Höt fangt d´Fasnecht a

Bitte hier in Schweizerdeutsch schreiben! Dr Dialäkt isch egal, äs tuet eifach guet, mau so z´schrybe, wis eim redet!

Moderator: firebird

Höt fangt d´Fasnecht a

Beitragvon Yehudit » Mo 11. Nov 2002, 20:03

Ups, jetzt han ech doch tatsächlech de Fasnechtsafang am 11.11Uhr verpasst! Cheibe Züg aber au!

Ech als Lozärneri be natürli früecher e rüdigi Fastnächtleri gsi. Woni e Guggemusig ha ghört, han ech natürli müesse debi si. Wo´s Moscht, Bier ond Oepfeler ghä hed, beni azträffe gsi. Gompe ond senge bis zom Omgheie. Eifach gschere; s´esch jo Fasnecht. Einisch so rechtig us sinere Hut schlöpfe, e neui öberstreife ond emole so tue, wie mer sösch ned tuet. Es könnt mi jo niemert.
Do werd abaggered, abgschleppt, vöu extremer als sösch amene Fäscht. Suffe, en coole Typ/e cooli Frou abschleppe ond am Schloss irgend ine Egge cheese, das esch s´Motto. Esch jo nome einisch em Johr. E nöi Identität anäh ond eso rechtig d´Sou useloh! Ond demet de Wenter vertriebe.

Wie händ ehr d´Fasnacht erläbt, oder erläbet si?
Was dänked ehr dröbert? Fendet ehr, me setti si abschaffe? Oder dänket ehr, es segi guet, wenn mer eifach emol so cha tue, wiemer söscht ned sett tue?

E gwondrigi Yehudit
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5396
Registriert: So 19. Mai 2002, 14:31
Wohnort: irgendwo wo´s rüdig schön isch!

Re: Höt fangt d´Fasnecht a

Beitragvon bigbird » Di 12. Nov 2002, 09:56

Hallo Yehudit

:x Ig kenne Lüt, die bätte heftig gäge d Fasnacht ... (Tüfelszüüg). Ja, ja, ig weiss scho, dass es für vili einfach alti Brüüch sy. Ds schlimme find ich höchschtens dört, wo me z.B. de Chind vermittlet, das syg alles real und wichtig - u we me vo Jesus öppis seit, wärde d Händ verrüehrt ...
:? Gäge d Uswüchs (Suufereie und anderi zügellosi Sache) hani ou öppis, aber nüt gäge ne luschtige Chinderumzug... aber weme Fasnacht macht, für z tue, wie me nid sött ...

bb

Zur Sklavenzeit in den USA hat eine schwarze Köchin in höherem Alter mit Eifer lesen gelernt, um die Bibel selber lesen zu können. Sie wurde gefragt, was sie mache, wenn sie etwas nicht verstehe.
Ihre Herzensantwort: „Dann sage ich Halleluja und lese weiter, bis was kommt, das ich verstehe!“
Benutzeravatar
bigbird
Administrator
 
Beiträge: 45934
Registriert: Do 7. Mär 2002, 08:25
Wohnort: Raum Bern

Re: Höt fangt d´Fasnecht a

Beitragvon Taube » Di 12. Nov 2002, 10:06

Yehudit


Oder dänket ehr, es segi guet, wenn mer eifach emol so cha tue, wiemer söscht ned sett tue?


Nei, das isch nid guet e so. Aber das mers dörf emol luschtig ha, isch guet und entschpannend und ghört au i üse Johresablauf.

Aber I chume nid useme Fasnachtsgebiet, ich finde aber, dass so en alte Volksbruuch viel besser isch, als für üs so neui, fremdi Brüüch, wie Halloween, wo mir no nie gfiiret händ. Die sind, glaub ich, vor allem vo Gschäftlimacher iigführt worde.


Tuube
Denn erschienen ist die Gnade Gottes, allen Menschen zum Heil. (Titus 2,11)
Benutzeravatar
Taube
My home is my castle
 
Beiträge: 12345
Registriert: Fr 11. Okt 2002, 15:47

Re: Höt fangt d´Fasnecht a

Beitragvon Yehudit » Di 12. Nov 2002, 10:23

Ech fende d´Fasnecht je länger si schlemmer. Ond sie esch do^ch ou höt nome no gschäftlimacherei. Schlieslech händ denn d´Beize hochsaison ond gschäfter chönd ehri Chleidli verchoufe. Ech be uf jede Fall froh, wenn i so wenig wie möglech mtebechome vo de Fasnecht, am liebste wördi aube eifach flöchte i dere Zyt, ou wenn das Lüt, wo mech vo früecher her könned gar ned chönd verstoh. Aber was sölls.

@bigbird: jo, d´Chenderomzög fend ech ou härzig, aber ech tänke, das das äbe e sanfti Ifüehrig i´d Fasnacht esch.
Was i no guet fende, send die Mottos a de Omzög, wo verschiedeni Sache uf d´Schippe gno wärdet, sowie d´Schnitzelbänk vo de Basler Fasnecht

Grüessli Yehudit
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5396
Registriert: So 19. Mai 2002, 14:31
Wohnort: irgendwo wo´s rüdig schön isch!

Re: Höt fangt d´Fasnecht a

Beitragvon seppli » Di 12. Nov 2002, 20:59

Du bisch ganz sälberschuld mit dä Fasnacht - Also bi eus in Züri wird da nöd esones Gschiss drumm gmacht... D´Innäschwiizer sind halt anderscht... :-D

Na ja - Es hett no wiiter Vorteil Zürcher z´sii - ABER diä zell ich da jetzt nöd all uuf - Schliessli gahts da ja nur um d´Fasnacht... :-D :-D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 23:18
Wohnort: Rm Züri

Re: Höt fangt d´Fasnecht a

Beitragvon Taube » Di 12. Nov 2002, 21:06

Neiaberau, Seppli,

Hüt obig rede mir nit vo Züri, aber vo Basel

und

au nid vo de Fasnacht. Me reded vo Fuessball


Tuube, flattered jetzt in Richtig Basel
Denn erschienen ist die Gnade Gottes, allen Menschen zum Heil. (Titus 2,11)
Benutzeravatar
Taube
My home is my castle
 
Beiträge: 12345
Registriert: Fr 11. Okt 2002, 15:47

Re: Höt fangt d´Fasnecht a

Beitragvon horst » Mo 18. Nov 2002, 13:26

liebi yehudit

ich han drü jahr im entlebuech gläbt. alles wo du schilderisch hätt mich total ahgecklet. mer streift sich eh anderi huut über und chan quasi unbekannt sau ablah.

s´schlimmschte a dem ganze isch, dass die chlinschte chind scho mitgschleikt werdet. mer macht sie so früeh wie möglich fasnachtstauglich.

au dsufferei fangt scho bi de chind ah und sie versueched mit allne mittel an alki zchoo. ich han en läbesmittellade gha. es isch würklich tragisch wie wichtig alki a de partis isch. ohi alki gaht nüt, da chunt scho gar kei stimmig uf.

ich finde, mer chönti dfasnacht abschaffe, will ich dem triibe nüt guets abverlange chan.

wie gahsch du demit um?

segensgruss

horst
Befiel dem Herrn deine Wege und hoffe auf ihn, er wirds wohl machen. psalm 37,5
Benutzeravatar
horst
Power Member
 
Beiträge: 531
Registriert: Do 7. Mär 2002, 21:24
Wohnort: Ostschweiz

Re: Höt fangt d´Fasnecht a

Beitragvon Yehudit » Mi 20. Nov 2002, 11:21

Also vo mer us, chönnt mer d´Fasnecht ou abschaffe. I verchrüceh mich eifach i dere Zyt ond be froh, weni so wenig wie mögli devo metkriege. Aber wenn so öppis seisch, wersch nome blöd aglueged. Das chan halt niemer so rächt verstoh. I dänke, was mer chönnt mache, esch eifach bätte. Alles esch mögli, wenn Gott well.
Wenn i mer vorstelle, dass ech no vor e paar Johr ou so blödsenn gmacht han ond vor luter fäschte Fäschtbänk ond -tisch geschlesse han. Ond vor luter hemmigslosigkeit gönd so veli frömd, ond uf das abe werd eifach alki gsoffe, bis´d en halbi Alkvergiftig hesch. Naja, wenns das bringt?

Also för mich isch d´Fasnacht gstorbe. Me chan i do dezue nid säge.
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5396
Registriert: So 19. Mai 2002, 14:31
Wohnort: irgendwo wo´s rüdig schön isch!

Re: Höt fangt d´Fasnecht a

Beitragvon seppli » Mi 20. Nov 2002, 20:02

NEIENEIIII - Bitte schaffed d´Fasnacht nöd ab - Ich han Fasnachschüechli ebbä cheibä gern - Aber suscht wär mir das gliich :D :D :D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 23:18
Wohnort: Rm Züri

Re: Höt fangt d´Fasnecht a

Beitragvon Taube » Mi 20. Nov 2002, 20:11

Kei Angscht, solangs no Basler hät, wird Fasnacht nie abgschafft.

Tuube
Denn erschienen ist die Gnade Gottes, allen Menschen zum Heil. (Titus 2,11)
Benutzeravatar
Taube
My home is my castle
 
Beiträge: 12345
Registriert: Fr 11. Okt 2002, 15:47

Re: Höt fangt d´Fasnecht a

Beitragvon seppli » Mi 20. Nov 2002, 21:37

Ja - da hätt zwar öppis Wahrs - Ich mein ich chan s´Ganz Jahr duur nöd vill ahfangä mit Basler - ABER - diä Schnitzel-Dinger deet ammigs a dä Baslerfasnacht händ scho no Style... Und Guggämusig ansich wär au no cool, aber ebbä - In Züri isch das halt nöd eso verbreitet - deet merkt mer nur ahand vo dä Fasnachtschüechli und dä Confetti das jetzt dänn öppä mal Fasnacht sii müest... :D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 23:18
Wohnort: Rm Züri

Re: Höt fangt d´Fasnecht a

Beitragvon Taube » Mi 20. Nov 2002, 21:50

Jo, so schlimm isches au nid in Züri. Das ganzi Theater ums Schauspielhuus isch jo e Fasnacht durs ganzi Johr.

Tuube
Denn erschienen ist die Gnade Gottes, allen Menschen zum Heil. (Titus 2,11)
Benutzeravatar
Taube
My home is my castle
 
Beiträge: 12345
Registriert: Fr 11. Okt 2002, 15:47

Re: Höt fangt d´Fasnecht a

Beitragvon seppli » Mi 20. Nov 2002, 23:21

Ok - s´Schauspielhuus wär mis sälber zwar au zimmli gliich - Mir händ ja es Kino in Züri... :]
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 23:18
Wohnort: Rm Züri

Re: Höt fangt d´Fasnecht a

Beitragvon bibiJF » Di 26. Nov 2002, 20:45

aso i lausanne han i nix vo fasnacht im letschtä johr mitbecho. wird wohl au das johr nix los si.


dihei gang i gärn ab und zuä an nen umzug.d´maskäbäll sid mir verleidät wies dört nur no z´arg zugoht. i mag jo tanzä und verchleidä abär so gäg mitti wirds meh eifach zbunt mit dä bsoffnä verchleidätä. :(
i bi jo mängisch au zimli verlädä a dä studifäschtär abär selbst dert geihts nie so arg zuä wiä a dä bäll.

wa i gärn ha isch ä beizetour dür alli gschmücktä beizä. abär so wie dfrauä vom servierpersonal sich mängisch zeigät gfallt mir wirkli nid. hans liebär wänns mäh stoff a händ und derfür originell ;)

d´guggämusig find i voll guät au wänns mängisch zarg tönt. äs muäss jo achli schräg si aber äs wird mir doch ab und zuä zschräg.

grüssli an alli

bibi
bibiJF
Hat sich eingelebt
 
Beiträge: 63
Registriert: Mo 10. Jun 2002, 22:53
Wohnort: Bronschhofen (SG)


Zurück zu Schwyzerdütsch Forum

Wer ist online?

Mitglieder in diesem Forum: 0 Mitglieder und 1 Gast