also wenn ich jesus nit hätt, hätt ich mi scho lang umbrocht

[sadly_n_despaired]

mi name seits jo scho, ha mi zu jesus bekehrt! lieb ihn über alles!! Bi so froh ihn in mim läbe z ha udn so viel mit ihm z erläbe do und wüsse dass är do isch.. und mit lüt rede und vo jesus verzelle doch leider gseh ichs nüm ganz, ich versiff alles, has eifach nüm im griff, ich nimm mir s eifachschti vor und doch goht nüt.. un ha au no nüt gmacht in mim läbe bin in der 20 johr und nit mol e usbildig..schlächti note und chume nid vorwärts.. han kei kollege/inne mee und kei fründe.. han langsam es paar lüt chönne känne lerne aber kenne die chum..

s tzönt viilicht mega billig doch es isch die truurigi wahrheit!
weiss eifaach nid wie wiiter.. ha zwar e gmeind wo mir hilft.. han mega schulde und ha mir vor gno nid mee mache.. und trotzdäm ha ich mee gmacht und wett nüm lüge und trotzdäm passierts und ich ha mi eifach nit im griff den wett ich früeh uf stoh aber es goht nit.. den bliib ich mega lang im bett und schloof wiiter und wenn ich ufgstande bi ha ich es mega schlächts gwüsse..
und wenn ich mal gang go putze zu wenigstens es bitz öpis verdiene bi ich glaubs mega langsam..

bi eifach zu nüt fähig murn morn ufs sozi amt aber ich bi nit mol fähig gsi alli unterlage parats mache.. bi am zügle en teil isch da en teil dete und halb verpackt han kei übersicht mee und chan nit zügle weil ich nit weiss wie transportiere.. und kraft han ich au kei mee.. d helfti isch nit iipackt weil ich kei chiste me ha und alles mitenand.. den ha ich de zäti nid zalt.. und vom wenige wo ich verdient ha.. und 100 franke ohni z fröge vo mim mitbewohner usglehnt.. weil ich gfunde ha bis morn hüt chönt ich das wieder ane legge aber ich glaub nid.. den ha ich nomol 20 franke veruntreut und denn het mir d kirche zum e wichtigi adräss änderig mache gäld gä und zwar z viel 30.- und ich has veruntreut.. ich han so es problem mit gäld.. ha ächt gmeint ich han glernt aber ich merke das ich eifach ich wirde glaubs immer wie schlächter.. und han mich gar nit veränderet has gfühl ich schaffs eifach nümm.. s isch so schwieerig han so kei chraft zum was tue.. s einzig was ich tue isch viel läse...
i de bible und sunscht büecher wo was konkret mit gott und jesus z tue händ...


und ich ha den immer es sones grosses schlächts gwüsse... und das ,acht alles no schwerer...

easy...

guet nacht an alli liebi grüessli

[McLee]

Hey sadly_n_despaired

Zersch mol ganz härzlech willkomme im Forum, i hoffe du wirsch dich wohlfühle und au Antworte uf dini Frage becho.

Woni din Iitragha gläse bini scho trurig worde, dass es dir so geit wie du hesch beschribe. Gliichzitig bini mer ou hilflos vorcho, wiu i nid häufe cha. Immer weni vo öpperem ghöre, dass er i Not isch dänki, da muess me doch öppis mache. I ha ke Ahnig wasi dir söu säge, will i möcht da nid eifach es paar frommi Floskle häreschriibe, wo dir nid viu bringe.
I gloube es isch nid easy, es isch sicher mega schwär, die Zyt wo du dure machsch, so ganz ohni Fründe u Kollege (das hani scho richtig verstande?) Hesch de du ir Gmeind niemer wo du guet kennsch u chasch über dini Sache redä? Schüsch suech der doch e christlichi Seelsorgerin oder Beraterin, wo dir chönnt häufe, dass du die Sache i Griff bechunnsch.

Vil meh chani der im Momänt nid rate, usser vilech, dass mit de Lüt redsch wode hesch agloge u sache veruntreut hesch. I weiss, dass es mega schwär isch, über so unangnähmi Sache z´redä, aber i dänke me füehlt sich nächer besser, was ja scho mau nid schlächt isch.

I wünsche der vo ganzem Härze, dass du das aues i Griff bechunnsch u öpper findsch wo dir da cha häufe (näbscht Gott). U i hoffe dass das woni ha gschribe dir e chli öppis bringt.

Us welere Gegend chunnsch eigentlech?

[sadly_n_despaired]

hi....

dangge viil mol für alli PN nachrichte...

zudäm dangge mc lee...

jaja s isch scho nit ganz easy.. und ja das stimmt wäg de kollege.. han ja scho no es paar aber die nämmets alli droge kiffet was das zeugs häl.. und rauchet allpot, en teil suuft mer chli z viel..

ha ja scho e mentorin, sie wür mich guet verstoh aber si isch i de ferie.. in frankriich..

ja udn süscht weiss ich au nid würkli.. kei ahnig.. easy.. ich wart etz halt eifacht mal..

vielicht sett ich ja e therapie mache weiss es au nid..

dangge und a ja ich bi usem grossruum züri

greeeeeeeeeeeeeeeeeetz

[jeig]

Original von sadly_n_despaired
vielicht sett ich ja e therapie mache weiss es au nid..

Für was denn?

Gruess

jeig

[sadly_n_despaired]

ja weiss nid gnau aber zb. damit ich wieder im altag disziplin han und au lerne mit gäld umgaa.. und mal lerne mit anderne mensche umzgaa.. nüm so ufbrausend z sii und au nid so undgeduldig und hyperaktiv.. und damit ich nit ii ne so nes nüt tue ine kei... weiss nid ich chume ja nid vorwärts.. dreie mich immer ums gliiche.. kei ahnig oder so e betreuti christlichi wohngruppe..

Ich has gfühl es paar wichtigi entwicklicksprozäss im mim läbe usglooh z ha do ich schnäll ha sälber miese kämpfe und luege wie ich de altag bewältig.. und das im grundgno föllig gschitteret isch.. kei ahnig.. sich halt en mega kompliziert di sach.. ich mag gar nüm und ich weiss ich set so viel mache und doch machi nüt und weil ich nid weiss wo afange und den wenn ich nüt gmacht ha ha ich riese schuld gfühl und den wird alles nur no schlimmer.. das isches ebbe.. nit emol es normals zytgfühl ha ich me.. früener bini ad bushaltstell und den ischs nüm lang gange denn ishc er cho hüt fahrt mer alles vor de nase ab und hans verpasst... öppe so gseht mi läbe glaub au chli...

Danke greeeeeeetz S_n_D

[Baski]

I haa jitz dis Poost es paarmal glääse .....irgendwie dünkt mi goot´s nid eso ganz uf, was du verzellsch.
Sadly and despaired - heisst truurig und verzwiflet - bisch du das und werum nimmsch e sone Name wenn de schoo wosch usdrücke, dass du jitz mit Jesus wotsch läbe?
Nächär - eigetlech geit´s der doch super guet, du hesch allne materielle Nööt zum Trotz en Ort wo de chasch wohne und e PC wo de chasch bruuche - ob er dir ghört, isch nid wichtig.
Me seit Iisicht sig der Aafang vom ene bessere Wäg. Du hesch mega viil Iisicht, d Froog isch nume wie du das umsetzisch? Du hesch s´Gfüeu es glinge dir nüüd. De fang a eim Ort aa und mach das und bevor das nid gmacht hesch, nüüt angers! Du wirsch gsee, es änderet sech und nachär chasch zwöi Sache mache und zletscht e ganzi Lischte abarbeite.

E chlini Bemerkig chan i mir aber nid verkneife: Chönnts nid ou sii, dass die truurigi Gschicht mit schinbar kem Uuswäg eifach e truurigi Art isch, d Chrischte zfoppe und zluege was die uuselöö, wenn me ne soo öppis verzellt?
Wäge däm hanimir iitz müesse Ziit nää um z´überlegge, ob i söu antwort gää.

Wenn es nid esoo isch und i haut en aute Zwiifler, de tuet es mer leid. I versueche eigetlech drann zschaffe, dass i mini Zwifu nid angerne uferlegge...

[sadly_n_despaired]

Danke viiil mal!! isch sehr lieb vo eu!!

Nei baski.. wenn du meinsch das segi es fake thema.. denn tüschisch du dich.. den ich han ächt es problem.. und de name ha ich gwählt weil ich i däm momänt genau so gfüehlt han.
sisch äbe au so das ich das han ewlle usdrucke.. klar ich liebe jesus und folge ihm.. trotz allem läb ich wie ihr au in dere wält und do isch nit gott könig sondern de tüfel und probiert sehr viil z schliise.. Und somit han au ich nöt und truurigi momänt inn mim läbe.. doch durch dass, dass ich ganz sicher sicher bi das jesus uferstande ich und somit no läbt und ich alles uf ihn chan setzte geits mer wieder guet.. aber trotzdäm muen ich das bewältige und die problem ghöret zu minere reis.. Und mer selled ja au lerne. somit ich han min muet zämme gna und hans wägem gäld bichtet und in zwüsche zrugg zahlt. s buech kauft und die 30.- chönne zrugg zahle und au morn im gotesdienst chönne de zähnti zahle! juhui.. bin ächt froh das mir jesus so viel chraft git.. han nämlig äntlig de gang ufs sozialamt gschafft.. nach langem verweigere (4 johr)wenn ich denn vilicht mir scho hät häufe laa hät ich etze en usbildig und miest nüme vo däne abhängig sii. doch anyway.. ich bin en andere wäg gange und zum glück süscht wär ich etz nid da wo ich scho bi.. und hätt nie soviel chönne lerne..(fürs läbe) und sowieso aller anfang ishc schwer und ich chan ja au nid erwarte das ich nach churzer zyt beschti fründinne ha und das no im multipack.. somit gib ich mer eifach wiiter müeh.. ich danke gott mega und möcht dich herr mega um verzeihig bitte dass ich immer so viel zwifle aber du kenschmis härz und waisch immer ganz gnau was lauft wie ich fühle und obs mir ärnscht isch oder nid.. danke dass ich uf dich baue dörf..

Danke für euri biiträg..

ich bi eifach nid gärn allei.. doch etz han ich d möglichkeit z sii und eifach easy.. und lerne los z laa und mich vo gott füehre laa.. danke für euri tipps.. sind ächt u mega hilf riich und wärtvoll..

Be blessed

Liebe grüsse

Dass Leben ist nicht Fair - aber Gott ist Gut

[godsdaughter]

Aber GOTT ist meeeeeeeeeega GUT!!

[McLee]

Original von godsdaughter
Aber GOTT ist meeeeeeeeeega GUT!!

AMEN!!!

[Nebelkatze]

Hey du,mäld di doch wiedermol bi mir!wür mi freue....
!!!!!!!!!!!!