Seite 1 von 6

Dä schönschti Dialäkt?

BeitragVerfasst: Sa 30. Nov 2002, 19:18
von TO BE
Wemer da scho im Schwizerdütschä Forum sind, denn wär doch da grad diä Frag mal interessant, welä Schwizerdütschi Diäläkt eu am bestä gfallt.
Also mir (als Zürcher) gfallt sBärndütsch klar am beschtä. das hät eifach scho öpis gmüätlichs in sich find ich, tönt eifach voll sümpatisch...
Wiä gseht das bi eu us?

TO BE

Re: Dä schönschti Dialäkt?

BeitragVerfasst: Sa 30. Nov 2002, 19:29
von satimat
salü to be

also mir gfallt s bärndüütsche o rächt - s het so öppis gmüetlichs. Aber was mir definitif ganz guet gfallt isch en graubündnerdialäkt und en walliserdialäkt - owohl ich dr walliserdialäkt nid immer verschtane *smile*. Aber ich tuen gern öppedie chli hirne, was das jetzt ächt bedüüte chönnti. Im übrige, wenn dir dr bärnerdialäkt so guet gfallt, denn isch no d frag vowo. Mir gfallt s biuerdüütsch (Biel) ganz guet, aber au d adelbodner sind ganz cool. Aber mit de schtadtärner (vo bümpliz) - also de dialäkt isch mer z langsam...

auso - macheds alli guet und bhüet oi Gott

Re: Dä schönschti Dialäkt?

BeitragVerfasst: Sa 30. Nov 2002, 19:31
von PanCake77
Hi TO BE

Ja, au ich als eine wo im Kt. ZH wohnt muess säge, dass Bääärndütsch meega schön isch! Es birebitzeli besser gfallt mir aber dä Aargauer Dialekt, äs isch ä gueti Mischig zwüschet Bäärn- und Züridütsch, au nöd ganz eso langsam wie d´Bärner. Hmmh, und d´Graubündner redet au no cool!

Grüessli vom "Pan"

Re: Dä schönschti Dialäkt?

BeitragVerfasst: Sa 30. Nov 2002, 21:50
von Freya
I chume au us em Züri-Oberland - aber bald us Genève.
Aber i findë de Bündner-Dialäkt eifach schön.

Re: Dä schönschti Dialäkt?

BeitragVerfasst: So 1. Dez 2002, 03:12
von seppli
Dänked Ihr doch was Ihr wänd - ABER ich für min Teil bin ganz Fescht dä Überzüügig das Züridüütsch diä bescht Sprach uf dä Wält isch - Diä Sprach chan i nämmli - All andärä chan ich nöd, und wird si niä rächt chönnä lehrä... Züridüütsch isch eifachs dä Bescht dialäkt will mer d´Lüüt au verstaht, und weiss was s´meined - Uf Züridüütsch chan ich mini Gedankä formuliärä - Will ich halt Züridüütsch dänk... Und drumm isch Züridüütsch diä Wältwiit beschti Sprach...

Re: Dä schönschti Dialäkt?

BeitragVerfasst: So 1. Dez 2002, 03:23
von PanCake77
Hey Seppli

*Kopfschüttel*

Also ich verstah nöd, dass mer um die Ziit no en Biitrag is Forum chan schriebe! Hmmh, so öppis um die Ziit wür ich glaubs nie mache! Da schlafet doch die normale Lüüt!

:D

Re: Dä schönschti Dialäkt?

BeitragVerfasst: So 1. Dez 2002, 08:24
von satimat
aberaber pan - DU bisch ja kes bizeli besser...

aber wer weiss, vilicht hät das a de ziit gläge, dass de seppli so komischs züügs schriibe tuet??? nu wil ich züridüütsch (oder so öppis ähnlichs) rede, muen das no lang nöd de schönschti dialäkt si! züridüütsch isch en rächt herte dialät mit vil ä und ch - da find ich ebe so es schön bäärndüütsch viu fiiner u aagnämer! aber ebe, bi bärn muemer chlei unterscheide vo wo... also biu gfallt mer henne guet u dr adelbodnerdialäkt isch nid gäng guet verschtändlech - aber ebe, henne schön.

züridüütsch? was isch dadra scho so bsundres? ebe, en graubündner oder walliser - au die sind bsunders!

nu wil mir öppis guet gfallt, muenis doch no lang nid chöne!!!!

Re: Dä schönschti Dialäkt?

BeitragVerfasst: So 1. Dez 2002, 11:42
von seppli
Original von satimat
nu wil mir öppis guet gfallt, muenis doch no lang nid chöne!!!!


Aha - So wies Linux und Schwedisch... :D :D :D

Re: Dä schönschti Dialäkt?

BeitragVerfasst: So 1. Dez 2002, 11:51
von Beckenpower
Sali zämme,

ich als Basler muess nadirligg s´Baseldytsch scheen finde :D .

Nei im Ärnscht, Züridütsch find i gruusig (das hett jetzt nütt mit em allgemeine Basel gäge Züri z´tue, i find eifach dass´s gruusig dönt), Bärndütsch isch nit schlächt (mängisch eifach völlig unverständlich) und s´gliiche gilt für s´Wallisere (i finds zum Biispil mega cool wie dr Rainer maria Salzgeber, Sportmoderator bim SFDRS, redet). Dr schönscht Dialäggt isch IMHO aber dr Thurgauer Dialäkt, weiss au nit genau wieso, i findn eifach schön!

VG:
Philipp

Re: Dä schönschti Dialäkt?

BeitragVerfasst: So 1. Dez 2002, 15:37
von seppli
Original von Beckenpower

Nei im Ärnscht, Züridütsch find i gruusig ...


Es söll dir vergääh si - Dä Herr im Himmel söll dir diä TOTSÜND nöd ahrächnä... :D Und ich üssärä a därrä Stell au nöd min Kommentar über Basel oder Basel-düütsch, schliesslich han ich dir ja vergäh... :D

Re: Dä schönschti Dialäkt?

BeitragVerfasst: So 1. Dez 2002, 15:48
von satimat
seppli - du bisch SOOOO GEMEIN!!!!!! :x

ich chan es bizeli schwedisch - wenn ich in schwede bin sogar immer me!!! dört verschtan i sogar d mormor - und das heisst im fall öppis!!! :]

linuxle chani nur es bizeli - aber ich meine, ich bin am kompi sowiso nig guet - also bin i im linuxle für mini verhältnis GUET!!! :D

nämli - isch eigentli no schad, dass dir nur sache gfalled, wo du chasch mache - das schränkt doch de horizont rächt ii???

es liebs grüessli :)

Re: Dä schönschti Dialäkt?

BeitragVerfasst: So 1. Dez 2002, 16:00
von seppli
Sali Satimat

Du söttisch mich doch langsam kännä - ICH BIN GEMEIN ... :D

Und mir gfallt nur öppis won ich verstahn und logisch isch.... Und da schränkt mer sich nöd ih, mer konzentriert sich eifach uf s´wichtigschtä...

Re: Dä schönschti Dialäkt?

BeitragVerfasst: So 1. Dez 2002, 16:02
von satimat
tja seppli - da merkt mer, dass du halt en maa bisch...

wil fraue chönd au verschideni sache mitenad mache :D

Re: Dä schönschti Dialäkt?

BeitragVerfasst: So 1. Dez 2002, 17:26
von fisher
Eigentlich hämmer die Umfrag scho früener gschtartet, nämlich unter "Umfrage Dialekt": http://www.jesus.ch/forum/thread.php?threadid=496&boardid=68&styleid=1

Aber jetzt isch sie wänigschtens wieder beläbt worde - und wänn de seppli und d´satimat no lang über schwedisch und linux tüend striite, dänn chönti de thread no zum fore-hit wärde :D . vor allem, wänns dann no mit "chan en maa meh als öppis ufs mol mache?" wiitergoht.


fisher

Re: Dä schönschti Dialäkt?

BeitragVerfasst: So 1. Dez 2002, 17:45
von satimat
also guet - seppli? bisch debii?

mached mer ruhig en noie rekord :D


aber gäll, mer wänd ja nid schtriite... du weisch, dass schwede schön isch... *bigsmile*

Re: Dä schönschti Dialäkt?

BeitragVerfasst: So 1. Dez 2002, 21:50
von Freya
Aber da mues ich em Beckenpower scho rächt gäh, s´Züridütsch isch würkli nümme schön - ës isch ebë es richtigs Gmisch mit anderë Spraachë und Dialëkt wordë.
Nur das s´richtigë Obërländer Züridüütsch eigëntli gar nöd ëso gruusig wäri, märkt mër chuum me.
Eigëntli no Schaad.

Abër s´Baaslerdütsch find ich no häärzig. D´Baslër han i au immer gäre am Teliphon.

Re: Dä schönschti Dialäkt?

BeitragVerfasst: So 1. Dez 2002, 22:32
von seppli
Sali Satimat,

logisch bin ich debii - Mir chönd eusä Stiit au uuswitä uf s´Thema öb jetzt en Ma meh sachä chan gliichziitig machä, und öb jetzt en Ma en bessärä Mänsch isch - Ich chönnt au namal schriibä das mis Züridüütsch eifach immerso s´beschtä isch - Also ich bin scho debii - Das gitt mir alles Posts - Und irgendwänn wird ich ja dänn vilicht no dä Schödow überhollä... :D :D :D

Re: Dä schönschti Dialäkt?

BeitragVerfasst: So 1. Dez 2002, 22:58
von Joggeli
Löhnd doch em Seppli sis Zöridütsch, warschienlech esch er halt nono so omechoo, ond kennt dorom e kein anderi. :D :D

Joggeli aus dem sprachlich neutralen Kanton

Re: Dä schönschti Dialäkt?

BeitragVerfasst: Mo 2. Dez 2002, 06:18
von satimat
sali seppli

ich glaube für d frag, öb de maa hehreri sache chan mache, müemer nid schtürme... es isch allgemein bekannt, dass en ma nid fähig isch, zum mehreri sache gliichziitig zmache, wie e frau, wo d chind muen im schach bhalte, choche und gliichzigtig vilicht no telefoniere... aber weisch, en maa het defür unweigerlich anderi qualitäte!!! (je nach dem chan das vilicht auch mal en maa..)

weisch, dadrüber möcht i würkli nid aafange schtürme!!!

Aber wäg de dialäkt möcht i eifach no säge, dass ichs schad finde, dass es fascht ken lupereine dilaäkt me git. am wenigschte findet mer en lupereine züridialäkt - leider... vilicht gfallt üüs drum en bärnerdialäkt oder en graubündner so??

im übrige, ich han lang müe gha mit em baaslerdiitsch... aber woni öppe mal gschäftliche kontakt gha han mit baasler, hani müesse feschtschtelle, dass die no ganz herzig redet!


Re: Dä schönschti Dialäkt?

BeitragVerfasst: Mo 2. Dez 2002, 23:50
von schaefchen
ich chan no meh als mäh... schwätze :D
de bernerdialekt isch natürli min favorit, will i dä au sälber rede cha..... obwohl i im schöne thurgau ufgwachse bi! vorallem de dialekt us em emmetal, de oberländer gfallt mir denn wieder weniger, will die echli singed bim rede. :)
de walliserdialekt find i au megaschön, doch wenns echli schnäll schwätzed, verstand is äbe nümme. au de bündnerdialekt het viel charme.
de baslerdialekt, isch dä wo mir am wenigste gfallt, i weiss nöd wieso, aber es isch eifach gschmacksach...
isch no intressant, was do so zäme chunnt.

liebs grüessli vom määhh

Re: Dä schönschti Dialäkt?

BeitragVerfasst: Di 3. Dez 2002, 00:18
von seppli
Mached doch was Ihr wänd - Schriibät doch was Ihr wänd - Dänked doch was Ihr wänd - NUR - Lönd mir mini Meinig das säb Züridüütsch won ich reddä halt s´bescht isch... :x :x :x

Und das wäggä Mah und Frau lömmer glaubs gschieder sii ... Ich sägg nämmli lieber ei Sach richtig machä wiä mehreri Halbpatzig ... :D :D :D

Na ja - Ich sött glaubs go pennä - Chunnt nümm vill gschieds ussä um diä Ziit... :D :D :D

Re: Dä schönschti Dialäkt?

BeitragVerfasst: Di 3. Dez 2002, 06:15
von satimat
gäll seppli...

das gfühl (wägem schlafe) hani au :D!!!!!


und lueg - jede dörf sini meinig haa - ebe, gsesch ja sälber, nöd jede hät am gliiche dialäkt froid!? Also, lömmer doch jedem die froid a dem dialäkt, wo halt jedem am beschte gfallt!

s isch eifach schad, dass du nume de dialäkt chasch akzeptiere, wo du sälber rede tuesch... aber sigs wies well - du bisch du und das mümer glaubs akzeptiere

isch uf alli fäll no rächt luschtig gsi, mit dir so chli zschtüürme... :D :D :D

Re: Dä schönschti Dialäkt?

BeitragVerfasst: Di 3. Dez 2002, 19:42
von seppli
Original von satimat
s isch eifach schad, dass du nume de dialäkt chasch akzeptiere, wo du sälber rede tuesch... aber sigs wies well - du bisch du und das mümer glaubs akzeptiere


Das stimmt gar nöd - Ich chan scho akzeptiärä das es lüüt git wos luschtig findät wänn öppert halt echli längsämer reddt, oder meh uuu und ooo bruucht - Und wallisser find i au hüärä geil - Nur Ich für mich sälber find mis eigätä Züridüütsch ebbä am coolschtä...

Und IHR MÜEND MICH AKZEPTIRÄ - WILL IHR JA CHRISCHTÄ SIND... :D :D :D :D :D :D

Re: Dä schönschti Dialäkt?

BeitragVerfasst: Di 3. Dez 2002, 20:28
von Yehudit
Wie wärs denn mol mit echli flexibel si? Also i schnure veli Dialekte. Ich passe mich halt meh oder weniger de Lüt a. Hm,jo, das heisst, d´Arbetskollegin zündet mi aube scho echli wäge minere Thurgauer-St.Galler Schnurre, aber seb isch jo glich, d´Lüt verstönd mi no immer ond Ostschwyzerchunde fühled sich bi mir grad wieder wie dehei :D
Isch jo ou interessant, echli verschiede z´rede, als immer so langwilig glich, oder? Chan jo schliesslich nüd devör, das i e multidialektonischi Zunge han! :D :D

Re: Dä schönschti Dialäkt?

BeitragVerfasst: Mi 4. Dez 2002, 08:54
von seppli
Ich bruuch mini Zungä halt zum Pizza-ässä, und nöd zum schnurrä... :D :D :D

Re: Dä schönschti Dialäkt?

BeitragVerfasst: Mi 4. Dez 2002, 09:29
von Salzstreuer
Zaemme!

I mues glaube-n-y au emol no ebbis saage. Es isch jo aigentligg klaar, as aim dr Dialäggt, wo me sälber redet, am beschte gfallt.

Dodrmit isch natyyrligg nit gsaigt, as alli Dialäggt au guet teene. En Sprooch, wie me se z Ziiri in dr Stadt gheert, kasch aifach nit bruche, do kasch grad yybere-n-in grosse Kanton im Norde.

Aber en Bärner, Bindner oder Walliser find au ich e scheeni Sprooch und gfallt mir guet.

Wär nit so bewanderet isch in de verschiedene Dialäggt, dem hilft vielicht die Site wyters:
http://www.forums9.ch/sprachen/Rosetta.htm
Es lohnt sich, dert emol vorby z luege.

A joh, denn wär au no ebbis... Wieviel Sprooche/Dialäggt hän aigentligg en aigeni Grammatik und es aiges Wörterbuech? I wais zumindescht vo Basel, as es das git (stoot baides bi mir im Regal selbstverändlich).

Liebi Griess
-salzstreuer

Re: Dä schönschti Dialäkt?

BeitragVerfasst: Mi 4. Dez 2002, 10:36
von satimat
sali salstreuer und yehudit (de seppli schriibt ja sowiso immer....)

DANKE - ihr hend wiederemole chli e dialätktevilvalt inne brocht!!! immer nu züridüütsch läse isch gäng chlei langwiilig - und als einzigi antwort chli bärndüütsch isch ja guet und rächt, aber ebe, anderi dialäkte wie de vo de yehudit (isch das luzänere gsi?) und baaslerdiitsch vom salzschtreuer isch natürli ganz guet!!!!

ja yehudit - mir gats öppe so wie dir, au ich tuen mi gäng chli am dialäkt aapasse... i han 5 johr in biel (biu) wohnt gha und wenn ich öpper bänrnere ghöre (und seg das nur am radio) krieget alli zürcher en schreichrampf *gg*. vo huus uus bini zürcheri - aber i han müesse merke, dass weni mit basler chunde früener telefoniert han, dass i denn han aagfange baaslere *smile*

ich finde dialäkt schön. eigentli fascht alli - mit de oschtschwiizer hani es bizeli (immer weniger!) müe - äxgüsi. mir gfalled halt di weschtlichere dialäkte *gg*. aber ich persönlech findes schad, dass ich ken lupereine dialäkt me rede... ich han echli es "rundumdschwiizdüütsch"....

hebet en schöne tag

Re: Dä schönschti Dialäkt?

BeitragVerfasst: Mi 4. Dez 2002, 10:45
von satimat
übrigens salzschtreuer - die siite mit dere dialäktevilfalt isch ganz läss und guet...

chani würkli nur allne empfehle, mal driizluege!!!

Re: Dä schönschti Dialäkt?

BeitragVerfasst: Mi 4. Dez 2002, 12:03
von Yehudit
Hi satimat

also min Dialekt isch echt nid z´definiere. Wenn i wott Lozärner Dialekt schriebe, mues i mi rüdig zämeriese :D

Also i bi früecher so viel mit Bärner zämegsi, dass i zytwis han müesse anhand vom Uswis bewiese, das i e Lozärneri bi und kei Bärner, hett mer ächt kene welle gloube. Oder steck mi mol e Wuche miteme Walliser zäme.....

Grüessli Yehudit

Re: Dä schönschti Dialäkt?

BeitragVerfasst: Mi 4. Dez 2002, 18:18
von satimat
tja yehudit - denn bisch do au so öpper wien ich - wo de reini dialäkt leider nid bhaltet, defüür sich aapasse chan *gg*

het au gwüssi vorteil, gäll

bhüet di

Re: Dä schönschti Dialäkt?

BeitragVerfasst: Mi 4. Dez 2002, 20:39
von Yehudit
Han zwei Johr im dütschsprochige Fribourg gläbt ond es isch für mich fascht wiene zweiti Heimet. Viellicht, wil i dört mini erschti grossi Gotteserfahrig gmacht han. Uf jede Fall, find i de Dialekt dört total de Hammer und i ghöre ne riesig gärn.
Hie also es Müschterli vomene Lied, womer aube gsunge hend.

Im Buechechäppeli obe
De Sankt Antonius
Hät znacht de Rygu gschobe
U schlyycht zum Törli us

Sys Schwynnli tuet mu blünzle
Das hät er nie arläbt
U siit: i mues ga brünzle
Ha´s jitz lang gnue verhäbt

De Toni hät beduure
su chomm haut, gus-gus-gus
Wy früjer by de Puure
Luuft ds Schwynnli baud vorus

As schrysst de heilig Mischter
Stracks in a Graaben y
Zum Glück isch hinacht fiischter
Us gseet er wyn as Schwyy

Antonius, du Gueta
Stann uf u merk der das
As bruucht haut no a Rueta
De fouget ds Schwynnli bas

Hm, jetzt chum i doch bald langizyt öber nochem Fribourgerländli.....

Re: Dä schönschti Dialäkt?

BeitragVerfasst: Di 17. Dez 2002, 21:16
von Manu.Mettier
Hei i find das gäch die umfrog!

Eigentlich chum i usem Kanton Thurgau, finde aber, dä Thurgauer dialekt nöd so schön...sowieso reded scho fast alli Thurgauer im St.Galler dialekt.
Ich find eidütig dä Graubündner dialekt am schönste!
Vilicht zügle ich jo spöter mol is Bündnerland! :))

Re: Dä schönschti Dialäkt?

BeitragVerfasst: Di 17. Dez 2002, 22:03
von Bubs
also seppli ....sorry ag daläkt isch doch vill cooler.....hihi
ganz neutral:D

Re: Dä schönschti Dialäkt?

BeitragVerfasst: Di 17. Dez 2002, 22:09
von satimat
findsch bubs? was isch den en neutrale dialäkt? :)

satimat

Re: Dä schönschti Dialäkt?

BeitragVerfasst: Mi 18. Dez 2002, 09:18
von Joggeli
I muess Bubs rächt gäh, neutral esch en dialäkt, wenn en jede verstoot :D

Re: Dä schönschti Dialäkt?

BeitragVerfasst: Mi 18. Dez 2002, 11:41
von Bubs
eh scho sati.....aber weisch was tönt au no genial...??
argauer dialäkt mit bärndüütsch gmischt. ;)

Re: Dä schönschti Dialäkt?

BeitragVerfasst: Mi 18. Dez 2002, 14:22
von Joggeli
:? Ich vermute, Bubs kommt auch aus dem Rüebliland :?

:D
:D

Re: Dä schönschti Dialäkt?

BeitragVerfasst: Mi 18. Dez 2002, 19:55
von satimat
klar doch joggeli und bubs... ihr sind wie de seppli wo nur sis schön findet - sooo langwiilig:oops:

sind doch chli muetig und lueged emole di schöne andere schwiizerdialäkte aa!!!

Re: Dä schönschti Dialäkt?

BeitragVerfasst: Mi 18. Dez 2002, 22:10
von Joggeli
Iiiisproch Satimat das schtemmt ned

I ha sehr gärn Böndner- Walisser- on Bärnerdialält!!

Trotzdem muess i natürli echli för mis Heimatdialäkt schwärme - esch doch klar, oder?

Joggeli
*dessenfrausehrguteaargauerrüeblitortenbäckt*

Re: Dä schönschti Dialäkt?

BeitragVerfasst: Mi 18. Dez 2002, 22:16
von rainbow
hm, do mues i doch direkt wieder emole go ineluege. Han nämmli sehr gärn Rüeblitorte :D

Du Joggeli, wenn macht sie die nöchsti? :P