Seite 2 von 6

Re: Rosinli-Club

BeitragVerfasst: Do 6. Mai 2010, 16:34
von sugi
Sooooodeli.. Het alles wunderbar klappet..ha ja gseit, ich ha alles im Griff ;)

Brot mit Baumnüss! Bedienet eu :comeon:

Re: Rosinli-Club

BeitragVerfasst: Do 6. Mai 2010, 17:08
von Schoham
...danke Sugi...miamiam so fein und chnusperig und passt grad zu mim Cafi. Bi dena Profibrot - säg wia machsch du sie? Frischhefe oder Trochehefe - tuesch sie lang chnetta vo Hand oder hesch a Maschine? Isch dar Teig wenn Du alli Flüssigkeit dazueto hesch no recht füecht am anfang oder eher troche usw...Säg wia machsches? Mir glingts eifach scho längari Zit nüma recht. God zwenig uf. Oder vielleicht chans nöd viel meh uf go will i hauptsächlich Vollkornmehl nimm. Also wenn emohl Zit und luscht hesch - varzell wia ma zu so prächtige Brotlieb chund :))

Re: Rosinli-Club

BeitragVerfasst: Do 6. Mai 2010, 18:21
von alegna
Buah sugi
da lauft mir doch grad sWasser im Muul zäme, hey :))

Re: Rosinli-Club

BeitragVerfasst: Do 6. Mai 2010, 18:31
von sugi
Sali Schoham und alli andere Rosindli-Klub-Mitglieder :comeon:

Hihi..ja du, wiä söli etz das alles beantworte.. :D

Ich bache sit bald anderthalb Jahre dä Zopf und sBrot sälber..und nime Frischhefe!
Ha aber im Fall der Fälle immer no es päckli Trochehefe ume!

Ha sit neuschtem aagfange, dassi min Riissack (hani sälber gmacht und isch guet, wämer chli Buchweh het, husch in Mikrowälläherd und fertig), ei Minute
id Mikrowällä tuene, und dann dSchüssle, woni min Teig drin han, döt druf stelle, und en füechte Hudle odedure lege.. Berüehrt aber dä Teig nid!

Und so lahnen uufgah..

Ich ha e Knätmaschine, kei Brotmaschine..
Vo Hand machi praktisch nüd..lahnen immer guet dureknätä!!

Aso, wäni en Chueche mache, lahnis nid so lang mische, ha dErfahrig gmacht, dass dänn dä Chueche anderscht wird..fascht
echli trochner.. Aber vllt ischs ja a öpis anderem glägä..has uf jede Fall nüme probiert ;)

Im Bachofe hanis bi 220Grad, nid Heissluft, und zwüsche 28-38min..

Ha emal zwei Zöpf und zwei Brot im Ofe gmacht..für dä Ofe, woni ha wele hüt Holz ha..
Das het dän eso uusgseh: Klick mich!

Und au es feins chnuschprigs Brot..hmmmm..

Wer isst eigentli bi eu dihei sMugeli? Bi eus bin ichs :mrgreen:
Ich liebe Rinde..!!!

So, alli Frage beantwortet :mrgreen:

Re: Rosinli-Club

BeitragVerfasst: Do 6. Mai 2010, 18:34
von alegna
sugi hat geschrieben:Wer isst eigentli bi eu dihei sMugeli? Bi eus bin ichs :mrgreen:
Ich liebe Rinde..!!!

Hey sugi, gits denn no öbbis bessers als dä Heuel????
Ich liäbe au Heuel und Rinde, früehner ha i amel drum ume gsuuget und maches hüt no :oops:

Grüessli :comeon:

Re: Rosinli-Club

BeitragVerfasst: Do 6. Mai 2010, 18:39
von sugi
Was, wiä seisch du däm, Heuel? :lol: :lol: :lol:

Hani no niä kört..

Aber, min Usdruck söt doch eher din Dialäkt sii..
Aso ich has vo minere Muetter und
diä chunt vo det hinde :]

Re: Rosinli-Club

BeitragVerfasst: Do 6. Mai 2010, 18:40
von alegna
sugi hat geschrieben:Aso ich has vo minere Muetter und
diä chunt vo det hinde :]

Aber ich nöd sugi :warn:
ich has au vo minere Muetter, aber diä chunt nöd vo da hindä ;)

Re: Rosinli-Club

BeitragVerfasst: Do 6. Mai 2010, 18:42
von sugi
Ui, was hani aagstellt, dass mitem Finger gwaglisch :? ;)

Re: Rosinli-Club

BeitragVerfasst: Do 6. Mai 2010, 21:56
von firebird
alegna hat geschrieben:
sugi hat geschrieben:Wer isst eigentli bi eu dihei sMugeli? Bi eus bin ichs :mrgreen:
Ich liebe Rinde..!!!

Hey sugi, gits denn no öbbis bessers als dä Heuel????
Ich liäbe au Heuel und Rinde, früehner ha i amel drum ume gsuuget und maches hüt no :oops:

Grüessli :comeon:



He Sugi und Alegna,

Bi üs i dä Familie tue ich dä Gupf verspachtle. Denn bin ich sicher, das er nöd vertröchnet und dass s`Brot au fertig gässe wird. Fröget mi nööd wele Dialäkt, dass ich rede, ich weiss es nämlich selber nööd. :oops:

Es Grüessli vom

äfbiäi (FBI)

Re: Rosinli-Club

BeitragVerfasst: Do 6. Mai 2010, 21:58
von Schoham
Danke vielmohl Sugi - alles super beantwortet :D . Dia andera Brot dia gsend jo no feiner us - so brunbrennt eifach wunderbar. Dar Aschnitt isch au s'beschti und drum düend mir in teile - i meine emohl er und emohl i. Nid das mehr Buech würded füera - aber so vom gfühl her isch es so und mir hend deswega kei Chrieg. Im Gegateil - morn sinds sage und schreibe 27 Johr her sid mir eus für ewig ananand hend bunde :].

Re: Rosinli-Club

BeitragVerfasst: Fr 7. Mai 2010, 07:21
von alegna
Schoham hat geschrieben:Im Gegateil - morn sinds sage und schreibe 27 Johr her sid mir eus für ewig ananand hend bunde :].

Ja Schoham
ich dänk im Name vom gsamte Rosinliclup, dörf ich Dir gratuliere zu Dim Hochsigstag :jump: :party:
Alles gueti Wiiterhin und Gottes Säge a Eu beidi :praise:

Re: Rosinli-Club

BeitragVerfasst: Fr 7. Mai 2010, 08:46
von firebird
alegna hat geschrieben:
Schoham hat geschrieben:Im Gegateil - morn sinds sage und schreibe 27 Johr her sid mir eus für ewig ananand hend bunde :].

Ja Schoham
ich dänk im Name vom gsamte Rosinliclup, dörf ich Dir gratuliere zu Dim Hochsigstag :jump: :party:
Alles gueti Wiiterhin und Gottes Säge a Eu beidi :praise:


Liebi Schoham,

Ich schlüsse mich dä Wünsch vo dä Alegna a.

Gäll, wenn mer so 27 Johr zäme im Bund isch, gohts dur villi Hochs und Tüüfs. Aber das alles binded änenand no feschter zäme.

Mir händ am 25. April sdrüezwänzigste gfiired und mir händ genau das dörfä feststelle.

:praisegod:

Es Grüessli vom

äfbiäi

Re: Rosinli-Club

BeitragVerfasst: Fr 7. Mai 2010, 10:33
von sugi
..doch, bi mir gits Chrieg, wer mis Mugeli nimmt.. :D
Drum löhnds es schön mir übrig :]

Oh, dän gratulieri eu au no, Schoham.. Es isch würkli schön, wämer mit eme Mänsch dörf sLäbä duregah..mit allne Höchs und Tüüfs..!
Jedoch chani nid sägä, dass es niä chönti kaputt gah..! Hmm..ich meine, e absolute Garantie gits nid!

Es staht ufeme gwaglige Bode.. Me chas sich vorstelle wiä en Garte, wo mer muess pfläge..

Und me het ja au no anders..

Jedoch chani sägä, dass mir au scho das Jahr, mitti Herbscht dörfed euse 13. Hochziitstag fiire..
Ich probier ein Tag nachem andere z'neh..! Das veränderet di ganz Iistellig..!

Ich wött eifach sägä.. Mit Gott gaht alles! Mit Sinere Liebi.. :praise:

Re: Rosinli-Club

BeitragVerfasst: Fr 7. Mai 2010, 22:09
von Schoham
Danka Angela, Firebird und Sugi - für euri gueta Wünsch :D .

Bim Hundevelogassigoh hüd morga han i a Frau troffe. Han ihra u.a. verzellt das mir hüt Hochzyttag hend und denn hed sie gseit das sie au schon, i mein sie heg gseit, 16 Johr verhürated sig und das das schon über em Durchschnitt isch vo da Ehana. Das vieli scho wegam chlinsta ufgend und sich lönd scheide :( .

Lobpries und dank eusem herrlicha Herr. Er hed eus lieb ohni End - für immer und ewig. Solang mir bi Ihm bliebad dörfamar in Gnuss cho vo Sinar liabi cho.

Im Moment lies i widar dar Thomas von Kempen und es isch soo erbauend was er schriebt und wia er Gott erhebt und verherrlicht - es gid mir so viel.

En liaba Grues an alli Rosinlifans... :umarm:

Re: Rosinli-Club

BeitragVerfasst: So 16. Mai 2010, 19:09
von alegna
Will dSchoham das au da ine gschribä hät, will ich das jetzt au mache, ich und min Maa fiired hüt dä 7. Hochsigstag und diä wo meh vo mir wüssed wüssed, warum mich deh Tag das Jahr bsunders freut :jump:
Ich freu mi würkli :]

Re: Rosinli-Club

BeitragVerfasst: So 16. Mai 2010, 20:13
von Schoham
7 Johr
ich freu mi mit Dir liabi Alegna :umarm:

Siebenjahre.jpg

Ehe - ewa - Ewigkeit :D

Re: Rosinli-Club

BeitragVerfasst: So 16. Mai 2010, 21:58
von doro
Liebi alegna

Soooooooo schön! Ich gratuliere eu ganz herzlich zum Hochsigstag und wünsch eu au s negschte Jahr dur Gottes riiche Säge! :)) :praisegod:

lg, doro

Re: Rosinli-Club

BeitragVerfasst: Di 18. Mai 2010, 09:22
von firebird
Liebi Alegna,

Au wenns spaat isch, will ich Eu no ganz herzlich gratuliere und Eu für die nöchstä Ehejohr vil gfröits wünschä.

Es Grüessli vom
äfbiäi

Re: Rosinli-Club

BeitragVerfasst: Di 18. Mai 2010, 14:36
von alegna
Ja liäbe firebird danke trotzdem no, au hinterher, gueti Wünsch cha me immer bruuchä.

So jetzt frög ich mich aber wänn Du gedänksch mal das Rosinli go inspizierä, ich mein so ev. chönnt ich mit dä Kids au....weisch äs isch Summer und ich ha viel Ziit. Wenn Du also deht mal apeile tuesch, chönnt ich villicht au deht apeile, alles klar?

Wünsch allne Klupmitglieder an schöne Nomitag :))

Re: Rosinli-Club

BeitragVerfasst: Di 18. Mai 2010, 16:17
von sugi
Danke alegna, au dir en schöne Namittag :))

Und au no Nachträglich Gotte Riiche Sägä wiiterhii für eui Ehe.. :praise:
Es Gärtli wo me muess pflägä..!

Machets guet, ihr alli :comeon:

Re: Rosinli-Club

BeitragVerfasst: Fr 21. Mai 2010, 18:33
von sugi
Hej, ihr Rosindli-Fans!!

Ich will eu öpis verzelle, was ich letscht Nacht erläbt han!!

Es het mich am Zieschtig Abig mitere Erchältig verwütscht, und bi au etz no am umesüüche.. ;)
Aber ich will ja etz uf dä Punkt cho..

Chrank sii, het bi mir vielfach en psychische Hindergrund..isch etz aber e z'langi Gschicht, um das alles verzelle!

Ich bi letscht Nacht mit Herzschmerz verwached..hami nüme chöne nach rächts oder links, weder ufe no abe bewege..
Ha ganz oberflächlich gschnuufet, und min Schweiss isch immer meh cho.. Ich ha au irgendwiä kei Chraft ka..völlig plemplem!

Ich ha dänn aagfange a mim Maa umschüpsle und rüttle..bis er verwached isch!
Woner dänn ändli mal en Ton gseit het, hanem gflüschteret! Bät bitte für mich..mis Herz!!
Und so het min Maa es churzes aber intensivs Gebät im halbschlaf nach ufe gschickt.. Woner Amen seit, frögt er mich; hesch dän es stächä? Und eh ich ihm e Antwort geh han, isch eifach dä ganzi Schmerz vodä eint Sekunde uf di ander wäg gsi.. Ich weiss au nid, wiä churz das das gange isch, womer scho wieder im Tüüfschlaf gsi sind!

Ich ha dänkt, dass ich das gern eu möcht mitteile.. Will, eusen Herr, isch doch eifach Wunderbar!!!

Ich weiss, dass ich i Sine Händ geborge bin..und au mini Ziit isch i Siner Hand!!
Dä Widersacher hets versuecht und het en Aagriff gwagt..genau dänn, wäni schwach bin!! Aber für Gott
isch das keis Hinderniss! Im Gägenteil:

Jesus Christus ist der Sieger, über Hölle, Tod und Teufel, darum wähl ich Ihn.
Er gab meinem Leben Sinn und ewiges neues Leben darum sing ich froh von Ihm.
Jesus Christus, gestern und auch heute, und derselbe auch in Ewigkeiten!

Wer kännt das Lied au no??

Das hani gsunge, woni mi mit sächsi zu Jesus bekehrt han..und Freud isch i mir inne gsi..

Re: Rosinli-Club

BeitragVerfasst: Fr 21. Mai 2010, 18:39
von alegna
Chume grad Hühenerhuut über bim läse sugi, mir fehled Wort und überhaupt.....schön das Du in Gott geborge bisch :praisegod:

Re: Rosinli-Club

BeitragVerfasst: Fr 21. Mai 2010, 18:43
von sugi
Lass di umarme liebi Schwöschter :umarm:

Re: Rosinli-Club

BeitragVerfasst: Fr 21. Mai 2010, 18:46
von alegna
sugi hat geschrieben:Lass di umarme liebi Schwöschter :umarm:

Danke :D
isch doch guet händ mir än Clup wo mir denand alles schriibe chönd gäll?
Lass Di au :umarm:

Re: Rosinli-Club

BeitragVerfasst: Fr 21. Mai 2010, 18:53
von sugi
Ja und vorallem eso, wiä eim dSchnurre gwachse isch.. :mrgreen:

Opps..pardon für min uusdruck :lol:

Und ich ha au e totali gueti Luune.. dSunne isch ändli wieder emal da, blaue Himmel..und, ich han es Chinderfreis Weekend mit mim Maa..

Yipiiie.. :jump:
Da vergissi diräkt, dassi Chrank bin!! Solangi nid min Chopf z'schnäll bewege..

Ja ich weiss, meh chönt au meine..als obs di gröschti Lascht wär, ich meine etz Kinde..HAHAHA

Meh muesses aber au anderscht gesh..wäns dänn wieder da sind, dänn weiss mer au, was mer het!!
Söll für beid Siite e beriicherig sii.. :))

alegna, wiä alt sind dini Chind?

Re: Rosinli-Club

BeitragVerfasst: Fr 21. Mai 2010, 18:57
von alegna
sugi hat geschrieben:Ja ich weiss, meh chönt au meine..als obs di gröschti Lascht wär, ich meine etz Kinde..HAHAHA

Ich weiss genau wiä Du das meinsch, cha der extrem nachefühle :umarm: au wenn ich wider bis in Herbscht muss warte bis ich mir wider än Tag mit mim Adonis :lol: cha dänke.
alegna, wiä alt sind dini Chind?

Bald vier und biz spöter sibni.

Re: Rosinli-Club

BeitragVerfasst: Fr 21. Mai 2010, 21:30
von firebird
sugi hat geschrieben:Hej, ihr Rosindli-Fans!!
........
Ich ha dänn aagfange a mim Maa umschüpsle und rüttle..bis er verwached isch!
Woner dänn ändli mal en Ton gseit het, hanem gflüschteret! Bät bitte für mich..mis Herz!!
Und so het min Maa es churzes aber intensivs Gebät im halbschlaf nach ufe gschickt.. Woner Amen seit, frögt er mich; hesch dän es stächä? Und eh ich ihm e Antwort geh han, isch eifach dä ganzi Schmerz vodä eint Sekunde uf di ander wäg gsi.. Ich weiss au nid, wiä churz das das gange isch, womer scho wieder im Tüüfschlaf gsi sind!
.......


Liebi Sugi,

:praisegod: :praisegod: :praisegod:

Mir händ än Gott wo hüt no Wunder tuet !!!

Ich danke Dir ganz herzlich, dass Du üs das verzellt häsch, das macht mir grad wieder Muet.

Liebi Grüess dä

Fäierbörd

Re: Rosinli-Club

BeitragVerfasst: Fr 21. Mai 2010, 21:33
von Sandra73-
Liebi sugi,

ou jo Du, :praisegod: :praise: :praise: :praisegod: :clap: :umarm:
Ja, sowas macht Muet!

Ganz liebs Grüessli,
Und gueti Besserig natürlich!! :umarm:
Sandra

Re: Rosinli-Club

BeitragVerfasst: Sa 22. Mai 2010, 00:03
von doro
Liebi sugi

Danke fürs Verzelle! :praisegod: :praise:

Das Lied käni übrigens. ;)

lg, doro

Re: Rosinli-Club

BeitragVerfasst: Sa 22. Mai 2010, 00:04
von Sandra73-
Ah ja, Nachtrag: Das Lied känni au! Eis vode erschte woni glehrt han womi bekehrt han im 1992gi :))

Re: Rosinli-Club

BeitragVerfasst: Sa 22. Mai 2010, 00:38
von doro
Hehe, und ich käns erscht sit ich i mini aktuell Gmeind gang. Han sus eigetli es doch rächt anders Liederguet kännt. :)

Und mängisch isch es no schad, dass gwüsses devo vilich fasch chli am ischlafe isch. (Setti vilich zumindest so dihei für mich chli ändere.)

Eigetli hani es anders Lied gsuecht (bzw. zwei, woni s erst nöd gfunde han, aber s zweit hani dänn au nöd gfunde), drum das:
http://topchretien.jesus.net/toptv/view ... aines.html

So als Müsterli. ;) "Libres de nos chaînes" heisst "Frei vo eusne Chette".
Und im Refrain heissts "Hallelujah! Mögi dis Riich cho! Maranatha! Chum, Jesus, regier i mir!" Und i einere Strophe au "Jesus isch Sieger!" - Passt zum Lied vo de sugi. :)) :praisegod:

Naja, da me i dem Thread ja chli alles dörf säge, wagis jetzt mal es bizli in Nostalgie mich z befinde. ;) Hoff, es stört nöd z fescht. :D

:praisegod:

Danke namal fürs Verzelle, sugi! Das isch würklich ermuetigend. Mir händ en starche und guete Gott! :praise:

lg, doro

Re: Rosinli-Club

BeitragVerfasst: Sa 22. Mai 2010, 01:05
von Sandra73-
Hey super Lied, doro...gfallt mer grad mega!!
D Stimme chömed mer so bekannt vor, vor Jahre het mer mol öppert usem Elsass e Kassette mit Franz. Lobpris ufgni und die Lieder sind glaubs vo de gliche Gruppe gsi :D

Re: Rosinli-Club

BeitragVerfasst: Sa 22. Mai 2010, 01:25
von doro
Hät sie Exo gheisse, die Gruppe?
Isch jedefalls sehr guet möglich, sind rächt bekannt im christliche französische Sprachrum. ;)

lg, doro

Re: Rosinli-Club

BeitragVerfasst: Sa 22. Mai 2010, 01:37
von Sandra73-
Chan si, müesst mal s Kassettli go sueche, weiss aber in wellem Gstell si isch :))

Re: Rosinli-Club

BeitragVerfasst: Sa 22. Mai 2010, 13:04
von sugi
Alli Ehr kört eusem Vater im Himmel.. :praisegod:


alegna..ich chume hüt zu dine Berge..gange goge en Brate hole!
Min Maa het Kurs! Und ich mach etz mit mim Vierbeiner en Usflug..!!

Wänd das liesisch und ich aber scho wäg bin, und du dänksch, he, dän chönte mer eus doch husch träffä..dänn mäld di bidä Sandra, sie het mini Handy Nr. :)
Gäl Sandra, das isch easy!!

Lahnis mal uf mich zuecho..so Gott will :comeon:
Gange dän ebe evtl no Verwandti go Bsueche, ha diä scho über es jahrzehnt nüme gseh..


Und danke für eui schöne Wort, äfbiäi, doro und Sandra :umarm:
Bi soebe am Chinderlieder lose..ich liebs :jump:

Re: Rosinli-Club

BeitragVerfasst: Sa 22. Mai 2010, 13:15
von alegna
sugi hat geschrieben:alegna..ich chume hüt zu dine Berge..gange goge en Brate hole!
Min Maa het Kurs! Und ich mach etz mit mim Vierbeiner en Usflug..!!

Netzbrate :o :shock:
Wänd das liesisch und ich aber scho wäg bin, und du dänksch, he, dän chönte mer eus doch husch träffä..

Ui Du, ich bi nöd vo dä spontane Truppe, aber danke fürs Agebot, ich gnüs grad no mis ällei sii und muss spöter mini Kids go hole...schöne Usflug Dir, aber äs sind nöd würkli mini Berge gäll, ich wohne nu da ;)

Diä Hügel wo dSandra wohnt, ja das sind eher mini Hügel.....R.. und B.. zum Biispiil, also schöne Usflug, aber gäll, warm alegge da blast so grässlich dBise!! :x

Re: Rosinli-Club

BeitragVerfasst: Sa 22. Mai 2010, 13:33
von sugi
Was um alles idä Wält erschreckt dich nume a däm Netzbrate!!
Bisch en Vegi.. :lol:

Ich sägä halt dini Berge, wil du ebe döt hinde wohnsch..hihi ;)
Sind au mini :] aber ich wohne nid döt :(

Jänu..wer nid spontan isch, dä weiss nid was er verpasst.. :-P *nurchliföpple*
So, mach mi langsam parat..wot ja no en Lädergurt chaufe..und he, wo isch gad dSunne bliebe :o

Mümer etz no singe: O du goldigs Sünneli, tue doch wieder schiine.. Wiä im Chindergarte!!

Also ihr liebe Rosindli-Fans..hebet en schöne..machtes guet und bhüet eu alli Gott :umarm:

Re: Rosinli-Club

BeitragVerfasst: Sa 22. Mai 2010, 13:38
von alegna
sugi hat geschrieben:Was um alles idä Wält erschreckt dich nume a däm Netzbrate!!
Bisch en Vegi.. :lol:

Nei, aber dä isch so nöd würkli guet, chli fettig und da han ich nöd gern :P

Also vill Spass, and Slow down Take it easy

Re: Rosinli-Club

BeitragVerfasst: Sa 22. Mai 2010, 13:47
von sugi
alegna hat geschrieben:
sugi hat geschrieben:Was um alles idä Wält erschreckt dich nume a däm Netzbrate!!
Bisch en Vegi.. :lol:

Nei, aber dä isch so nöd würkli guet, chli fettig und da han ich nöd gern :P

:mrgreen: Gschmachsverstuuchig.. :lol: :lol:

Dä isch sooooo fein!!!! Mitere feine Bratesauce, Rüebli und schliferige breite Nudle..hmmm
Chindheitserinnerig wo halt bliebet..und ich halt übernoh han vo dä Grossmuetter :))


Also vill Spass, and Slow down Take it easy

Mal gugge..vllt lahni mi mal provoziere..fahre ja hine ume.. :mrgreen:

Ab und zue bruuchi chli Adrenalin!! Woni dä Herzschlag bis in Hals gspüürä
und mini Bei afanged zittere.. :oops:


(sugi, etz hocksch immer no da)

Re: Rosinli-Club

BeitragVerfasst: Sa 22. Mai 2010, 13:48
von alegna
sugi hat geschrieben:
Also vill Spass, and Slow down Take it easy

Mal gugge..vllt lahni mi mal provoziere..fahre ja hine ume.. :mrgreen:

Mach ich au meischtens :jump:
über dä Uzneberg isch au schö, meinsch deht?