Seite 2 von 2

Re: Schwyzer Witze

BeitragVerfasst: Sa 10. Apr 2004, 15:44
von Sinira
mal eine im ne ganz struube dialekt:

De Lehrer ekläät de Goofe d Reptilie.
Das seiid Tiere, wo nüd chönid stoh ond
lauffe ond gad ufm Bode ommechrüüchid,
ond öb nebed ees chenni.
«Minn andehalbjährige Brüeder»,
rüeft s Meianneli.

än bärner und än öschtriicher wend beid ihrem läbä äs änd setzte,sie hüpfet vum bärnär münschter abä...
wär chunt zerscht a?
dä bärner är brucht zwar fast es jahr bis är dunde isch aber dä öschtriicher het sich blöderwiis verflogä;)

än maa wott inere zürcherbank(bide bärner müest är zlang aastah) geld alege.
"wie viel wend sie denn iizahle?" frögt de kassie
flüschteret de maa: "drü millionä"
"sie chönds ruig chli lüüter sege", meint de bankagstellti
"ide schwiiz isch armuät ke schand"

Re: Schwyzer Witze

BeitragVerfasst: Sa 10. Apr 2004, 15:47
von Sinira
en baasler und än zürcher treffed sich,
frögt dä zürcher de baasler:
hesch öpis gägä bärner?
frögt de baasler ganz erstuunt: was gits scho äs mitteli degege?

Re: Schwyzer Witze

BeitragVerfasst: Mo 21. Jun 2004, 21:23
von Aliblabla
... min erschti Biitrag, nei, das esch ned de Witz!! :-)

En Lozärner und en Aargauer sitzed anere Party binenand, beidne isch grausam langwilig!
Da seit de Lozärner:"Ich säg immer was ich dänke!"
De Aargauer:"Aha, drumm besch immer so ruhig!"

Isch eigentlich kein Witz, sondern eher en Tatsach!! :P *hihi*

...han de Witz eigentlich mit Zürcher welle mache, aber die sind ja scho g´straft gnueg mid eus Aargauer!

Re: Schwyzer Witze

BeitragVerfasst: Mo 21. Jun 2004, 22:19
von Ni tram
ZH und AG zuwenig hiern und Achtug gefahr das Passt doch gut zusammen oder? :D

Re: Schwyzer Witze

BeitragVerfasst: Di 22. Jun 2004, 06:34
von Yehudit
Original von Aliblabla
... min erschti Biitrag, nei, das esch ned de Witz!! :-)

En Lozärner und en Aargauer sitzed anere Party binenand, beidne isch grausam langwilig!
Da seit de Lozärner:"Ich säg immer was ich dänke!"
De Aargauer:"Aha, drumm besch immer so ruhig!"

Isch eigentlich kein Witz, sondern eher en Tatsach!! :P *hihi*

Öhm Momänt emole! Wa heisst do en Tatsach? Pass uf... susch läbsch gföhrli, so öber üs Lozärner z´rede! ;)
ZH und AG zuwenig hiern und Achtug gefahr das Passt doch gut zusammen oder?
Wie´s mini christlichi Nächsteliebi forderet sägi nöd Achtung Gefahr, sondern alles Gueti :P Bin schliesslich Tierlifründ ;) :D

Liebi Grüessli Yehudit

Re: Schwyzer Witze

BeitragVerfasst: Di 22. Jun 2004, 18:07
von Jestabs
ZH und AG zuwenig hiern und Achtug gefahr das Passt doch gut zusammen oder?
Also ich wörd ufpasse, was du do seisch :D Nor so en tipp :D

Re: Schwyzer Witze

BeitragVerfasst: Mi 23. Jun 2004, 07:01
von Yehudit
Original von Aliblabla
... min erschti Biitrag, nei, das esch ned de Witz!! :-)

Öbrigens: Nochträglich no härzlichi Gratulation zo Dim erschte Bitrag hie im Forum :))
Aber weisch, ehrlich gseit: Han z´erscht scho gmeint, dini erschte Wort siget de Witz, guet hesch es no anegschriebe ;) :P :D

Liebi Grüessli Yehudit :P

Re: Schwyzer Witze

BeitragVerfasst: So 27. Jun 2004, 20:14
von Tömu
wenn schon so:
"Heit dr no eine vo dene Juflicheibe?"


und us weuem grund si d`bärner langsam?? dass d`zürcher ou no nachemööge.

u wi gseht z`nöie zürcher-natel us??
e schnägg mit brämschlötz!

Re: Schwyzer Witze

BeitragVerfasst: Sa 24. Jul 2004, 13:03
von bigbird
Ein Berner gewinnt mit grossem Vorsprung ein steiles und kurvenreiches Abfahrtsrennen. Seine Erklärung: "Geng wenn ig ha wölle brämse, isch d Kurve scho verby gsy!" 8-)

Re: Schwyzer Witze

BeitragVerfasst: Sa 24. Jul 2004, 16:54
von Yehudit
Original von bigbird
Ein Berner gewinnt mit grossem Vorsprung ein steiles und kurvenreiches Abfahrtsrennen. Seine Erklärung: "Geng wenn ig ha wölle brämse, isch d Kurve scho verby gsy!" 8-)
:D :D :D Dä isch guet :D :D :D

Re: Schwyzer Witze

BeitragVerfasst: Mi 28. Jul 2004, 20:02
von bärnerin
hei... kennet dir de ds totemügerli scho?



Gäuit, wemer da grad eso schön binanger sitze, hani däicht i chönntech vilicht es bärndütsches Gschichtli erzelle. Es isch zwar es bsungers uganteligs Gschichtli, wo aber no gar nid eso lang im Mittlere Schattegibeleggtääli passiert isch.
Der Schöppelimunggi u der Houderebäseler si einischt schpät am Abe, wo scho der Schibützu dürs Gochlimoos pfoderet het, übers Batzmättere Heigisch im Erpfetli zueglüffe u hei nang na gschtigelet u gschigöggelet, das me z Gotts Bäri hätt chönnä meine, si sige nager scheich.
?Na ei so schlöözige Blotzbänggu am Fläre, u i verminggle der s Bätzi, dass d Oschterpföteler ghörsch zawanggle!?
?Drby wärsch froh, hättsch en einzige nuesige Schiggler uf em Lugigupf!?
U so isch das hin u härgange wie nes Färegschäderli amene Milchgröözi, da seit plötzlech Houderebäseler zu Schöppelimunggi:
?Schtill! Was ziberlet dert näbem Tobelöhli z grachtige n uuf u aab??
Schöppelimunggi het gschläfzet wie ne Gitzler u hets du o gseh. Es Totemügerli! U nid numen eis, nei, zwöi, drü, vier, füüf, es ganzes Schoossinjong vou si da desumegschläberlet u hei zängpinggerlet u globofzgerlet u gschandghangizigerligisionööggelet, das es eim richtig aagschnäggelet het.
Schöppelimunggi u Houderebäseler hei nang nume zuegmutzet u hei ganz hingerbyggelig wöllen abschöberle. Aber chuum hei si der Awang ytröölet, gröözet es Totemügerli:
?Heee, dir zweee!?
U denen ischs id Chnöde glöötet wie bschüttigs Chrüzimääl düre Chätschäbertrog.
Düpfelig u gnütelig si si blybe schtah wie zwöi gripseti Mischtwibeli, u scho isch das Totemügerli was tschigerlisch was pfigerlisch binene zueche gsi. Äs het se zersch es Rüngli chyblig u gschiferlig aagnöttelet u het se de möögglige gfraget:
?Chöit dir is häufe, ds Blindeli der Schtotzgrotzen ueche z graagge??
Wo der Schöppelimunggi das Wort ?Blindeli? ghört het, het em fasch wöue ds Härzgätterli zum Hosegschingg uspföderle, aber der Houderebäseler het em zueggaschplet:
?Du weisch doch, das me imene Totemügerli nid darf nei säge!?
U du si si haut migschnarpflet.
?Sooo, dir zweee!? het ds Totemügerli gseit, wo si zum Blindeli chosi, u die angere Totemügerli si ganz rüeiig daaggalzlet u hei numen ugschynig ychegschwärzelet.
Da hei die beige gwüsst, was es Scheieli Gschlychets ds Gloubige choschtet u hei das Blindeli aagroupet, der eint am Schörpfu, der anger am Gängertalpli.
Uuuh, isch das e botterepfloorigi Schtrüpfete gsi! Die zwee hei gschwouderet u ghetzpacheret, ds si z näbis meh gwüsst hei, wo se der Gürchu zwurglet.
Daa, z eis Dapf, wo si scho hauber der Schtotzgrotzen uecheghaschpaaperet si, faht sech das Blindeli afah ziirgge u bäärgglet mit schychem Stimmli:
?Ooh, wie buuchet mi der Glutz!?
Jetz hets aber im Schöppelimunggi böös im Schyssächerli gguugget. Är het das Blindeli la glootsche u isch der Schtotzgrotz abdotzeret, wie wenn em der Hurligwaag mit em Flarzyse der Schtirps vermöcklet hätt.
?Häb dürä, Münggu!? het em der Houderebäseler no naagräätschet, u de het er nüt meh gwüsst.
Am angere Morge het ne ds Schtötzgrötzeler Eisi gfunge, chäfu u tunggig wien en Öiu, u es isch meh weder ei Monet gange, bis er wider het chönne s Gräppli im hotschmägeli bleike.
Totemügerli u Blindeli het er keis me gseh, sis Läbe lsang, aber o der Schöppelimunggi isch vo da a verschwunde gsi.
S git Lüt, wo säge, dass sider am Schtotzgrotzen es Totemügerli meh desumetschirggelet......


isch eigentlech kei witz... aber i muäss immer drab schmunzlä wenn is wider lisä ;)

Re: Schwyzer Witze

BeitragVerfasst: So 14. Nov 2004, 18:56
von Holgus
Arnold von Winkelried: "Wele Soucheib het mi gschupft!"

Re: Schwyzer Witze

BeitragVerfasst: So 19. Dez 2004, 10:48
von Anbos
wevell Berner wetz gehts?

öpe zwöi de räscht stemmt alls

wieso händ d´sangaller zwe abflöss ide badwanne?
Chalt ond warmwasser drennig

Guet die wetz chammer igsbeliebig es anders städtli näh.

en appenzeller goht hei, er wohnt imene wolkechratzer zoberschtobe
es get 20 stöck.

wieso goht er in lift dröckt nor of de 10i stock ond goht der räscht zfuess?

well er ned ufe mag ´:D´

Im Himmel:

Petrus lief zu Gott, weil er so nachdenlich aussah.
Petrus ging hin und fragte was los ist.
Gott antwortete: Schau mal hier runter, ich habe etwas geniales erschaffen. dass ist die erde und die ist in einem Gleichgewicht.

Schau Nordamerika reich, südamerika arm
Afrika schwarz und europa weiss.
Und hier in der schweiz leben die schönsten und intelligentesten menschen. sie sind einfach klug und schön.

Petrus sagt: Ja ja totales gleichgewicht...

Gott: mmhhhh Petrus schau doch mal genau hin, neben der schweiz ist deutschland ´:D´

Gruss

Re: Schwyzer Witze

BeitragVerfasst: Mo 20. Dez 2004, 18:50
von navili
@anbos

Re: Schwyzer Witze

BeitragVerfasst: Mo 20. Dez 2004, 18:52
von navili
hoppla, chliine fehler..

anbos, was het ids das mit em gliichgwicht dsdüe???
Ich frag mich, was ihr immer alli gäg üüs dütschi händ? :D
So schlimm si mer ou wider nid! ;)
Grüessli

Re: Schwyzer Witze

BeitragVerfasst: Mo 20. Dez 2004, 19:19
von Anbos
@navili

tschuldigung han nüd gäg dütschi, läbe sogar met zwe dütsche zäme.

aber weisch es esch jo zom glöck nor en wetz
mehr chönnts jo ou omgekehrt mache.

ok s´dut mehr leid wenn ech dech agreffe han, has jo wöklech nor als wetz gmeint.

Gruess Anbos

Re: Schwyzer Witze

BeitragVerfasst: Di 21. Dez 2004, 20:10
von navili
Nei!!
Isch dänk scho guet!
Ich hans au nid würkli ärnscht gmeint ;)
Kenn das us der Schuel.. Da send au immer die Dütsche die
Böse.. :roll:
Aber naja, was söll me mache..?

Ganz liebs Grüessli navili

Re: Schwyzer Witze

BeitragVerfasst: Di 21. Dez 2004, 20:20
von coolerboy
Original von Anbos
wevell Berner wetz gehts?

öpe zwöi de räscht stemmt alls

und weli 2 den? ;) :P

Re: Schwyzer Witze

BeitragVerfasst: Di 21. Dez 2004, 20:21
von Anbos
denn esch jo alles klar....

Gruss Anbos

Re: Schwyzer Witze

BeitragVerfasst: Di 21. Dez 2004, 20:25
von Anbos
coolerboy

weisch ech chönnter jetzt x wetz ufschriibe ond eifach säge die zwe stemmed.... ech chönnt aber ou alli of lozärn oder züri oder basel oder ergend en ort omschriibe.

Gruss Anbos

Re: Schwyzer Witze

BeitragVerfasst: Di 28. Dez 2004, 20:48
von bärnerin
hey... bi üs gits wenigschtens no 2 witze im gägesatz zu dä zürcher.... dört stimmt aus 8-)