Seite 1 von 1

Aaretau

BeitragVerfasst: So 10. Mär 2013, 17:50
von Indien
Vor Jahre hani mi hie scho mau agmäudet gha u bi när nümm aktiv gsi. Jetz wetti wieder chli meh yne luege.

Ig wohne im Aaretau u wenns hie no meh vo dert git, fändi das cool!

Ig bi i 2 1/2 Jahr füfzgi, sit 25 Jahr glücklech verhüratet, Mami vo vier wunderbare Ching

I hoffe, i täg mi scho gli wieder hie yläbe u ga jetz chli im Forum ga ume schnöigge

Re: Aaretau

BeitragVerfasst: So 10. Mär 2013, 19:16
von Gnu
Hoi Indien

weisch du zuefällig no, wenn du 's letschti mol aagmeldet gsi bisch?

Re: Aaretau

BeitragVerfasst: So 10. Mär 2013, 19:24
von alegna
Müssti 3. März 2006 gsi si, warum?

liebe Gruess
alegna

Re: Aaretau

BeitragVerfasst: Mo 11. Mär 2013, 02:18
von Gnu
alegna hat geschrieben:Müssti 3. März 2006 gsi si, warum?

liebe Gruess
alegna

Wenn das Datum stimmt, het si de Crash verpasst. Suscht hät si Biträg verlore.

Re: Aaretau

BeitragVerfasst: Mo 11. Mär 2013, 16:35
von Indien
ke Ahnig wenn das i ds letscht Mau i hie gsi - emu scho ewig lang nümm

Was ür ne Crash?

Re: Aaretau

BeitragVerfasst: Mo 11. Mär 2013, 16:48
von doro
Hoi Indien

Euses Forum isch mal abgläge zwüsched dure und es sind villi Biiträg verlore gange. Kei luschtigi Gschicht xi. :x

Aber jetzt sött so öpis also nüm passiere, kei Angscht... ;)

Ah, und... Willkomme zrugg im Forum! :jump: :party:

lg, doro - Admin

Re: Aaretau

BeitragVerfasst: Mo 11. Mär 2013, 17:08
von Indien
ach so! Danke für d Info

U merci fürs Willkomme :jump:

Re: Aaretau

BeitragVerfasst: Mo 11. Mär 2013, 17:48
von just me
hallo indien,

mit ein wenig phantasie könnte ich von mir behaupten, dass ich im unteren aaretal wohne. im gegensatz zu dir habe ich meinen 50. geburtstag aber im ersten monat dieses jahres bereits hinter mich gebracht. meine beiden kinder sind erwachsen und machen mir viel freude.

magst du noch etwas dazu schreiben, wie du auf den nick "indien" gekommen bist?

oh sorry, han jetzt erscht gseh, dass din biitrag em schwyzertüütsch forum stoht ond wot jetzt net nomol alles ändere :oops:

Re: Aaretau

BeitragVerfasst: Di 12. Mär 2013, 08:14
von Indien
hallo just me
gärn verzeue ig wieni uf dä Nick bi cho: wo mir ir Schue (vor laaaaaaanger Zyt...) ir Geografiestund hei über Indien gha, het das mir dr Ärmu ine gno u mi nie meh los gla. Ig bi ä grosse Fän vo däm Land (gseh aber o au die Widersprüch u Missständ wo dert herrsche) Ha o scho zwöi Mau dörfe dert häre reise

Ig gseh jetz auso a Dir, dass me dä 50igscht überläbt :lol: :lol: Nenei ig ha ke Problem dermit! Aber ha grad es luschtigs Buech gläse wo ä Frou so Müeh het gha mit däm runde Geburi (bei Hitze ist es wenigstens nicht kalt) Hoffe, ig täg de mau nid so komisch wie die :lol: :lol:

Re: Aaretau

BeitragVerfasst: Di 12. Mär 2013, 12:02
von Nela
Hoi Indien

Schön, dass du dämfall wieder zrugg ins Forum gfunde hesch! :))

Liebs Grüessli und en schöne Dag!

Nela

Re: Aaretau

BeitragVerfasst: Di 12. Mär 2013, 13:52
von mary - orange
Hoi Indien

schön dass du do bisch ! härzlich willkomme ! bin au fasch so alt wie du ... u ha scho viel erläbt ... aber das steit uf eme andere Blatt .

ig bi im ämmitau dihei und scho es wieli hie im forum derbie.

lg mary-o

Re: Aaretau

BeitragVerfasst: Di 12. Mär 2013, 18:30
von Indien
Hallo Nela, hallo Mary Orange

Danke! Ig hoffe ig füehle mi o scho gli hie Daheim :D

Re: Aaretau

BeitragVerfasst: Di 12. Mär 2013, 22:24
von just me
tanke för dini erchlärig. i han ehner vermuetet gha, dass du indischi wurzle oder so öppis häsch. aber so omme esch es natürli auch voll okay. i känne das land gar net, han aber es ziitli e früündin gha wo döt eri erschte läbesjoor verbrocht hät.

well do diä einti oder andere frau öber "midle-crises" gschribbe hät ond mi das thema au emmer mol widder echli beschäftiget, hani tänkt, i chönnti jo em fraue-forum das thema erstelle. aber leider, wiä scho mol do em forum, bini net berächtiget dötte z'schribbe .....

was i geschter neumet gläse hät ond was i extrem guet gfonde han esch:
alter esch nomme e zahl, riifi esch en entscheidig :D

Re: Aaretau

BeitragVerfasst: Di 12. Mär 2013, 22:33
von just me
chliine nochtrag, i han ietzt t'mitgliedschaft för das fraue-forum beatreit. villicht döfi jo döte dänn mitschriibe :roll:

Re: Aaretau

BeitragVerfasst: Mi 13. Mär 2013, 16:12
von alegna
just me hat geschrieben:chliine nochtrag, i han ietzt t'mitgliedschaft för das fraue-forum beatreit. villicht döfi jo döte dänn mitschriibe :roll:

Hani erledigt, chasch also dehte schriibe und wer weiss, villich erläbt säb Forum mal wider zum Läbe .... :shock: :D

Re: Aaretau

BeitragVerfasst: Mi 13. Mär 2013, 17:40
von just me
jo hät klappet liäbi alegna.
han nomme höt grad wenig ziit, aber i luege das thema so rasch wiä mögli chönne z'poste.

Re: Aaretau

BeitragVerfasst: Mi 13. Mär 2013, 20:47
von Indien
ou da mi das Thema Frou natürlich o interessiert, würdi mi gärn o amäude dert - wie muesi das mache?

Liebi Just me leider hani äbe keni indische Wurzle - das wär de würklich ds Höchschte :D Uf die angeri Site, bini froh u sehr dankbar, dasi darf ir Schwiz gebore si u hie darf läbe!

Re: Aaretau

BeitragVerfasst: Do 14. Mär 2013, 00:05
von alegna
Indien hat geschrieben:ou da mi das Thema Frou natürlich o interessiert, würdi mi gärn o amäude dert - wie muesi das mache?

Au Du bisch ez freigschaltet und häsch Zuegang is Fraueforum .....

liebe Gruess
alegna

Re: Aaretau

BeitragVerfasst: Do 14. Mär 2013, 08:41
von Indien
Juhuuuuuuuuuuuuu :jump: :jump: :jump:

Danke viu mau - de muesi de när grad ga luege!!