse, was dahinten,
strecke mich auber aus nach dem, was vorn ist; und jage auf das Ziel zu, hin zu dem Kampfpreis der Berufunug
Gottes nach oben in Christus Jesus. Phil.3,13-14

Dä inneri wachstum, dä passiert immer und immer wieder..!!
Jedoch sölle mer luege, dass mer stets immer dä Blick uf Jesus hend!
Immer und i allem.. Das gaht..denn es isch vom Herz!!

Ufhöre mit Sälbschtvorwürf, Sälbschtmitleid etc.
Das isch en Chreisel..wo nid uufhört!
Und jede befindet sich i irgend so Chreisel..jede het sini ganz persönliche..!

So wiä jede Mänsch einzigartig isch, so au i allem!!
Vorallem was das inneri betrifft!

Sich Gott uuliefere.. Und uf Ihn vertraue, dänn Er het alles i Siner Hand

[Sandra73-]

Isch grad sehr ermuedigend das Biebel Wort,het iz au grad zu mir gredet

Oh das gsehni erscht jetzt!
Ja, genau so isches mir au gange!!
Und dezue au grad no de zweiti Vers vo Dir, sugi!!

Liebs Grüessli,
Sandra

[sugi]

Oh, ich söt i Kuchi..mache Pizza und en Gascht hani au no

Ich ha eifach dä Römer sehr gern..weiss au nid, aber das isch scho lang eso!
Wänn Gott zu eus redt, so gspürt meh, dass es dä Geischt isch, wo zum erchänä füehrt..
Es isch erbauend..und voller Liebi!

Röm 8,26 Ebenso aber nimmt auch der Geist sich unserer Schwachheit an; denn wir wissen nicht, was wir bitten sollen, wie es sich gebührt, aber der Geist selbst verwendet sich für uns in unaussprechlichen Seufzern.

Röm.8,38 Denn ich bin überzeugt, dass weder Tod noch Leben, weder Engel noch Gewalten, weder Gegenwärtiges noch Zukünftiges, noch Mächte,
39 weder Höhe noch Tiefe, noch irgendein anderes Geschöpf uns wird scheiden können von der Liebe Gottes, die in Christus Jesus ist, unserem Herrn.

Danke Herr

[Witness]

Uff du sprisch echt us Gottes geischt use grad zu mir mit denä Wort,sugi!!!!

han das gläse und grad hüenerhut becho es isch echt grad so als wür Gott grad diereckt zu mir redä

Und du hesch so recht mit dem wo du gschriebä hesch,und du hesch das mitenerä so schöne diefi gschriebä,und was erkennt wo hüte vieli so nümi gsehnt!!!!Ich bin echt grad grüert

Gott Sägne dich!!!!!

Witness

[sugi]

Nid rot werde...Du wirsch "nume" gliebt

Wünsche eu allne es schöns Wucheändi..
Bhüet eu alli Gott..

[firebird]

Hallo Sugi und allizäme,

Dankä Sugi häsch Du do so tolli Bibelvärs poschtet. Äm Meistä spricht mi folgändä Vers aa:

Röm 8,26 Ebenso aber nimmt auch der Geist sich unserer Schwachheit an; denn wir wissen nicht, was wir bitten sollen, wie es sich gebührt, aber der Geist selbst verwendet sich für uns in unaussprechlichen Seufzern.

Grad wän mer schlapp sind, dänn müend mer nöd grossi Gebets-chrämpf abloo. Sondern me törfed i aller Stilli Gott üsers müedä Härz entgegästrecke. Das vom still s`Härz Gott entgägestrecke, dä Tipp hät mir d`Sandra gä. Oh wie hät mir das i de letschtä Wuche sooo g`holfä. Danke Sandra.

Es Grüessli vom
FBI

[Schoham]

Erbauend.jpg

[alegna]

@Schoham
Dankä Schoham, das freut mi extrem grad Dis Rösli und..... villich schriib ich mal wider eis bi Dir ine, dörf i?

Liäbe Gruess
alegna

P.S.:
han grad nacheglueged, also zwei het i no wo ich chan verträte i de Öffentlichkeit, aber di andere, eher nöd

[Schoham]

Wenn Du erscht chöntisch rüche wia dia duftet die Rose - dia duftrose....
I freu mi wenn Du öbis schriebsch i mim? nei in eusa Fred oder au
wenn Du en neue ufmachsch. Beides isch guet. Handle noch Dim herza - es isch schön .

[alegna]

Wenn Du erscht chöntisch rüche wia dia duftet die Rose - dia duftrose....

Ich persönlich stah nöd so uf Roseduft, weiss aber sehr guet wie das sie schmöcke chönd, bruch nu dAuge zuemache und mir das vorstelle, Rose sälber gfalled mir aber scho....

I freu mi wenn Du öbis schriebsch i mim? nei in eusa Fred oder au
wenn Du en neue ufmachsch.

Ich wirds i Dine/Euse? nei Schoham äs isch Dine und ich ha dEhr dörfe mini Gedicht deht inezstelle, morn wird ich das mache, danke Dir

Handle noch Dim herza - es isch schön .

Mis Herzli hüpft über dFreud wo Du mir machsch liäbi Schoham und ich danke üsem Herr über diä Verbundeheit wo nu Er cha schaffe dur Sin Geischt
praise the Lord....

[Schoham]

Du dörfsch - Du söllsch Di freue Alegna.
I dues au.
Aber Ehr?
Gell dia lömmer eusam HERR!
Mis Schwöschterli

Gfallt Dir das Lied?

Ich habe Sehnsucht nach Dir meinem Vater

I würd gern Dini Meinig ghöre.

[alegna]

I würd gern Dini Meinig ghöre.

Ich habe Sehnsucht nach dir, meinem Vater, ich bin verloren in mir ohne Dich..

Lili Keller isch mir nöd ganz unbekannt, ha scho meh vo ihre gehört und ja das Lied finde ich sehr schön, trifft min Gschmack um mich ganz im Herr z'verlüüre sehr gut
..ich bin verloren in mir ohne Dich...

dä Teil find ich sehr zum nachedenke geeignet, was heisst das genau, was heisst das für mich persönlich.....Danke Schoham

[Schoham]

wia chund das bi Dir ah - das Stuck am End - wo sie in Zunge singt?

[alegna]

wia chund das bi Dir ah - das Stuck am End - wo sie in Zunge singt?

wenn Du das jetzt nöd gseit hettisch, ich hets nöd mal gmerkt, han das eifach für ä Fremdsprach ghalte
weisch mit Zungerede han ich kei Erfahrig, deshalb isch das für mi au nöd wichtig, möcht da au kei Meinig bilde, bi mir da sälber no nöd im Klare drüber. Ich denke wenn me deht wär und dLilo würd gseh und erläbe würdis au anders ine cho als so über sGhör.
Ich cha würkli so nüd dezue säge

So, muss jetzt is Bett, schlaf guet Schoham, he, ich ha Di liäb

[Schoham]

Das isch d'Hauptsach - das mir eus lieb hend - eins wärded in Ihm - eusem wunderbare Gott.

[alegna]

Het scho lang niemer meh da ine gschriibe, debii isch sRosinli immer no gliich schön wie letscht Jahr au.
Gibe aber zue, jetzt wo Du Schoham wieder da bisch, isch es erscht wieder aktuell worde für mich, irgendwie assozier ich: Schoham gleich Rosinli weiss au nöd warum, aber wär schön wieder mal es paar User wo sRosinli känned da zträffe

lieäbi Grüess a alli Rosinlifäns
alegna

[Schoham]

Dänn sägad mar doch wider emohl öbis .

Dar chürzischti Weg zwüsched zwei Menscha is es lächla.
Us China

[alegna]

Dar chürzischti Weg zwüsched zwei Menscha is es lächla.
Us China

Ja das isch sicher so, nu chli schwiirig so übers Netz, nöd? Aber äs Lächle wo vo Herze chunnt isch öbbis wunderschöns und baut di höchschte Muure ab. Für mi lächlisch Du mich a wenn Du da schriibsch und das erfreut mi extrem
Danke Dir

alegna

[Schoham]

Du bisch herzig alegna .

I glaub es gid no en nöchere Weg:
S'eins sie i dar Liebi

[doro]

*michdezuegsell*

Bi übrigens au i de Zwüscheziit immer nonig uf em Rosinli gsi... Langsam würds mal Ziit.

lg, doro

[sugi]

*michdezuegsell*

Bi übrigens au i de Zwüscheziit immer nonig uf em Rosinli gsi...

Ich au nid..numne idä Nöchi
Da chunt mer gad öpis dur dä Chopf......................................

[alegna]

Da chunt mer gad öpis dur dä Chopf......................................

De Gedanke han i übrigends au scho gha, wo i am Doro sis Post gläse ha, nu, ohni Bambini wird chli schwiirig bi mir, mal luege, lömmers mal no offe .....

lieäbe Gruess
alegna

[firebird]

Sali zäme,

Mit Freude erinnere ich mich a de schön Tag uf em Rosinli s letschte Johr. Üsi lustigi Börd hät deet ä schmackhafti Bratwurst gesse und s zäme si mit dr Sandra so richtig gnosse. Jo mir chönted das wiederhole und das Johr no mit meh Rosinli Fäns us dem Forum.

@Alegna
Und für d`bambini hät`s det obe en glatte Spilplatz.

Es Grüessli
efbiäi (FBI)

[doro]

Fänd ich natürlich supercool, wänn ihr, fbi, seabird und Bird und au d Sandra au debi wäred.

lg, doro

[sugi]

Das wäri dänn scho bald es chliises Foreträffä.. hihi


@efbiäi
Es het under anderem e Rutschbahn, womer glaubs für 5 Stutz en Teppich cha "miete" zum aberutsche, das weiss ja d'alegna, suscht wär sie ja nid im Rosindli-Club und dän hets no en Uusichtsturm, so viel ich weiss..

[alegna]

das weiss ja d'alegna,

dä efbiei aber au

grüessli a alli
alegna

[sugi]

Haha.. Na logo

[alegna]

He Lüütlis vom Rosinliclup
ich han hüt Abig en Abstächer ufs Rosinli gmacht gha, ha deht Znachtgässe und mich a de Sunnestrahle erfreut und a de Ussicht und em Wind wo mir um dOhre gweht isch, aber schönste sind die ville ville Erinnerige gsi wo cho sind. Isch mega schön gsi, meeeeggggggaaaaaa

alles lieäbi a alli vo Eu
alegna

[sugi]

So cool

Ich gseh, du bisch en Spontan-Mänsch
Ich au! Guet so

Mir hend au en meeeeega suuuuper tolle Tag verbrunge.. Hend e Wanderig gmacht, idä Höchi obe im Rest. isch "hudigägeler" gloffe und hend es Salötli und Pommes gässä.. Isch mega gsi!!! Vorallem dUusicht!!!


Fascht wäre mer zum Zwerg-Baartli gange..kännsch das, alegna???

Bim Rosindli simer nume unedure gfahre.. Wer weiss, wer weiss, vllt hemer eus sogar mal mitem Auto krützt