Seite 2 von 2

Re: Bibusteue über d´Gmeind

BeitragVerfasst: Di 3. Aug 2004, 13:08
von godsdaughter
Hi

ka mir öppert sage wo ich die diskusion find über dass d frau nit predige sellid.. oder was s resultat gsi isch??

also das nimmt mich scho no gnauer wunder.. zudem ich gseh keis problem dehinter.. solang s wort stimmt unds eus nährt und vilicht sich sogar öppert bekehrt:: juhui Halleluja!! isch ja mega.. nomol es mega fescht im himmel..


sorry ghört jo nit do iine ha mich ebbe nur grad gfreut für die neu bekehrte..hihi :D

@bigbird... sag was isch den das für e gialäggt wo du redisch?? mi dunggts es rächts gmisch.. das nit extrem tuesch bärner wie anderi merk ich jo au no .. aber was es würklich isch nit.. kasch mer noch hälfe?? greeeeeeez merci (bitte nüt zu mim dialäggt.. mine isch e nüm das wos mol gsi isch :( )


easy liebi griessli an alli :D GD

Re: Bibusteue über d´Gmeind

BeitragVerfasst: Di 3. Aug 2004, 13:12
von bigbird
Original von godsdaughter
@bigbird... sag was isch den das für e gialäggt wo du redisch?? mi dunggts es rächts gmisch.. das nit extrem tuesch bärner wie anderi merk ich jo au no .. aber was es würklich isch nit.. kasch mer noch hälfe??
Doch, isch scho Bärndütsch, aber schrybe tuen is äbe zimlich strukturiert, nach em Lehrbuech vonGreyerz/Bietenhard. Das heisst, ig schrybe zum Byschpil "alli Chind" - aber säge tueni "aui Ching"! Ig bi halt e Papiertiger (ou da seit me für "halt" äbe "haut";).

Alli (Aui) Klarheite besytiget? ;)

bigbird

Re: Bibusteue über d´Gmeind

BeitragVerfasst: Di 3. Aug 2004, 13:14
von bigbird
Original von godsdaughter
ka mir öppert sage wo ich die diskusion find über dass d frau nit predige sellid.. oder was s resultat gsi isch??
also das nimmt mich scho no gnauer wunder.. zudem ich gseh keis problem dehinter.. solang s wort stimmt unds eus nährt und vilicht sich sogar öppert bekehrt:: juhui Halleluja!! isch ja mega.. nomol es mega fescht im himmel..
Suechfunktion benütze!

bigbird

Re: Bibusteue über d´Gmeind

BeitragVerfasst: Di 3. Aug 2004, 13:19
von godsdaughter
meeeeeeeerci, sorry ha jo no mega viil schriib fähler bi mir endeckt wie mer gseht isch rächschriibig nit so mini stärki... :D

waisch ich bi konfus gsi will du mit "y" gschriibe hesch und bis anhin ha ich immer dänggt das isch nu im baselerdütsch beziehigswyys Baselbieterdütsch eso...

danke ür d ufklärig..

greeeeeez @all

Re: Bibusteue über d´Gmeind

BeitragVerfasst: Di 3. Aug 2004, 13:28
von bigbird
Original von godsdaughter
waisch ich bi konfus gsi will du mit "y" gschriibe hesch
Di wichtigschte Regle im Bärndütsch isch die:

Überall wo "ei" im Schriftdütsche steit, dr I mit y schrybe (z.B. wyss, Wy, wyter, Ygang).

bigbird

Re: Bibusteue über d´Gmeind

BeitragVerfasst: Sa 7. Aug 2004, 21:40
von McLee
Original von bigbird
Überall wo "ei" im Schriftdütsche steit, dr I mit y schrybe (z.B. wyss, Wy, wyter, Ygang).


cool, bi mir git da immer netweder es "y", es "i" oder es "ii" :D
aber jetzt chönnti da ja immer es "y" setze. zwar..... das wär ja weniger luschtig :))