Lieblingswort im Schwyzerdialäkt

Bitte hier in Schweizerdeutsch schreiben! Dr Dialäkt isch egal, äs tuet eifach guet, mau so z´schrybe, wis eim redet!

Moderator: firebird

Re: Lieblingswort im Schwyzerdialäkt

Beitragvon lenka » Fr 26. Nov 2004, 16:47

....chaule chönnt me jo ou mit chätsche übersetze und für alli wo ne das zhööch isch, das wär uf hauchdeutsch "kauen" und chaule tuet vorallem e junge Hundi a allem und jedem .... oder?
Es ist nicht gesagt, dass es besser wird, wenn es anders wird,
wenn es aber besser werden soll, muss es anders werden!
Benutzeravatar
lenka
Member
 
Beiträge: 207
Registriert: So 31. Mär 2002, 01:05

Re: Lieblingswort im Schwyzerdialäkt

Beitragvon seimen » So 28. Nov 2004, 10:46

Hallo Zäme

Also i han au scho min senf dezue gä!!
sisch so mich nimmts wunder was iär so für komisch wörter bruchet das kennt me ja schier nit!

da Verstaht me eu ja fascht nit :P

Mis Absolute Liäblingswort isch: ......YEAH!.....!!!!
Das isch doch es krasses wort oder??

oder was isch au nu viel sege isch krass,Mega,Jow,Fett,Genial,Super,Cool,usw, isch krass oder ;)

und was hender nu so für wörter zbiäte!!

Seget Mal: "Chuchichästli" !! :)
Benutzeravatar
seimen
Lebt sich ein
 
Beiträge: 39
Registriert: Mi 22. Jan 2003, 16:36

Re: Lieblingswort im Schwyzerdialäkt

Beitragvon bärnerin » So 28. Nov 2004, 18:27

chuchichäschtli..... =)

es gutschi isch es chinderbettli
und ds düümihüdi isch es nuuscheli.... nuuscheli wüsst er ja oder?

und chaule isch richtig lenka!

cooli wörter usem baslerdialäggt:

- buschiglayder
- räppli
- bebbi segg
- bebbi gglöpfer
- güggli

auso wenn da basler drunger sii, und sech ab mire basurächtschribig stööre, müesst er eifach mi nick ahluege :))

lg usem bäärner seeland
bärnerin
Hat sich eingelebt
 
Beiträge: 82
Registriert: Mi 28. Jul 2004, 18:55
Wohnort: bärner seeland

Re: Lieblingswort im Schwyzerdialäkt

Beitragvon lenka » So 28. Nov 2004, 19:40

Original von bärnerin
[..]
cooli wörter usem baslerdialäggt:

- buschiglayder
- räppli
- bebbi segg
- bebbi gglöpfer
- güggli

auso wenn da basler drunger sii, und sech ab mire basurächtschribig stööre, müesst er eifach mi nick ahluege :))

lg usem bäärner seeland


Jo ausoo bärnerin vom grosse moos!!!
- buschiglayder si Chleider für nes Bebee
- räppli - das si Konfetti am Morgestraich .. oder äbe der Usdruck für Konfetti uf baseldytsch
- bebbi segg - si Basler Ghüderseck - was zaalet dir eigetlech für eue Ghüder?? Bi üüs si si sit nöischtem knallblau!
- bebbi glöpfer - es wür länge zsäge i wott e Chlöpfer, das si brotni Servela..
- und s´güggli isch es Plasticseckli - süsch seit men im e Gugge!!!

Aehm - weisch du - oder wüsstir was es Schwöbli isch oder es Schlumbärgerli?

Nächär isch mer hütt z Sinn choo - i chönnt do emou s Thema uf s ruure bringe, was chönnt ächt das sii? 8-)

tschou zäme :))
Es ist nicht gesagt, dass es besser wird, wenn es anders wird,
wenn es aber besser werden soll, muss es anders werden!
Benutzeravatar
lenka
Member
 
Beiträge: 207
Registriert: So 31. Mär 2002, 01:05

Re: Lieblingswort im Schwyzerdialäkt

Beitragvon loves.jesus » So 28. Nov 2004, 19:41


Hm, jetz hani hit grad eina gfrägt was de Chaule heissi. Är seit das heissi Chifle u nid cheue. Was ischt den jetze richtig? :?

GBY ?
loves.jesus
Abgemeldet
 
Beiträge: 363
Registriert: Sa 4. Sep 2004, 11:08

Re: Lieblingswort im Schwyzerdialäkt

Beitragvon bigbird » So 28. Nov 2004, 19:47

Original von loves.jesus

Hm, jetz hani hit grad eina gfrägt was de Chaule heissi. Är seit das heissi Chifle u nid cheue. Was ischt den jetze richtig? :?
GBY ?
Für mi isch chaule o chifle, nid chöie! Es isch sicher o mängisch e Frag vo dr Schrybwys ...

bigbird
Menschliche Weisheit führt in eine Spaltung -
göttliche Weisheit führt ans Kreuz.

J.S.
Benutzeravatar
bigbird
Administrator
 
Beiträge: 45532
Registriert: Do 7. Mär 2002, 07:25
Wohnort: Raum Bern

Re: Lieblingswort im Schwyzerdialäkt

Beitragvon schterndli » So 28. Nov 2004, 19:59

Original von lenka


Aehm - weisch du - oder wüsstir was es Schwöbli isch oder es Schlumbärgerli?

Nächär isch mer hütt z Sinn choo - i chönnt do emou s Thema uf s ruure bringe, was chönnt ächt das sii? 8-)

tschou zäme :))


Also äs Schwöbli oder Schlumbärgerli isch doch so ä Art Semmeli oder me chan jo au sägä Wisbrötli wo obä so ufgsprungä isch oder?

Was du mit Thema uf s ruure bringe meinsch do han i kei Ahnig. :?

Wünschä no än schönä erschtä Advent

schterndli
Lass es geschehen
Himmlischer
das ich an deiner Herrlichkeit
teilhabe
einen Augenblick

Lass mich
ein winziges Sternchen sein
und die Erde schauen
in ihrer unvollkommenen
Vollkommenheit
einen Augenblick
Benutzeravatar
schterndli
Member
 
Beiträge: 146
Registriert: Di 28. Sep 2004, 12:46

Re: Lieblingswort im Schwyzerdialäkt

Beitragvon loves.jesus » So 28. Nov 2004, 21:01


ruure = rüere?

GBY
loves.jesus
Abgemeldet
 
Beiträge: 363
Registriert: Sa 4. Sep 2004, 11:08

Re: Lieblingswort im Schwyzerdialäkt

Beitragvon Manaslu » So 28. Nov 2004, 21:22

Also, ich bin zwar Zürcheri, aber wohne tuen i im Bärnbiet und drum da na paar Wörter zum naadänke:
- Gogerä
- Gschirrä
- Schtrummärä
- Floogerä

Aber am liebschtä han i immer no s´Müntschi :)
Manaslu
Benutzeravatar
Manaslu
Member
 
Beiträge: 152
Registriert: So 26. Okt 2003, 20:52
Wohnort: Tor zum Berner Oberland

Re: Lieblingswort im Schwyzerdialäkt

Beitragvon chraebu » Di 30. Nov 2004, 17:16

Es Müntschi esch es Kössli!! Juhuuu, ech ha weder einisch öppis gwösst!

wössid ehr was

löötig
stöike
charchle

heisst???
chraebu
Newcomer
 
Beiträge: 16
Registriert: Di 2. Nov 2004, 08:43

Re: Lieblingswort im Schwyzerdialäkt

Beitragvon loves.jesus » Di 30. Nov 2004, 22:04


I have null Ahnig! :?


GBY
loves.jesus
Abgemeldet
 
Beiträge: 363
Registriert: Sa 4. Sep 2004, 11:08

Re: Lieblingswort im Schwyzerdialäkt

Beitragvon bärnerin » Mi 1. Dez 2004, 20:42

@lenka kunnsch nit vo basel oder? =) stimmt aues, aber das si ds basel usdrück wo aune klaar si... aber weni hie bi de bärner chume, verstöh sis aube nid.

ruure isch knurre oder so öppis i die art

gogere tuet me meistens uf öppis uche.. zum bispiu ufne stue uche gogerä isch ds vergliche mit chlättere

gschirrä heisst das vilech so viu wie tischä? auso ds tisch decke?

löötig heisst so vieu wie extrem, oder henne.. oder so =)

me weisi ou nid....

und de
- helke?
- ame?

lg
bärnerin
Hat sich eingelebt
 
Beiträge: 82
Registriert: Mi 28. Jul 2004, 18:55
Wohnort: bärner seeland

Re: Lieblingswort im Schwyzerdialäkt

Beitragvon Yehudit » Mi 1. Dez 2004, 20:48

Original von bärnerin
gschirrä heisst das vilech so viu wie tischä? auso ds tisch decke?

Nei, noch mim Verständnis hed gschirrä nüd mit tischä z´tue, sondern mit Seich mache. Weiss halt nid rächt, wie mer das söll omschriebe. Wenn mir früecher Fäschtbänk gschlisse händ, isch das es Biespiel gsi vo gschirre (ich säge gschere).

löötig heisst so vieu wie extrem, oder henne.. oder so =)
Für mich heisst löötig leer. Also zom Biespiel, löötigi Milch = Milch ohni Kafi oder Ovi dinne.

Grüessli Yehudit
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5365
Registriert: So 19. Mai 2002, 13:31
Wohnort: irgendwo wo´s rüdig schön isch!

Re: Lieblingswort im Schwyzerdialäkt

Beitragvon Manaslu » Do 2. Dez 2004, 11:08

Auso:
- Gschirrä heisst Gschicht, äs Fach am Gymer
- Floogerä isch eifach es Fluugzüg
- Strummärä sind Schtrumpfhose, wo die chline Chind amigs ahänd

helke,oder au heukä gheisst "dä ander ärgere", das seit mer öppä zu dä Goofä

Manaslu
Benutzeravatar
Manaslu
Member
 
Beiträge: 152
Registriert: So 26. Okt 2003, 20:52
Wohnort: Tor zum Berner Oberland

Re: Lieblingswort im Schwyzerdialäkt

Beitragvon lenka » Fr 3. Dez 2004, 00:08

Original von bärnerin
@lenka kunnsch nit vo basel oder? =) stimmt aues, aber das si ds basel usdrück wo aune klaar si... aber weni hie bi de bärner chume, verstöh sis aube nid.

Mou i wone z Basu - aber i bi gäng none Bärnere..... i bi höchschtens "ein gelernter Basler" (es isch mer zheiss das z übersetze i Dialäkt)

Original von bärnerin
ruure isch knurre oder so öppis i die art

Es isch definitiv knurre!!!!!


gogere tuet me meistens uf öppis uche.. zum bispiu ufne stue uche gogerä isch ds vergliche mit chlättere

...oder stägere, wür i däm säge. Us welem Kantonsteil schtammsch du eigetlech....? Oberland?


gschirrä heisst das vilech so viu wie tischä? auso ds tisch decke?

gschirrä heisst alegge oder parat mache. Urschprünglech het me dermit gmeint, d Ross go gschirre, das heisst ne de Chummet alegge u se iischpanne. Nachär isch drus das worde, was me hütt brucht, we me seit, dir müesset nech gschirre. Dir müesset nech alegge .... umfangrich, Chappe, Mantu, Schtifu, Händsche..... Haustuech nid vergässe....


löötig heisst so vieu wie extrem, oder henne.. oder so =)
me weisi ou nid....

Nei - löötig heisst pur und wird bruucht, wenn öpper öppis schtarchs oder tüürs oder säutes het .. oder trinkt und vo dört chunnt ou der Usdruck lööte für trinke (ganz viu trinke)


und de helke?


...heisst necke...


- ame?


das weiss i nid....
lg
Es ist nicht gesagt, dass es besser wird, wenn es anders wird,
wenn es aber besser werden soll, muss es anders werden!
Benutzeravatar
lenka
Member
 
Beiträge: 207
Registriert: So 31. Mär 2002, 01:05

Re: Lieblingswort im Schwyzerdialäkt

Beitragvon lenka » Fr 3. Dez 2004, 00:16

Original von Yehudit
[..]
Nei, noch mim Verständnis hed gschirrä nüd mit tischä z´tue, sondern mit Seich mache. Weiss halt nid rächt, wie mer das söll omschriebe. Wenn mir früecher Fäschtbänk gschlisse händ, isch das es Biespiel gsi vo gschirre (ich säge gschere).


es Gscheer het nüt z tue mit gschirre... i ha das grad vorhär erklärt, was unger em Begriff gschirre, cha verschtange wärde.


[...] henne.. oder so =)

Henne isch en eidütige Usdruck vo Bärn Wescht, Bümpliz und Bethlehem und isch e Verschterchig ... wie me mega, super undsowiter seit.

lg
Es ist nicht gesagt, dass es besser wird, wenn es anders wird,
wenn es aber besser werden soll, muss es anders werden!
Benutzeravatar
lenka
Member
 
Beiträge: 207
Registriert: So 31. Mär 2002, 01:05

Re: Lieblingswort im Schwyzerdialäkt

Beitragvon navili » Fr 3. Dez 2004, 21:13

Also ich finde der Bärner Dialekt mängisch chle komisch... Ich wohne selber im Berner Kanton, und ig finde, die redä da ziemli krass...

Grüessli
Wer nicht albern sein kann, hat keinen Verstand.

Robert Lembke

:praisegod:
navili
Hat sich eingelebt
 
Beiträge: 71
Registriert: Fr 3. Dez 2004, 20:52
Wohnort: Deutschland, wohnhaft Nähe Biel (Berner Seeland)

Re: Lieblingswort im Schwyzerdialäkt

Beitragvon bärnerin » Mi 8. Dez 2004, 13:11

helke heisst necke, das stimmt
ame, heisst soviu wie aube... wenn nech aube me seit =)

@lenka.... bisch de du scho lang ds basel??
i möcht äbe ou mau einisch dört härä ga wohne... i finge die lüt, dä ort und dä dialäkt so hammer =) passt mer eifach... =)
ig wohne im seeland wenn der das öppis seit... mini mueter chunnt aber vom bärner oberland und i ha viu verwandti dört obe, drum chas si dasi mängisch so oberländer usdrück ha woni bruuche...
wo hesch de du vorhär ds bärn gwohnt??

@navili... wo wohnsch de du im kanton bärn?
jaja, dä dialäkt git sogar zum teil de bärner ds schaffe...
mir rede ja überau angers... bärner oberland bärndütsch... seeland bärndütsch... ds stadt bärn bärndütsch... ds ämmitau bärndütsch, tönt sowiso aues chlei angers überau....

mfg
bärnerin
Hat sich eingelebt
 
Beiträge: 82
Registriert: Mi 28. Jul 2004, 18:55
Wohnort: bärner seeland

Re: Lieblingswort im Schwyzerdialäkt

Beitragvon bärnerin » Mi 8. Dez 2004, 13:14

friburger: mu chennti ja sübe chessle müuch hole..... =)
bärnerin
Hat sich eingelebt
 
Beiträge: 82
Registriert: Mi 28. Jul 2004, 18:55
Wohnort: bärner seeland

Re: Lieblingswort im Schwyzerdialäkt

Beitragvon bärnerin » Mi 8. Dez 2004, 13:15

oder nei.... nid müuch... möuch..... =) =)
bärnerin
Hat sich eingelebt
 
Beiträge: 82
Registriert: Mi 28. Jul 2004, 18:55
Wohnort: bärner seeland

Re: Lieblingswort im Schwyzerdialäkt

Beitragvon lenka » Mi 8. Dez 2004, 13:43

@bärnerin:
schoo lang woni z Basu .... guet vierzää Joor, i bi ou schoo aut.
S Bärner Seeland kenneni vom Dürefaare i s Broyetau, dört hani ou e mou gnäschtet..... und mini Mueter het z Avenches gwoont.
S Bärner Seeland kenneni ou vom Gmües us Galmiz woni aus jungi Frou aube bezoge haa... im Abonnemänt.
Wie ring chönntisch du de sones Ortswächsu mache, bisch elei oder mit Familie, bruefstätig oder nid?
Gäu gwungerig isch si d Lenka....

e schööne ...
i muess e chli schaffe...



Es ist nicht gesagt, dass es besser wird, wenn es anders wird,
wenn es aber besser werden soll, muss es anders werden!
Benutzeravatar
lenka
Member
 
Beiträge: 207
Registriert: So 31. Mär 2002, 01:05

Re: Lieblingswort im Schwyzerdialäkt

Beitragvon coolerboy » Do 9. Dez 2004, 20:00

Original von bigbird
Original von Karin
fende die Wörter cool, wo eh niemer wäiss, was es esch. Z.B. es Gigampfi
Also - d Bärner wüsse scho, was es Gigampfi isch. U d Bärner sy nid "niemer". Ig zum Byschpil ghöre grad eis, es gixet! Henusode - hett allwäg es Tröpfli Öl ygklemmt! :]

Mir isch no ds Wort "Guggumere" i Sinn cho. Kenne anderi Bärner das no?

bigbird

gigampfi?? isch es berner wort? meinet ihr doch scho das teil wo ä person obe isch die ander dune und dene immer so hi und her?? :D
Benutzeravatar
coolerboy
Power Member
 
Beiträge: 528
Registriert: Fr 2. Jan 2004, 11:32
Wohnort: klein aber OHO!!

Re: Lieblingswort im Schwyzerdialäkt

Beitragvon Miba » Do 9. Dez 2004, 20:49

Klar wäis ich was das isch (Gugumärä) das isch ä Gurkä! Bi zwar än Bernär und doch redät mir dihäi Züridütsch! Abär wüsäd ihr was än BöLä odär ä WEIä isch? übrigäns hend ihr au Strafufgabä übärcho we dir ir Schuälstund öiä äigäti Dialäkt hend gred? Ich scho! MIBA
Miba
Hat sich eingelebt
 
Beiträge: 73
Registriert: Do 28. Okt 2004, 12:05
Wohnort: Region Bern

Re: Lieblingswort im Schwyzerdialäkt

Beitragvon coolerboy » Do 9. Dez 2004, 21:11

Original von Miba
Klar wäis ich was das isch (Gugumärä) das isch ä Gurkä! Bi zwar än Bernär und doch redät mir dihäi Züridütsch! Abär wüsäd ihr was än BöLä odär ä WEIä isch? übrigäns hend ihr au Strafufgabä übärcho we dir ir Schuälstund öiä äigäti Dialäkt hend gred? Ich scho! MIBA

bölä=zwieble
weiä= kei ahnig wie erkläre also es git jo öpfelweiä halt und so:)
Benutzeravatar
coolerboy
Power Member
 
Beiträge: 528
Registriert: Fr 2. Jan 2004, 11:32
Wohnort: klein aber OHO!!

Re: Lieblingswort im Schwyzerdialäkt

Beitragvon naja » Fr 10. Dez 2004, 13:11

Han jetzt ned möge alles doreläse!
Mer gfallt s Urnerdialäkt ond s Zörcherdialäkt.
Urnerdialäkt esch so öppis grobs ond ergedwie doch fiin.
Do hätt ech grad es paar Wörter im Urnerdialäkt:
Fazzenetli
more
hitte
niini
S ned so schöne Wort (huere/hüere) chonnt uursprönglech au vo det.

S Zörcherdialäkt kennt jo so zemmli jede echli. Fend ech öppis sehr fiins, doch töönts ned bi jedem guet. Chan mängisch chlii hochgstoche öberecho.

Ond Zugerdialäkt gfallt mer, wells echli es Gmesch esch zwösche Zöri ond Luzärn.

Ond sLuzärnerdialäkt gfallt mer au. Jedoch eher das vo de Stadt ond ned s Luzärnerhenderland, goht mer det scho fascht zfescht is Bärndütsch.

So gwössi Usdröck gfallet mer au vo anderne Dialäkte. Ond die breng ech namigs au i mi Gsprochgebruch.

Bem Bärndütsch, han ech no welle froge, werd bi euch eigentlech emmer d Ehr gseit? Also anstatt Sie - Heit dEhr... (statt händ Sie?)
Benutzeravatar
naja
Member
 
Beiträge: 155
Registriert: Mo 22. Nov 2004, 17:19

Re: Lieblingswort im Schwyzerdialäkt

Beitragvon Wetterhorn » Do 16. Dez 2004, 19:22

zwöi witzigi wörtli für Stange- und Buschbohne...

Stangebohne: Fisel
Buschbohne: Schnageni

dönt doch hammermässig 8-)

grüessli wetterhorn
Benutzeravatar
Wetterhorn
Newcomer
 
Beiträge: 5
Registriert: Mo 15. Mär 2004, 14:00
Wohnort: berner oberland

Re: Lieblingswort im Schwyzerdialäkt

Beitragvon Miba » Fr 17. Dez 2004, 21:33

Hoi Coolerboy
Wärum wosch du das erchlerä? Also, ä WEIÄ isch äifach z glichä wiä im Berndütschä än Chuächä! Also Öpfälweiä, Böläweiä, Zwätschgäweiä..... Öpfälchuächä, Zibälächuächä, Zwätschgächuächä.....Cunsch so drus?
Än Chuächä, isch bi öis im Züridutschä, das was bi dä Bernär, ä Turtä odär äs Cake isch! Witzig odär?:))
MIBA
Miba
Hat sich eingelebt
 
Beiträge: 73
Registriert: Do 28. Okt 2004, 12:05
Wohnort: Region Bern

Re: Lieblingswort im Schwyzerdialäkt

Beitragvon coolerboy » Fr 17. Dez 2004, 22:06

Original von Miba
Hoi Coolerboy
Wärum wosch du das erchlerä? Also, ä WEIÄ isch äifach z glichä wiä im Berndütschä än Chuächä! Also Öpfälweiä, Böläweiä, Zwätschgäweiä..... Öpfälchuächä, Zibälächuächä, Zwätschgächuächä.....Cunsch so drus?
Än Chuächä, isch bi öis im Züridutschä, das was bi dä Bernär, ä Turtä odär äs Cake isch! Witzig odär?:))
MIBA

jo schono! :D wie schwytzerdütsch halt isch 8-)
Benutzeravatar
coolerboy
Power Member
 
Beiträge: 528
Registriert: Fr 2. Jan 2004, 11:32
Wohnort: klein aber OHO!!

Re: Lieblingswort im Schwyzerdialäkt

Beitragvon Fellow » Fr 17. Dez 2004, 22:06

Mis Liäblingswort isch eigentlich usemene "Nödverstahchönne" entstande. Mini Frau chunnt usem Züribiet und do, wo sie herchunnt seit meh zu "verrumpflet" eifach "vermuurgelet". Nei, eigentlich "vermuorgeled", au nöd.... s´u isch ebe weder es "u" no es "o", sondern öppos zwischedinne.

Jo, und us dem Unverständnis het sich schlussendlich e "Liäbi" zu dem Wort entwicklet!!! ;)

Hol emol Luft und säg ganz gmächlich: vermuuoorgelet!

:D :D :D

Fellow
Du bist der, der mich designte,
Du bist mehr, als ich je meinte!
Du bist Schöpfer meines Seins
und Bejubler des Designs,
das in mir erschaffen ist!
Du bist Lebenskomponist!

Quelle: internetgedichte.ch
Benutzeravatar
Fellow
Wohnt hier
 
Beiträge: 2346
Registriert: So 19. Mai 2002, 00:52
Wohnort: Mostindien

Re: Lieblingswort im Schwyzerdialäkt

Beitragvon Enggi » Fr 17. Dez 2004, 23:04

Original von naja
Fazzenetli
more
hitte
niini
S ned so schöne Wort (huere/hüere) chonnt uursprönglech au vo det.
Fazzenetli Nastuech
more Sau
hitte 1. hüt (hitte geï mir nit ins Bett) 2. Hütte
niini 9
S ned so schöne Wort (huere/hüere) chonnt uursprönglech au vo det. Drum hei d´Bärner s´Wort [color=blue]henne ärfunge. [/color]


Mir gfaled Wörter guët, wo ´s Grosi amel gsait hät:

Sennewie
Schattemorälle
Fabrigg (Uusdruck bim Jasse)

chömed alli usem Französisch und dur dä Napoleon III (Schloss Arenebärg) in Kanton Thurgau.


Witeri thurgauer Liëbling:

Chröömele (Braits ö)
E Zaane voll Tannzapfe d´Laatere-n-ab schlaapfe


Seislerisch:

Gsuneet
Häpere
Häpereni
ghäbe


Immer no nöd knackt hämmer "Bärhämmig"
Min Tipp: ohni Chappe


E Froog a d´Basler:

Was isch de Schidunder vo "joo" und "jä"?
(Hä joo drnoo) :)


Und zum Schluss no e Witzfrog:

Was isch en Waschtlagä?
Unser Geist geht nicht weiter als wir unseren Körper bringen. Oswald Chambers

·•·•·•· Enggi schreibt jetzt als Gnu weiter ·•·•·•·
Benutzeravatar
Enggi
My home is my castle
 
Beiträge: 11111
Registriert: Fr 6. Feb 2004, 21:16
Wohnort: Elftausendeinhundertelf

Re: Lieblingswort im Schwyzerdialäkt

Beitragvon sterngucker » Fr 17. Dez 2004, 23:42

Original von Enggi


Seislerisch:

Gsuneet
Häpere
Häpereni
ghäbe



Dass da öper mal seislerdütschi Wörter ufzählt häti würkli nid erwartet :D Aber für mi isch dä Dialäkt normau, wiu ig dert ufgwachse bin... es heisst denn aber "häpöreni" ;)

A propos Seislerdütsch:

Wenn du sHochdütsche Wort für "Fageta" weisch, denn hesch würkli de Durchblick i dem Dialekt, und? ;)

Sterngucker

PS:

Was isch en Waschtlagä?


LKW! ;)
"Denn das Wort des Herrn ist wahrhaftig,
Und all sein Tun ist Treue"

Psalm 33,4
Benutzeravatar
sterngucker
Wohnt hier
 
Beiträge: 2683
Registriert: Do 21. Aug 2003, 23:50
Wohnort: Seeland

Re: Lieblingswort im Schwyzerdialäkt

Beitragvon buzz » Sa 18. Dez 2004, 00:38

Original von naja
Han jetzt ned möge alles doreläse!
Mer gfallt s Urnerdialäkt ond s Zörcherdialäkt.
[..]


Mir tuets i de Ohre wee, wenn du seisch "s...dialäkt" - ausoo
das isch en Fauxpas, es isch immer der Dialäkt!

Auerdings cha me vom Bärndütsch nume rede i dr sächleche Form
ausoo s Bärndütsch.

Original von naja
Bem Bärndütsch, han ech no welle froge, werd bi euch eigentlech emmer d Ehr gseit? Also anstatt Sie - Heit dEhr... (statt händ Sie?)


So isches. Im Bärndütsch wird g´ihret - heit dir das schoo ghöört.... (das isch nächär nid vo dr Duform abgleitet - aber vom Ihr, wi du scho gmerkt hesch.
Gueti Zyt
buzz
Benutzeravatar
buzz
Hat sich eingelebt
 
Beiträge: 53
Registriert: Fr 27. Aug 2004, 10:43

Re: Lieblingswort im Schwyzerdialäkt

Beitragvon buzz » Sa 18. Dez 2004, 00:41

Was isch de seislerdütsch? Mir chunnt nume d Seisler Alm zSinn und die isch im Südtirol! Das geit nid uf, oder?

Gueti Zyt
buzz
Benutzeravatar
buzz
Hat sich eingelebt
 
Beiträge: 53
Registriert: Fr 27. Aug 2004, 10:43

Re: Lieblingswort im Schwyzerdialäkt

Beitragvon buzz » Sa 18. Dez 2004, 00:44

@enggi: weisch was hösch isch. Das isch en usstäärbendi Schprooch in Basu.
Benutzeravatar
buzz
Hat sich eingelebt
 
Beiträge: 53
Registriert: Fr 27. Aug 2004, 10:43

Re: Lieblingswort im Schwyzerdialäkt

Beitragvon naja » Sa 18. Dez 2004, 00:55

Hoi Buzz
Muess grad echli lache... Er reded jo wörkli Dütsch ofg!
Der Dialäkt! gg Scho fascht Hochdütsch gg
Jedefalls do, well soscht chamer das jo ned wörkli säge ofg

Liebe Gruess

naja
Benutzeravatar
naja
Member
 
Beiträge: 155
Registriert: Mo 22. Nov 2004, 17:19

Re: Lieblingswort im Schwyzerdialäkt

Beitragvon sterngucker » Sa 18. Dez 2004, 01:45

Original von buzz
Was isch de seislerdütsch? Mir chunnt nume d Seisler Alm zSinn und die isch im Südtirol! Das geit nid uf, oder?



Das geit tatsächlich nid uf ;)

Seislerdütsch isch e Dialekt wome im dütschsprachige Teil vom Kanton Fribourg red.

"Denn das Wort des Herrn ist wahrhaftig,
Und all sein Tun ist Treue"

Psalm 33,4
Benutzeravatar
sterngucker
Wohnt hier
 
Beiträge: 2683
Registriert: Do 21. Aug 2003, 23:50
Wohnort: Seeland

Re: Lieblingswort im Schwyzerdialäkt

Beitragvon Enggi » Sa 18. Dez 2004, 01:52

@sterngucker
Original von sterngucker

Dass da öper mal seislerdütschi Wörter ufzählt häti würkli nid erwartet :D Aber für mi isch dä Dialäkt normau, wiu ig dert ufgwachse bin... es heisst denn aber "häpöreni" ;)
Entschoudigung und danke viumau für diä Korräktur! :)
A propos Seislerdütsch:

Wenn du sHochdütsche Wort für "Fageta" weisch, denn hesch würkli de Durchblick i dem Dialekt, und? ;)
Do muen i passe, aber Google sei Dank: :roll: Hosentasche (FR-Oberländer-Dialekt)
Zitat enggi : Was isch en Waschtlagä?

Antwort sterngucker : LKW! ;)
Der Kandidat hat 100 Punkte! :D Waschtlagä sagte mein Neffe als kleiner Bub anstelle von Laschtwagä.

@buzz:
Original von buzz
Was isch de seislerdütsch? Mir chunnt nume d Seisler Alm zSinn und die isch im Südtirol! Das geit nid uf, oder?

Gueti Zyt
buzz
Seislere tüend Tütschfribourger us em Sense-Gebiet. Wo´n i die Schprooch ´s erscht mol ghört han, han i gmeint, es seigi Liechteschtei- oder Bündnerdütsch. I chum jo us der Oschtschwiz (Thurgau) und döt häts fascht kei Fribourger. Underdässe wohn´ i scho so lang im Kanton Bärn, dass i zwangsläufig hüffig dä Dialäkt aatriffe.

[Die Gruppe »Rähn« singt Senslerisch (»Wenn i nume wüssti, was i wetti ...«)]
@enggi: weisch was hösch isch. Das isch en usstäärbendi Schprooch in Basu.
»Hösch« hani emol ghört im HD Läppli, aber was es gnau bedütet, weiss i nöd. De „Miesli“ seit es paar mol »hösch«. Hösch isch au en Eigename.

Jetz grad im Google gfunde: Basler Mundart... hösch! hörst du! ("Hösch, Digge, mach keini Lämpe, hösch!";).
:D :]

Ein Weltwoche-Artikel zum Thema Verarmung der Schweizer Dialekte erwähnt die „Kleinbasler Hösch Brueder-Sprache“ klick do druf, denn gsehsch en vilicht

Grüess an alli vom Änggi=Aschi=Näschtu
Unser Geist geht nicht weiter als wir unseren Körper bringen. Oswald Chambers

·•·•·•· Enggi schreibt jetzt als Gnu weiter ·•·•·•·
Benutzeravatar
Enggi
My home is my castle
 
Beiträge: 11111
Registriert: Fr 6. Feb 2004, 21:16
Wohnort: Elftausendeinhundertelf

Re: Lieblingswort im Schwyzerdialäkt

Beitragvon Yehudit » Sa 18. Dez 2004, 06:43

Original von buzz
Was isch de seislerdütsch? Mir chunnt nume d Seisler Alm zSinn und die isch im Südtirol! Das geit nid uf, oder?

Gueti Zyt
buzz
I de Zwüschezyt hesch jetzt wohl Antwort druf öbercho.

Hmm, i mues glaub mol weder is Fribourgerländli. Früecher hani all Wuche eine vo Tafers gseh, wo üs Holz is Gschäft gliefered hed, aber jetzt hani dä lässig Dialäkt scho ewig nümme ghört :cry:

Liebi Grüessli

Yehudit
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5365
Registriert: So 19. Mai 2002, 13:31
Wohnort: irgendwo wo´s rüdig schön isch!

Re: Lieblingswort im Schwyzerdialäkt

Beitragvon Enggi » Sa 18. Dez 2004, 07:10

ummi
Unser Geist geht nicht weiter als wir unseren Körper bringen. Oswald Chambers

·•·•·•· Enggi schreibt jetzt als Gnu weiter ·•·•·•·
Benutzeravatar
Enggi
My home is my castle
 
Beiträge: 11111
Registriert: Fr 6. Feb 2004, 21:16
Wohnort: Elftausendeinhundertelf

Re: Lieblingswort im Schwyzerdialäkt

Beitragvon sterngucker » Sa 18. Dez 2004, 16:07

Original von Yehudit

Hmm, i mues glaub mol weder is Fribourgerländli. Früecher hani all Wuche eine vo Tafers gseh, wo üs Holz is Gschäft gliefered hed, aber jetzt hani dä lässig Dialäkt scho ewig nümme ghört :cry:



Naja, its heschu emu wenigschtens umi ihna wo zTafersch ufgwachse isch im Forum :D

Sterngucker ;)
"Denn das Wort des Herrn ist wahrhaftig,
Und all sein Tun ist Treue"

Psalm 33,4
Benutzeravatar
sterngucker
Wohnt hier
 
Beiträge: 2683
Registriert: Do 21. Aug 2003, 23:50
Wohnort: Seeland

VorherigeNächste

Zurück zu Schwyzerdütsch Forum

Wer ist online?

Mitglieder in diesem Forum: 0 Mitglieder und 1 Gast