Rosinli-Club

von **sugi** » Do 6. Mai 2010, 15:34

Sooooodeli.. Het alles wunderbar klappet..ha ja gseit, ich ha alles im Griff

von **Schoham** » Do 6. Mai 2010, 16:08

...danke Sugi...miamiam so fein und chnusperig und passt grad zu mim Cafi. Bi dena Profibrot - säg wia machsch du sie? Frischhefe oder Trochehefe - tuesch sie lang chnetta vo Hand oder hesch a Maschine? Isch dar Teig wenn Du alli Flüssigkeit dazueto hesch no recht füecht am anfang oder eher troche usw...Säg wia machsches? Mir glingts eifach scho längari Zit nüma recht. God zwenig uf. Oder vielleicht chans nöd viel meh uf go will i hauptsächlich Vollkornmehl nimm. Also wenn emohl Zit und luscht hesch - varzell wia ma zu so prächtige Brotlieb chund :))

von **alegna** » Do 6. Mai 2010, 17:21

Buah sugi
da lauft mir doch grad sWasser im Muul zäme, hey :))

von **sugi** » Do 6. Mai 2010, 17:31

Sali Schoham und alli andere Rosindli-Klub-Mitglieder :comeon:

Hihi..ja du, wiä söli etz das alles beantworte..

Ich bache sit bald anderthalb Jahre dä Zopf und sBrot sälber..und nime Frischhefe!
Ha aber im Fall der Fälle immer no es päckli Trochehefe ume!

Ha sit neuschtem aagfange, dassi min Riissack (hani sälber gmacht und isch guet, wämer chli Buchweh het, husch in Mikrowälläherd und fertig), ei Minute
id Mikrowällä tuene, und dann dSchüssle, woni min Teig drin han, döt druf stelle, und en füechte Hudle odedure lege.. Berüehrt aber dä Teig nid!

Und so lahnen uufgah..

Ich ha e Knätmaschine, kei Brotmaschine..
Vo Hand machi praktisch nüd..lahnen immer guet dureknätä!!

Aso, wäni en Chueche mache, lahnis nid so lang mische, ha dErfahrig gmacht, dass dänn dä Chueche anderscht wird..fascht
echli trochner.. Aber vllt ischs ja a öpis anderem glägä..has uf jede Fall nüme probiert

Im Bachofe hanis bi 220Grad, nid Heissluft, und zwüsche 28-38min..

Ha emal zwei Zöpf und zwei Brot im Ofe gmacht..für dä Ofe, woni ha wele hüt Holz ha..
Das het dän eso uusgseh: Klick mich!

Und au es feins chnuschprigs Brot..hmmmm..

Wer isst eigentli bi eu dihei sMugeli? Bi eus bin ichs :mrgreen:

Ich liebe Rinde..!!!

So, alli Frage beantwortet :mrgreen:

von **alegna** » Do 6. Mai 2010, 17:34

sugi hat geschrieben:Wer isst eigentli bi eu dihei sMugeli? Bi eus bin ichs
Ich liebe Rinde..!!!

Hey sugi, gits denn no öbbis bessers als dä Heuel????
Ich liäbe au Heuel und Rinde, früehner ha i amel drum ume gsuuget und maches hüt no :oops:

Grüessli

von **sugi** » Do 6. Mai 2010, 17:39

Was, wiä seisch du däm, Heuel? :lol:

Hani no niä kört..

Aber, min Usdruck söt doch eher din Dialäkt sii..
Aso ich has vo minere Muetter und
diä chunt vo det hinde

von **alegna** » Do 6. Mai 2010, 17:40

sugi hat geschrieben:Aso ich has vo minere Muetter und
diä chunt vo det hinde

Aber ich nöd sugi :warn:

ich has au vo minere Muetter, aber diä chunt nöd vo da hindä

von **sugi** » Do 6. Mai 2010, 17:42

Ui, was hani aagstellt, dass mitem Finger gwaglisch

von **firebird** » Do 6. Mai 2010, 20:56

alegna hat geschrieben:
sugi hat geschrieben:Wer isst eigentli bi eu dihei sMugeli? Bi eus bin ichs
Ich liebe Rinde..!!!

Hey sugi, gits denn no öbbis bessers als dä Heuel????
Ich liäbe au Heuel und Rinde, früehner ha i amel drum ume gsuuget und maches hüt no

Grüessli

He Sugi und Alegna,

Bi üs i dä Familie tue ich dä Gupf verspachtle. Denn bin ich sicher, das er nöd vertröchnet und dass s`Brot au fertig gässe wird. Fröget mi nööd wele Dialäkt, dass ich rede, ich weiss es nämlich selber nööd. :oops:

Es Grüessli vom

äfbiäi (FBI)

von **Schoham** » Do 6. Mai 2010, 20:58

Danke vielmohl Sugi - alles super beantwortet

. Dia andera Brot dia gsend jo no feiner us - so brunbrennt eifach wunderbar. Dar Aschnitt isch au s'beschti und drum düend mir in teile - i meine emohl er und emohl i. Nid das mehr Buech würded füera - aber so vom gfühl her isch es so und mir hend deswega kei Chrieg. Im Gegateil - morn sinds sage und schreibe 27 Johr her sid mir eus für ewig ananand hend bunde

.

von **alegna** » Fr 7. Mai 2010, 06:21

Schoham hat geschrieben:Im Gegateil - morn sinds sage und schreibe 27 Johr her sid mir eus für ewig ananand hend bunde .

Ja Schoham
ich dänk im Name vom gsamte Rosinliclup, dörf ich Dir gratuliere zu Dim Hochsigstag :jump:

Alles gueti Wiiterhin und Gottes Säge a Eu beidi :praise:

von **firebird** » Fr 7. Mai 2010, 07:46

alegna hat geschrieben:
Schoham hat geschrieben:Im Gegateil - morn sinds sage und schreibe 27 Johr her sid mir eus für ewig ananand hend bunde .

Ja Schoham
ich dänk im Name vom gsamte Rosinliclup, dörf ich Dir gratuliere zu Dim Hochsigstag
Alles gueti Wiiterhin und Gottes Säge a Eu beidi

Liebi Schoham,

Ich schlüsse mich dä Wünsch vo dä Alegna a.

Gäll, wenn mer so 27 Johr zäme im Bund isch, gohts dur villi Hochs und Tüüfs. Aber das alles binded änenand no feschter zäme.

Mir händ am 25. April sdrüezwänzigste gfiired und mir händ genau das dörfä feststelle.

:praisegod:

Es Grüessli vom

äfbiäi

von **sugi** » Fr 7. Mai 2010, 09:33

..doch, bi mir gits Chrieg, wer mis Mugeli nimmt..

Drum löhnds es schön mir übrig

Oh, dän gratulieri eu au no, Schoham.. Es isch würkli schön, wämer mit eme Mänsch dörf sLäbä duregah..mit allne Höchs und Tüüfs..!
Jedoch chani nid sägä, dass es niä chönti kaputt gah..! Hmm..ich meine, e absolute Garantie gits nid!

Es staht ufeme gwaglige Bode.. Me chas sich vorstelle wiä en Garte, wo mer muess pfläge..

Und me het ja au no anders..

Jedoch chani sägä, dass mir au scho das Jahr, mitti Herbscht dörfed euse 13. Hochziitstag fiire..
Ich probier ein Tag nachem andere z'neh..! Das veränderet di ganz Iistellig..!

Ich wött eifach sägä.. Mit Gott gaht alles! Mit Sinere Liebi.. :praise:

von **Schoham** » Fr 7. Mai 2010, 21:09

Danka Angela, Firebird und Sugi - für euri gueta Wünsch

.

Bim Hundevelogassigoh hüd morga han i a Frau troffe. Han ihra u.a. verzellt das mir hüt Hochzyttag hend und denn hed sie gseit das sie au schon, i mein sie heg gseit, 16 Johr verhürated sig und das das schon über em Durchschnitt isch vo da Ehana. Das vieli scho wegam chlinsta ufgend und sich lönd scheide

.

Lobpries und dank eusem herrlicha Herr. Er hed eus lieb ohni End - für immer und ewig. Solang mir bi Ihm bliebad dörfamar in Gnuss cho vo Sinar liabi cho.

Im Moment lies i widar dar Thomas von Kempen und es isch soo erbauend was er schriebt und wia er Gott erhebt und verherrlicht - es gid mir so viel.

En liaba Grues an alli Rosinlifans... :umarm:

von **alegna** » So 16. Mai 2010, 18:09

Will dSchoham das au da ine gschribä hät, will ich das jetzt au mache, ich und min Maa fiired hüt dä 7. Hochsigstag und diä wo meh vo mir wüssed wüssed, warum mich deh Tag das Jahr bsunders freut :jump:

Ich freu mi würkli

von **Schoham** » So 16. Mai 2010, 19:13

7 Johr
ich freu mi mit Dir liabi Alegna :umarm:

Siebenjahre.jpg

Ehe - ewa - Ewigkeit

von **doro** » So 16. Mai 2010, 20:58

Liebi alegna

Soooooooo schön! Ich gratuliere eu ganz herzlich zum Hochsigstag und wünsch eu au s negschte Jahr dur Gottes riiche Säge! :))

lg, doro

von **firebird** » Di 18. Mai 2010, 08:22

Liebi Alegna,

Au wenns spaat isch, will ich Eu no ganz herzlich gratuliere und Eu für die nöchstä Ehejohr vil gfröits wünschä.

Es Grüessli vom
äfbiäi

von **alegna** » Di 18. Mai 2010, 13:36

Ja liäbe firebird danke trotzdem no, au hinterher, gueti Wünsch cha me immer bruuchä.

So jetzt frög ich mich aber wänn Du gedänksch mal das Rosinli go inspizierä, ich mein so ev. chönnt ich mit dä Kids au....weisch äs isch Summer und ich ha viel Ziit. Wenn Du also deht mal apeile tuesch, chönnt ich villicht au deht apeile, alles klar?

Wünsch allne Klupmitglieder an schöne Nomitag :))

von **sugi** » Di 18. Mai 2010, 15:17

Danke alegna, au dir en schöne Namittag :))

Und au no Nachträglich Gotte Riiche Sägä wiiterhii für eui Ehe.. :praise:

Es Gärtli wo me muess pflägä..!

Machets guet, ihr alli :comeon:

von **sugi** » Fr 21. Mai 2010, 17:33

Hej, ihr Rosindli-Fans!!

Ich will eu öpis verzelle, was ich letscht Nacht erläbt han!!

Es het mich am Zieschtig Abig mitere Erchältig verwütscht, und bi au etz no am umesüüche..

Aber ich will ja etz uf dä Punkt cho..

Chrank sii, het bi mir vielfach en psychische Hindergrund..isch etz aber e z'langi Gschicht, um das alles verzelle!

Ich bi letscht Nacht mit Herzschmerz verwached..hami nüme chöne nach rächts oder links, weder ufe no abe bewege..
Ha ganz oberflächlich gschnuufet, und min Schweiss isch immer meh cho.. Ich ha au irgendwiä kei Chraft ka..völlig plemplem!

Ich ha dänn aagfange a mim Maa umschüpsle und rüttle..bis er verwached isch!
Woner dänn ändli mal en Ton gseit het, hanem gflüschteret! Bät bitte für mich..mis Herz!!
Und so het min Maa es churzes aber intensivs Gebät im halbschlaf nach ufe gschickt.. Woner Amen seit, frögt er mich; hesch dän es stächä? Und eh ich ihm e Antwort geh han, isch eifach dä ganzi Schmerz vodä eint Sekunde uf di ander wäg gsi.. Ich weiss au nid, wiä churz das das gange isch, womer scho wieder im Tüüfschlaf gsi sind!

Ich ha dänkt, dass ich das gern eu möcht mitteile.. Will, eusen Herr, isch doch eifach Wunderbar!!!

Ich weiss, dass ich i Sine Händ geborge bin..und au mini Ziit isch i Siner Hand!!
Dä Widersacher hets versuecht und het en Aagriff gwagt..genau dänn, wäni schwach bin!! Aber für Gott
isch das keis Hinderniss! Im Gägenteil:

Jesus Christus ist der Sieger, über Hölle, Tod und Teufel, darum wähl ich Ihn.
Er gab meinem Leben Sinn und ewiges neues Leben darum sing ich froh von Ihm.
Jesus Christus, gestern und auch heute, und derselbe auch in Ewigkeiten!

Wer kännt das Lied au no??

Das hani gsunge, woni mi mit sächsi zu Jesus bekehrt han..und Freud isch i mir inne gsi..

von **alegna** » Fr 21. Mai 2010, 17:39

Chume grad Hühenerhuut über bim läse sugi, mir fehled Wort und überhaupt.....schön das Du in Gott geborge bisch :praisegod:

von **sugi** » Fr 21. Mai 2010, 17:43

Lass di umarme liebi Schwöschter :umarm:

von **alegna** » Fr 21. Mai 2010, 17:46

sugi hat geschrieben:Lass di umarme liebi Schwöschter

Danke

isch doch guet händ mir än Clup wo mir denand alles schriibe chönd gäll?
Lass Di au :umarm:

von **sugi** » Fr 21. Mai 2010, 17:53

Ja und vorallem eso, wiä eim dSchnurre gwachse isch.. :mrgreen:

Opps..pardon für min uusdruck :lol:

Und ich ha au e totali gueti Luune.. dSunne isch ändli wieder emal da, blaue Himmel..und, ich han es Chinderfreis Weekend mit mim Maa..

Yipiiie.. :jump:

Da vergissi diräkt, dassi Chrank bin!! Solangi nid min Chopf z'schnäll bewege..

Ja ich weiss, meh chönt au meine..als obs di gröschti Lascht wär, ich meine etz Kinde..HAHAHA

Meh muesses aber au anderscht gesh..wäns dänn wieder da sind, dänn weiss mer au, was mer het!!
Söll für beid Siite e beriicherig sii.. :))

alegna, wiä alt sind dini Chind?

von **alegna** » Fr 21. Mai 2010, 17:57

sugi hat geschrieben:Ja ich weiss, meh chönt au meine..als obs di gröschti Lascht wär, ich meine etz Kinde..HAHAHA

Ich weiss genau wiä Du das meinsch, cha der extrem nachefühle :umarm:

au wenn ich wider bis in Herbscht muss warte bis ich mir wider än Tag mit mim Adonis :lol:

cha dänke.

alegna, wiä alt sind dini Chind?

Bald vier und biz spöter sibni.

von **firebird** » Fr 21. Mai 2010, 20:30

sugi hat geschrieben:Hej, ihr Rosindli-Fans!!
........
Ich ha dänn aagfange a mim Maa umschüpsle und rüttle..bis er verwached isch!
Woner dänn ändli mal en Ton gseit het, hanem gflüschteret! Bät bitte für mich..mis Herz!!
Und so het min Maa es churzes aber intensivs Gebät im halbschlaf nach ufe gschickt.. Woner Amen seit, frögt er mich; hesch dän es stächä? Und eh ich ihm e Antwort geh han, isch eifach dä ganzi Schmerz vodä eint Sekunde uf di ander wäg gsi.. Ich weiss au nid, wiä churz das das gange isch, womer scho wieder im Tüüfschlaf gsi sind!
.......

Liebi Sugi,

:praisegod:

Mir händ än Gott wo hüt no Wunder tuet !!!

Ich danke Dir ganz herzlich, dass Du üs das verzellt häsch, das macht mir grad wieder Muet.

Liebi Grüess dä

Fäierbörd

von **Sandra73-** » Fr 21. Mai 2010, 20:33

Liebi sugi,

ou jo Du, :praisegod:

Ja, sowas macht Muet!

Ganz liebs Grüessli,
Und gueti Besserig natürlich!! :umarm:

Sandra

von **doro** » Fr 21. Mai 2010, 23:03

Liebi sugi

Danke fürs Verzelle! :praisegod:

Das Lied käni übrigens.

lg, doro

von **Sandra73-** » Fr 21. Mai 2010, 23:04

Ah ja, Nachtrag: Das Lied känni au! Eis vode erschte woni glehrt han womi bekehrt han im 1992gi :))

von **doro** » Fr 21. Mai 2010, 23:38

Hehe, und ich käns erscht sit ich i mini aktuell Gmeind gang. Han sus eigetli es doch rächt anders Liederguet kännt.

Und mängisch isch es no schad, dass gwüsses devo vilich fasch chli am ischlafe isch. (Setti vilich zumindest so dihei für mich chli ändere.)

Eigetli hani es anders Lied gsuecht (bzw. zwei, woni s erst nöd gfunde han, aber s zweit hani dänn au nöd gfunde), drum das:
http://topchretien.jesus.net/toptv/view ... aines.html

So als Müsterli.

"Libres de nos chaînes" heisst "Frei vo eusne Chette".
Und im Refrain heissts "Hallelujah! Mögi dis Riich cho! Maranatha! Chum, Jesus, regier i mir!" Und i einere Strophe au "Jesus isch Sieger!" - Passt zum Lied vo de sugi. :))

Naja, da me i dem Thread ja chli alles dörf säge, wagis jetzt mal es bizli in Nostalgie mich z befinde.

Hoff, es stört nöd z fescht.

Danke namal fürs Verzelle, sugi! Das isch würklich ermuetigend. Mir händ en starche und guete Gott! :praise:

lg, doro

von **Sandra73-** » Sa 22. Mai 2010, 00:05

Hey super Lied, doro...gfallt mer grad mega!!
D Stimme chömed mer so bekannt vor, vor Jahre het mer mol öppert usem Elsass e Kassette mit Franz. Lobpris ufgni und die Lieder sind glaubs vo de gliche Gruppe gsi

von **doro** » Sa 22. Mai 2010, 00:25

Hät sie Exo gheisse, die Gruppe?
Isch jedefalls sehr guet möglich, sind rächt bekannt im christliche französische Sprachrum.

lg, doro

von **Sandra73-** » Sa 22. Mai 2010, 00:37

Chan si, müesst mal s Kassettli go sueche, weiss aber in wellem Gstell si isch :))

von **sugi** » Sa 22. Mai 2010, 12:04

Alli Ehr kört eusem Vater im Himmel.. :praisegod:

alegna..ich chume hüt zu dine Berge..gange goge en Brate hole!
Min Maa het Kurs! Und ich mach etz mit mim Vierbeiner en Usflug..!!

Wänd das liesisch und ich aber scho wäg bin, und du dänksch, he, dän chönte mer eus doch husch träffä..dänn mäld di bidä Sandra, sie het mini Handy Nr.

Gäl Sandra, das isch easy!!

Lahnis mal uf mich zuecho..so Gott will :comeon:

Gange dän ebe evtl no Verwandti go Bsueche, ha diä scho über es jahrzehnt nüme gseh..

Und danke für eui schöne Wort, äfbiäi, doro und Sandra :umarm:

Bi soebe am Chinderlieder lose..ich liebs :jump:

von **alegna** » Sa 22. Mai 2010, 12:15

sugi hat geschrieben:alegna..ich chume hüt zu dine Berge..gange goge en Brate hole!
Min Maa het Kurs! Und ich mach etz mit mim Vierbeiner en Usflug..!!

Netzbrate

Wänd das liesisch und ich aber scho wäg bin, und du dänksch, he, dän chönte mer eus doch husch träffä..

Ui Du, ich bi nöd vo dä spontane Truppe, aber danke fürs Agebot, ich gnüs grad no mis ällei sii und muss spöter mini Kids go hole...schöne Usflug Dir, aber äs sind nöd würkli mini Berge gäll, ich wohne nu da

Diä Hügel wo dSandra wohnt, ja das sind eher mini Hügel.....R.. und B.. zum Biispiil, also schöne Usflug, aber gäll, warm alegge da blast so grässlich dBise!!

von **sugi** » Sa 22. Mai 2010, 12:33

Was um alles idä Wält erschreckt dich nume a däm Netzbrate!!
Bisch en Vegi.. :lol:

Ich sägä halt dini Berge, wil du ebe döt hinde wohnsch..hihi

Sind au mini

aber ich wohne nid döt

Jänu..wer nid spontan isch, dä weiss nid was er verpasst.. :-P

*nurchliföpple*
So, mach mi langsam parat..wot ja no en Lädergurt chaufe..und he, wo isch gad dSunne bliebe

Mümer etz no singe: O du goldigs Sünneli, tue doch wieder schiine.. Wiä im Chindergarte!!

Also ihr liebe Rosindli-Fans..hebet en schöne..machtes guet und bhüet eu alli Gott :umarm:

von **alegna** » Sa 22. Mai 2010, 12:38

sugi hat geschrieben:Was um alles idä Wält erschreckt dich nume a däm Netzbrate!!
Bisch en Vegi..

Nei, aber dä isch so nöd würkli guet, chli fettig und da han ich nöd gern

Also vill Spass, and Slow down Take it easy

von **sugi** » Sa 22. Mai 2010, 12:47

alegna hat geschrieben:
sugi hat geschrieben:Was um alles idä Wält erschreckt dich nume a däm Netzbrate!!
Bisch en Vegi..

Nei, aber dä isch so nöd würkli guet, chli fettig und da han ich nöd gern

Gschmachsverstuuchig.. :lol:

Dä isch sooooo fein!!!! Mitere feine Bratesauce, Rüebli und schliferige breite Nudle..hmmm
Chindheitserinnerig wo halt bliebet..und ich halt übernoh han vo dä Grossmuetter :))

Also vill Spass, and Slow down Take it easy

Mal gugge..vllt lahni mi mal provoziere..fahre ja hine ume.. :mrgreen:

Ab und zue bruuchi chli Adrenalin!! Woni dä Herzschlag bis in Hals gspüürä
und mini Bei afanged zittere.. :oops:

(sugi, etz hocksch immer no da)

von **alegna** » Sa 22. Mai 2010, 12:48

sugi hat geschrieben:
Also vill Spass, and Slow down Take it easy

Mal gugge..vllt lahni mi mal provoziere..fahre ja hine ume..

Mach ich au meischtens :jump:

über dä Uzneberg isch au schö, meinsch deht?

Wer ist online?