Schwyzer Witze

Bitte hier in Schweizerdeutsch schreiben! Dr Dialäkt isch egal, äs tuet eifach guet, mau so z´schrybe, wis eim redet!

Moderator: firebird

Schwyzer Witze

Beitragvon Yehudit » Do 10. Okt 2002, 21:26

Hei Lüüt!!


I sueche originelli Schwyzerwitze! Wer chan mer do witerhälfe?
Wenn du eine weisch, denn gib gas und tipp ne do ine!!
Danke jetzt scho!

I warte gpannt uf Antworte.

Grüessli Yehudit
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5403
Registriert: So 19. Mai 2002, 13:31
Wohnort: irgendwo wo´s rüdig schön isch!

Re: Schwyzer Witze

Beitragvon Beckenpower » Do 10. Okt 2002, 22:15

Was sind Zürcher?
.
.
.
.
.
.
Östriicher wo bi dr Völkerwanderig zwiit gloffe sind!
Und was sind demfall Bärner?
.
.
.
.
.
.
.
Öööstriiiiicheeeeeer woooooo laaaaangsaaaaaam meeeeerggeeeee daaaaaass´s zwiiiiiiiit glooooooooooffeeeeee siiiiiiii!

En Graubündner liegt im Chrankehuus und hett so ziemligg alli mögliche Chnoche broche. Frogt sin Zimmernochbr: "Oje, wie gsehsch denn du us? Wie hesch das gmacht?"
"Weisch i bi e Bärejäger"
"Und?"
"Ich bi an´ere chline Höhli gstande und ha ´Huhu, Bärli´ gruefe und denn isch e chlises Brli usechoo. Denn bin i zunere mittelgrosse Höhli cho und ha ´Huhu Bärli´ iinegruefe, do isch e mittelgrosses Bärli usechoo. Denn bin i zun´ere grosse Höhli choo und ha ´Huhu Bärli inegruefe..."
"Ah, und denn isch e grosse Bär usechoo?"
"Nei, die rhätischi Bahn!"

Do the possible and trust God for the impossible! - Loren Cunningham
Benutzeravatar
Beckenpower
Power Member
 
Beiträge: 610
Registriert: Mo 17. Jun 2002, 10:25
Wohnort: z´Basel a mim Rhy

Re: Schwyzer Witze

Beitragvon ich » Fr 11. Okt 2002, 09:25

Ein Affe fragt den Wal: Wo gehtst du in die Ferien?
Da sagte der Wal: Weisst du, mein Vater kann schwimmen, meine Mutter kann schwimmen und ich kann schwimmen, wir gehen ans Meer.

Dann fragt der Affe das Krokodil: Wo gehs du in die Ferien?
Da sagte das Krokodil: Weisst du, mein Vater hat ein grosses Maul, meine Mutter hat ein grosses Maul und ich habe ein grosses Maul. Wir gehen nach Zürich.

Wie bstellt en Bärner im Restaurant en Schnägg?
"Händ ihr no eine vo dene Juflicheibe"?
Benutzeravatar
ich
Power Member
 
Beiträge: 741
Registriert: Di 12. Mär 2002, 08:59
Wohnort: Schweiz AG

Re: Schwyzer Witze

Beitragvon bigbird » Fr 11. Okt 2002, 09:40

:D Hallo ihr Nicht-Bärner

8-) so bestellt kein Bärner*) was:
"Händ ihr no eine vo dene Juflicheibe"?


:] wenn schon so:
"Heit dr no eine vo dene Juflicheibe?"

bb

*) gilt auch für Bärnerinne!!! ;)
Ein weiser Mann hat mal gesagt:
Man soll dem Nächsten die Wahrheit nicht
wie einen Waschlappen um die Ohren schlagen,
sondern sie ihm liebevoll wie einen wärmenden Mantel um die Schultern legen.

Das wäre doch ein gutes Motto für das Forum - oder?
Benutzeravatar
bigbird
Administrator
 
Beiträge: 46019
Registriert: Do 7. Mär 2002, 07:25
Wohnort: Raum Bern

Re: Schwyzer Witze

Beitragvon Süsse456 » Mo 21. Okt 2002, 18:56

Es isch emal en Schwitzer en Franzos und en Dütsche gsie, die händ es Wettränne wele mache wer zerst ufem Mars isch!
De Franzos het e Rakete gno, de Dütsch es Flugi und de Schwitzer isch an nächste Kiosk gange und het sich es Mars kauft, häts uf de Bode ta isch drufgstande und het gseit "Ich bin zerscht ufem Mars"
Süsse456
Newcomer
 
Beiträge: 16
Registriert: So 20. Okt 2002, 21:38

Re: Schwyzer Witze

Beitragvon seppli » Mi 20. Nov 2002, 19:18

Dä Ruedi, und sini Frau d´Hanni hockend im Sunnäuntergang vor irräm Burrähüüsli uf enärä Alp irgendwo im Berner Oberland - So schwär idyllisch - Mega romantisch - dä Himmel färbt sich langsam rot - so wien mer sich das halt so vorstellt... Uf jeddäfall tätscht dänn en Chue muhend vom Himmel obbä abbä und schlaht öppä 20 Meter vor em Ruedi und em Hanni an Boddä uuf... Ganz langsam drähet rich dr Ruedi zu sinärä Frau und seit "Du Hanni - Geb mer doch mau mini Jagge - Es chuelet..."
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 22:18
Wohnort: Rm Züri

Re: Schwyzer Witze

Beitragvon Bubs » Mo 9. Dez 2002, 11:24

Än Schwitzer, än Chines und än Amerikaner händ emol äs Wettrenne gmacht, wer chan än Uhr vom Eiffelturm aberüehre und si dunde wider uffange. Zersch isch dä Chines dra cho,het d´Uhr abegrüehrt und isch losgrennt....ups..bim erschte Stägetritt umgfloge....denn isch dä Amerikaner dra cho, het d´Uhr losgloh und het sich ufd´ Socke gmacht....hets fasch bis abe gschafft und.....hoppla bim drittletschte Tritt häts in au no ufd´Nase ghaue :D ........
denn isch dä Schwitzer dra cho...het d´Uhr abegrüehrt,isch ganz gmüetlich abespaziert,no go äs Käfeli trinke, rasch go Poschte..wider zum Eiffelturm cho und het ganz easy d´Uhr ufgfangä. Wo di andere ihn gfrogt händ, wiener das gmacht hät, hät er gseit,...wüssed ihr,mir Schwitzer händ halt ebe STOPPuhre!! 8-)


Bild

B u b s

Benutzeravatar
Bubs
Wohnt hier
 
Beiträge: 1019
Registriert: So 3. Nov 2002, 22:31
Wohnort: AARGAU

Re: Schwyzer Witze

Beitragvon Salzstreuer » Mo 9. Dez 2002, 13:00

Ein älteres Berner Ehepaar sitz gemütlich vor dem Haus. Er raucht seine Pfeife, sie strickt. Da plötzlich fällt eine Kuh vom Himmel. Doch beide reagieren nicht. Eine weiter Kuh fällt vom Himmel, doch auch diese schenken sie anscheinend keine Beachtung. Erst als die dritte Kuh vom Himmel direkt vor ihre Füsse fällt, sagt der Mann: "Chumm, mir göi inne, es chüellet."

(ist selbstverständlich auch in Dialekt zu erzählen, wer Berndeutsch kann, darf es gerne übersetzen, ich als Basler halte mich da raus ;-) ).

--------

Was isch s scheenschte in Zyyri? Dr Schnällzug nach Basel.

---------

Jo jo, ich wais, isch alles e glai wenig bees...

---------

Gruess
-salzstreuer
Es gab eine Zeit,
wo der Glaube gegen die Vernunft verteidigt werden musste,
es kommt eine Zeit (und sie beginnt schon)
wo der Glaube die Vernunft verteidigen muss!
Kardinal Chr. Schönborn
Benutzeravatar
Salzstreuer
Senior-Moderator im Ruhestand
 
Beiträge: 5082
Registriert: Fr 22. Nov 2002, 08:48
Wohnort: Dert, wo me -zaemme- sait

Re: Schwyzer Witze

Beitragvon Iris » Di 10. Dez 2002, 15:33

Ein Zürcher zum Basler:
"Sääg du mir nööd immer Ziircher! Suscht säg ich dir Bisler!"
Iris
Für Jesus das Beste, weil Er für mich das Beste gab. ;)
Benutzeravatar
Iris
Member
 
Beiträge: 280
Registriert: Do 14. Mär 2002, 18:04
Wohnort: Nordostschweiz

Re: Schwyzer Witze

Beitragvon seppli » Di 10. Dez 2002, 18:55

Dankä Iris für din Biitrag,

dä tuet mir richtig guet nach dämm ich dä Ihtrag vom Salzi han müesä läsä... Ich mein dä isch mir fascht dopplät as Bei gfahrä - Erschtens gägä Zürcher, und zweitens hätt dä Frosch Hoochdüütsch i mis Schwiizerdüütschforum innägschribbä - Ich find das eifach kotz-arrogant was sich diä eintä erlaubet da im Forum nur wills Moderatorä sind - Ich han das natürich au scho dä Yehudit gmoldä :D :D :D :D Zu dämm han ich dä umstritteni Hoochdüütschi Witz bereits vorannä uf schwiizerdüütsch innägschribbä gha - Was ich a därrä Stell au no erwähnä möcht...

:D :D :D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 22:18
Wohnort: Rm Züri

Re: Schwyzer Witze

Beitragvon Beckenpower » Di 10. Dez 2002, 21:11

Tja do müm´r doch grad nonemol nochsetzte:
Es Häsli und e Frosch butsched in dr Nacht zämme! (Sie erkenne also nit wär dr ander isch)
Häsli: "Wär bisch denn du?"
Frosch: "Säg ich nöd, aber wär bisch du?"
Häsli: "Sag i demfall au nit, aber chum mr taschte i´s gegesittig ab um s´usezfinde!"
Frosch: "Gueti Idee, ich fang aa!"
Dr Frosch taschtet also s´Häsli ab und säit:
"Hmm, grossi Ohre, weiches Fäll und e Stummelschwänzli...du bisch demfall es Häsli!"
Häsli: "Genau, richtig, so und jetzt bin i draa!"
S´Häsli foht aa de Frosch abztaschte und säit:
"Aaalsooo, du bisch rund, schliimig und hesch e grossi Schnuure...du muesch e Ziircher sii!"
;)
Do the possible and trust God for the impossible! - Loren Cunningham
Benutzeravatar
Beckenpower
Power Member
 
Beiträge: 610
Registriert: Mo 17. Jun 2002, 10:25
Wohnort: z´Basel a mim Rhy

Re: Schwyzer Witze

Beitragvon seppli » Di 10. Dez 2002, 21:48

Diä Basler Moderatorä regget mich langsam uuf - Gits no meh vo därrä Sortä Mänsch i dämm Forum ??? :D :D :D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 22:18
Wohnort: Rm Züri

Re: Schwyzer Witze

Beitragvon Holzwurm » Di 10. Dez 2002, 21:58

Do säg ich nume: läbe ond lo läbe.....
:D :D :D
Nicht da ist man daheim, wo man seinen Wohnsitz hat, sondern wo man verstanden wird.
Christian Morgenstern
Benutzeravatar
Holzwurm
Member
 
Beiträge: 119
Registriert: Di 22. Okt 2002, 18:44
Wohnort: aus Gottes Hand geschaffen

Re: Schwyzer Witze

Beitragvon seppli » Di 10. Dez 2002, 22:04

Original von Holzwurm
Do säg ich nume: läbe ond lo läbe.....
:D :D :D


Das sägg ich au - Diä sind ja mit ihrnä Chemie-Firmnänä scho gnueg gstraaft - da mues mer nöd no druff ummä tramplä, sondern echli herabluegends Verständniss zeigä wänn sie widdermal dänkted das si besser seggät... :D :D :D :D :D

Sorry - Ich han das eifach müesä säggä... Hoffentlich nimmt das niemert z´ernscht - schliessli simmer da ja im Witz-Forum... :D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 22:18
Wohnort: Rm Züri

Re: Schwyzer Witze

Beitragvon Beckenpower » Di 10. Dez 2002, 22:17

Nei Seppli hesch scho rächt, die Chemiefirmene sind scho schlimm, was glaubsch warum mr Larvene aziend zum feschte? :D
Do the possible and trust God for the impossible! - Loren Cunningham
Benutzeravatar
Beckenpower
Power Member
 
Beiträge: 610
Registriert: Mo 17. Jun 2002, 10:25
Wohnort: z´Basel a mim Rhy

Re: Schwyzer Witze

Beitragvon seppli » Di 10. Dez 2002, 22:25

Ich chan ja dä Basler bald wider e chli nahfühlä wies ihnä mues gah - Am 6.1. därf ich id UO - Dänn chan ich mit dä Schutzmaskä, und em ABC-Schutz-Ahzuug ummälaufä... Das 4-Frucht-Ameisä-Bär-Tenü hätt irgendwiä no Style... :D :D :D
seppli
Benutzeravatar
seppli
Member
 
Beiträge: 183
Registriert: Di 29. Okt 2002, 22:18
Wohnort: Rm Züri

Re: Schwyzer Witze

Beitragvon Joggeli » Di 10. Dez 2002, 23:52

I ha geschter de ganzi Grümpel dörfe abgäh - erschtklassig organisiert. De Witz esch erscht am Schluss cho, und me het dem Witz Nachtässe gseit :(

Benutzeravatar
Joggeli
Administrator im Ruhestand
 
Beiträge: 7648
Registriert: So 31. Mär 2002, 14:57
Wohnort: Rüebliland

Re: Schwyzer Witze

Beitragvon Joggeli » Mi 11. Dez 2002, 10:39

Mer het geschter en Lehrer sini Klass vorgschtellt mit dene Wort:

Wenn diä i de mettlere Reihe so ruhig wäret wie diä i de vorderschte Reihe, wo Ziitig läsed, könntet die i de hinterschte Reihe besser schloofe...

Benutzeravatar
Joggeli
Administrator im Ruhestand
 
Beiträge: 7648
Registriert: So 31. Mär 2002, 14:57
Wohnort: Rüebliland

Re: Schwyzer Witze

Beitragvon Fige_ » Do 12. Dez 2002, 17:35

brenge mer au no es paar wetz:

mache mer zersch mol chli öbis gäge fribouger:

wiso flüged d´vögel obe a Fribourg emmer im Chreis?
- Met eim Flögel hebed si sech emmer d´Nase zue.

wenn Fribourger hürotet lauft bim Omzog nach de Chele emmer en Sou vorus, wiso?
- Damet d´Flöige ned ufs Brutpaar hocket.

Di noischti Attraktion im Lööb: En 50 cm grosse Fribourger. We mer uf de Chnopf dröckt stenkt er en halb stond.



send mol en Zörcher, en Aargauer ond en Bärner go Fallschermsprenge. Seit de Trainer im Flüger: "Er müend uf 3 zele ond denn a de Leine zie".

Gomped zersch de Zörcher use. Ghört mer ne "eis" denn gseht er is zitli lang nüt me ond plötzlech taucht er weder uf wiener schön am abeflüge esch.

denn de Aargauer genau das selbe. "eis", ond nachemene Ziitli hanged er am Fallscherm ond flügt rechtig Ärde.
De Bärner: "Eiis". ond denn esch er weg ond taucht nömme uf.
Wo de Zörcher ond de Aargauer glandet send gönds no grad go sueche. Nachere Halbstond fendets ne wie ner chopfvora imne Meschthufe steckt. wos ne useziend seit er "drüüü".



Notürli cha mer au Appezeller höch ne:
Wiso lached Appezeller emmer, wenns öber en Wese secklet? Wöllne s´Grad onter de Ärm chützelet.

Ond wa mached Appezeller, wenns am Bahnhof müend warte? Si nämed s´Zöndhölzlischächteli före, hocked druf ond lönd d´Bei lo bambele.

So, da esch mol gnueg, dänki.

Velecht chömed jo spöter no me.

Schöne Obig ond es Hoch uf de Schwiizer "Kantönligeischt"

Fige
Theorie ist Wissen, das nicht funktioniert.
Praxis ist, wenn etwas funktioniert
und man weiss nicht, warum!
Fige_
Lebt sich ein
 
Beiträge: 47
Registriert: Mo 4. Nov 2002, 09:03
Wohnort: Rüebliland

Re: Schwyzer Witze

Beitragvon Mango » Di 28. Jan 2003, 13:31

What´s the meaning of a PN? :D
Mango
Newcomer
 
Beiträge: 3
Registriert: Di 7. Jan 2003, 21:36

Re: Schwyzer Witze

Beitragvon Bubs » Sa 8. Feb 2003, 13:39

dä uhu und dä hai wohned zäme inere wg. slüütet ade tür. dä hai macht uuf und duss stoht dä pöschtler und frogt, "isch dä uhu dähai?" do seit dä hai ganz verruckt,"nei, dä hai bin ich" :D :D


Bild

B u b s

Benutzeravatar
Bubs
Wohnt hier
 
Beiträge: 1019
Registriert: So 3. Nov 2002, 22:31
Wohnort: AARGAU

Re: Schwyzer Witze

Beitragvon Bubs » Sa 8. Feb 2003, 13:40

bi dä haie gitts zwilling : hai nomol!!


Bild

B u b s

Benutzeravatar
Bubs
Wohnt hier
 
Beiträge: 1019
Registriert: So 3. Nov 2002, 22:31
Wohnort: AARGAU

Re: Schwyzer Witze

Beitragvon Bubs » Mi 26. Feb 2003, 16:17

sind jetzt zwar ke typischi schwitzer witz, aber luschtig sinds gliich :D

d´arche noah isch am versinke..do seit dä noah, das tier mit em gröschte muul mues leider vo bord.
do seit dä breitmuulfrosch: oh, dos orme krokodül!
:D 8-)

ä fotograph got go spaziere. er trifft amne teich im wald ä breitmuulfrosch a, und möcht ihn gärn fotografiere. er luegt dur sini kamera, und merkt, dass s´muul vom frosch ned platz hätt, und seit zum breitmuulfrosch: säg emol knfitüre! - breitmuulfrosch: marmalade. :D


Bild

B u b s

Benutzeravatar
Bubs
Wohnt hier
 
Beiträge: 1019
Registriert: So 3. Nov 2002, 22:31
Wohnort: AARGAU

Re: Schwyzer Witze

Beitragvon Veigi » Mi 26. Feb 2003, 22:33

Worum hets i de Schwyz e so vill Holzhüüser?

Die bruuched d´Stei für d´Bärge!
Benutzeravatar
Veigi
Lebt sich ein
 
Beiträge: 36
Registriert: Mi 18. Sep 2002, 17:07

Re: Schwyzer Witze

Beitragvon Wolfi » Fr 28. Feb 2003, 07:32

En Appezöller mue vor d´Schranke vom Gricht. Wo s´Urtääl verchönt weed ond daas nöd ase uusfallt, wiän er´s gehn ghaa hett, schimpft er luut: "D´Hölfti vo allne Richter sönd Schölme!" Jetzt si diä Richter natüürli bös wode ond händ verlangt: "Entwäder Du nimmsch dä Satz zrögg, oder mir verdoppled Dini Stroof!" Dr Appezöller öberläät en Momänt ond meent denn: "Guet, i nimm dä Satz zrögg: D´Hölfti vo allne Richter sönd kä Schölme!"... ;)
Der Glaube versetzt Berge, aber der Unglaube zerbricht Ketten.
Benutzeravatar
Wolfi
Gesperrt
 
Beiträge: 6880
Registriert: Di 31. Dez 2002, 13:50

Re: Schwyzer Witze

Beitragvon tjsg » Fr 4. Apr 2003, 11:59

E Bärner u ne Zürcher gö i Wäud go Schnäggeli sammle. (D´Idee go Schnäggeli sammle chunnt sicher vom Zürcher, e Bärner würd nie so öppis abartigs mache!)

Nach eire Stund träffe si sech wieder. Der Zürcher het si Chorb vou mit Schnäggeli. Am Bärner si Chorb isch no läär. Da fragt der Zürcher: "Wieso häsch du käni?" Meint der Bärner: "Weisch, chum bücke i mi, si di Cheibe scho furt!" :D

FIIS!!!

Aber mein Leben ist mir nicht wichtig. Vielmehr will ich den Auftrag ausführen, den mir Jesus Christus gegeben hat: die rettende Botschaft von Gottes Gnade und Liebe zu verkünden.
Apostelgeschichte 20, 24
Benutzeravatar
tjsg
Hat sich eingelebt
 
Beiträge: 76
Registriert: Do 13. Feb 2003, 12:19
Wohnort: Linden

Re: Schwyzer Witze

Beitragvon dj-balu » Do 13. Nov 2003, 20:24

hoi zäme

i ha do eine

e güggel lauft d´stross dürab
richtig dorf.
Rüeft der Kolleg:
"he wo geisch häre?"
Seit er:
"zum metzger meier,
de het immer blutti
Hüener im Schoufäischter!"

:D :D :D :D :D :D :D :D :D :D


gruess u bhüet di gott dr dj-balu
Benutzeravatar
dj-balu
Hat sich eingelebt
 
Beiträge: 60
Registriert: Sa 17. Mai 2003, 23:13
Wohnort: CH

Re: Schwyzer Witze

Beitragvon wildvogel » So 23. Nov 2003, 20:58

isch zwar ke Schwyzer Witz...aber i finde ´ne no härzig :D

E auti Chatz chunt a ds Himmustor. "I wett gärn i Himmu ine" Dr Petrus loht si ine...
Nach es paar Tag stöh uf ds Mau zwöi Müüsli vorem Tor. Dr Petrus: "Weit dir öppe o hie i Himmu cho?"
D´Müüsli nicke...dr Petrus loht si ine. de froge si ganz schüüch: "duuu....dörfe mir ächt es paar Inlineskates ha??" Dr Petrus geit i sis Lager u findt tatsächlich zwöi Paar u die Müüsli kurve vergnüegt drvo...
Am Abe trifft dr Patrus die auti Chatz u fragt se: "So...wie hesch di hie iigläbt?? wie gfauts dr??" Da seit die auti Bussle: " Hey; isch im Fau super hei...ds Mittagässe isch hüt scho uf Redli drhär cho!!..."


...we´s dunku isch u du nüme gsehsch, wo bisch; de orientier di am Liecht vo de Stärne über dir u nid am Liecht vo de Schiff, wo a dir verbiifahre...
wildvogel
Newcomer
 
Beiträge: 24
Registriert: Mo 3. Nov 2003, 21:03
Wohnort: ...vo da, wo aui härchöme...

Re: Schwyzer Witze

Beitragvon noname » So 21. Dez 2003, 21:21

es paar bündner witz:

Dr Gianduri isch idr Schual gsi. do sait d´Lehrerin:

Machend alli mol an Satz mit Calanda. Stoht d Seraina uf, di bescht vor klass:

"S´Calanda isch es Bier!"

Guat Seraina! ganz an guata Satz!

stoht dr Curdin uf, dr zwaitbescht vor klass:

"min Vater trinkt nur Calanda"

Guat Curdin guata Satz.

Stoht dr Gianduri uf. Sait d´Lehrerin: "Uh Gianduri i waiss es kunnt nid guat, aber säg wat waisch"

Gianduri: "ds Dach vom Spitol isch Flach" Lehrerin: "Aber Gianduri, mir hands jetzt vom Calanda, und nid vom Spitol"
G: Jo, jo, wart nur, wart nur, das kunnt scho. Min Vater hät gsait, das sig flach, dass dr Helikopter Kalanda"







Dr Gianduri wider idr Schual:
Machend alli en Satz mit Pestalozzi.
Seraina (di bescht vor Klass): Dr Pestalozzi het gärä Kinder gha.
Gueta Satz Seraina, bisch würkli di besch vor klass!
Curdin: (dr zwaitbescht vor Klass): Dr Pestallozzi isch en lieba Maa gsi.
Gueta Satz Curdin.

Stoht dr Gianduri uf:
Uh Gianduri i waiss es kunnt nid guat, aber säg wat weisch.

Mir hend doch so ä Gaiss di hai. - Aber Gianduri mir hends jetzt vom Pestalozzi und nid vo dinr Gaiss.

jo jo, wart nur, das kunnt scho. Min Vater sait, s´seg echli e tummi Gaiss, will si sich nid melke liess. - Aber Gianduri, was sell denn das? mir hends vom Pestalozzi und nid vo dinr Gaiss.

Jo, jo, wart nur das kunnt schon! Aber i säg, das goht scho, wil am Pesta lozzi sich vo hina melka.
Woher ich weiss, dass Jesus Gott ist?

Weil ich heute Morgen zu ihm gesprochen habe, in meinem Gebet, und weil er schon immer mein bester und treuster Freund war, wenn ich auch nicht immer der seine gewesen bin.

(Zitat aus: THE BODY, USA, 2000)
Benutzeravatar
noname
Lebt sich ein
 
Beiträge: 41
Registriert: Di 3. Jun 2003, 22:47

Re: Schwyzer Witze

Beitragvon noname » So 21. Dez 2003, 21:25

Dr Fritzli ide schuel:

Fritzli, sitzed zäh vögel uf de Telefonleitig, schüssisch eine abe, wievil sind denn no dobe?

Fritzli dänkt no, no nün.

Nai Fritzli, keine meh, sind alli furt gfloge, aber d´art wie d´ tänksch isch guet.

Fritzli: dörf i au emol e Frog stelle? - jo sicher mach!

Sitzed zwei fraue uf emene Bank, beidi essed es Glace, eini schläckets Glace, di ander bisst sglace ab. Welli vo bedne isch ghürote?

Lehrerin, dänkt no: weiss au nöd, die wo schläcked?

Nai die, mit em Ehering, aber d´art wie si dänked isch guet.
Woher ich weiss, dass Jesus Gott ist?

Weil ich heute Morgen zu ihm gesprochen habe, in meinem Gebet, und weil er schon immer mein bester und treuster Freund war, wenn ich auch nicht immer der seine gewesen bin.

(Zitat aus: THE BODY, USA, 2000)
Benutzeravatar
noname
Lebt sich ein
 
Beiträge: 41
Registriert: Di 3. Jun 2003, 22:47

Re: Schwyzer Witze

Beitragvon Nanuk » Di 23. Dez 2003, 00:31

Dä Peter gaht mit sim Vater ad Züspa. Bi ämänä Verchäuffer vo Holzschnizzereie hangäd 2 riisigi Löffäl. Da frögt dä Peter:" Du bappi, was sölläd die 2 riisigä Löffäl, die sind ja vil z gross !" Da seit dä Vater:"Nei nei Fritz, das sind Kafilöffäl für d Baaaslär."

Vili Grüäss
Nanuk
[color=royal blue] Gott hat die Welt in 7 Tagen erschaffen. -- Jesus hat uns vor 2000 jahren versprochen dass er heimkehre um Wohnungen für uns zu bereiten. -- Wenn nun die Erde in 7 Tagen so schön geworden ist, wieviel mehr ist es dann der Himmel ? :] Keith Green[/color]
Benutzeravatar
Nanuk
Wohnt hier
 
Beiträge: 2368
Registriert: Fr 21. Mär 2003, 22:35
Wohnort: Kanton Zürich

Re: Schwyzer Witze

Beitragvon coolerboy » Fr 2. Jan 2004, 16:03

nöd vergesse mir suechet immerno schwiizer witz!!!
sind nähmlich voll lustig!!
nämed es bispiel vo de iris de witz isch zum futschlache!!! :D :D :D :D :D :D :D
Benutzeravatar
coolerboy
Power Member
 
Beiträge: 528
Registriert: Fr 2. Jan 2004, 11:32
Wohnort: klein aber OHO!!

Re: Schwyzer Witze

Beitragvon Nanuk » Fr 2. Jan 2004, 17:29

OT

Original von coolerboy
nöd vergesse mir suechet immerno schwiizer witz!!!
Also ... dänn bring einä !!!
[color=royal blue] Gott hat die Welt in 7 Tagen erschaffen. -- Jesus hat uns vor 2000 jahren versprochen dass er heimkehre um Wohnungen für uns zu bereiten. -- Wenn nun die Erde in 7 Tagen so schön geworden ist, wieviel mehr ist es dann der Himmel ? :] Keith Green[/color]
Benutzeravatar
Nanuk
Wohnt hier
 
Beiträge: 2368
Registriert: Fr 21. Mär 2003, 22:35
Wohnort: Kanton Zürich

Re: Schwyzer Witze

Beitragvon coolerboy » Fr 2. Jan 2004, 17:41

Original von Nanuk
OT

Original von coolerboy
nöd vergesse mir suechet immerno schwiizer witz!!!
Also ... dänn bring einä !!!


jo ich weiss kein aber die andere villicht!
Benutzeravatar
coolerboy
Power Member
 
Beiträge: 528
Registriert: Fr 2. Jan 2004, 11:32
Wohnort: klein aber OHO!!

Re: Schwyzer Witze

Beitragvon Mr. X » Mi 10. Mär 2004, 16:52

En Zürcher und en Basler träffed sich. Plötzlich gheit ine öppis for Pfüess. "Jo hei", seit de Zürcher. "Hei jo", meint de Basler. :))
Mr. X
Barmherzig und gnädig ist der HERR, geduldig und von grosser Güte. Psalm 103,8
Benutzeravatar
Mr. X
Power Member
 
Beiträge: 597
Registriert: Sa 6. Mär 2004, 11:04
Wohnort: Schweiz

Re: Schwyzer Witze

Beitragvon Mr. X » Mi 10. Mär 2004, 17:30

En Berner zo sim Kolleg:
I gone nieme en e Fastfood Lade iche!
Wiso? Gots der ned gschnäu gnue?
Mr. X


Barmherzig und gnädig ist der HERR, geduldig und von grosser Güte. Psalm 103,8
Benutzeravatar
Mr. X
Power Member
 
Beiträge: 597
Registriert: Sa 6. Mär 2004, 11:04
Wohnort: Schweiz

Re: Schwyzer Witze

Beitragvon joyman » Fr 26. Mär 2004, 23:36

au no es paar bündner witz(au wenn ich nid Bündner bi:

Dr Gianduri isch idr Schual gsi. do sait d´Lehrerin:

Machend alli mol an Satz mit Mentalität. Stoht d Seraina uf, di bescht vor klass:

"Jede Mensch het chli en anderi Mentalität!"

Guat Seraina! ganz an guata Satz!

stoht dr Curdin uf, dr zwaitbescht vor klass:

"D´Italiener hend en anderi Mentalität als d´Schwyzer"

Guat Curdin guata Satz.

Stoht dr Gianduri uf. Sait d´Lehrerin: "Uh Gianduri i waiss es kunnt nid guat, aber säg wat waisch"

Gianduri: "Letschti bin i mit der Muater uf Chur ab gfahre." Lehrerin: "Aber Gianduri, wo isch denn i dem Satz s´Wort Mentalität."
G: Und denn sind mir vor eme Schaufenschter verbi glofe. Da seit si: Da Mänteli tät mir au no gfalle."







Dr Gianduri wider i dr Schual:

Machend alli en Satz mit Banane.
Seraina: D´Banane isch en Frucht, wo fein isch.
Gueta Satz Seraina.
Curdin: Zum Zvieri iss i bi mir dehei Banane.
Gueta Satz Curdin.

Stoht dr Gianduri uf:
Mi Muater seit immer: Uf Chur fahrt me mit der Bahn ane.

Jetzt müends au no en Satz uf Hochdütsch mache. Samen und sähen müend drin vorko.

D´Seraina isch wieder die erschti: Im Frühling sähen wir die Samen auf das Feld.

Dr Curdin het au e grandiosi Idee: Samen zu sähen ist eine Aufgabe der Bauern.

Do kunnt au no der Gianduri and Reihe. Er staht uf legt sin Rucksack a und seit:
"Tschau zusammen, wir sähen uns morgen wieder!"
joyman
Newcomer
 
Beiträge: 21
Registriert: Do 26. Dez 2002, 22:58

Re: Schwyzer Witze

Beitragvon würmli » Di 6. Apr 2004, 22:09

Wo liebe Gott de Schwizer erschaffe hätt, isch em dä grad as Herz gwachse. Also hätt er gfräget: "Liebe Schwizer, was chann ich na für dich tue?" De Schwizer wünscht sich schöni Berge mit saftige grüene Wiese und kristallklare Gebirgsbäch. Gott erfüllt ähm de Wunsch und frägt namal wiederum: "Was wotsch na?" Dr Schwizer: "Jetzt wünsch ich mir auf de Weide gsundi, glücklichi Chüe, wo di bescht Milch uf de ganze Welt gänd". Gott erfüllt ähm au de Wunsch. De Schwizer hätt eini vo de Chüe gmulche und Gott es Glas vo de wunderbare Milch zum Probiere gäh. Und wieder frägt Gott: "Was wotsch na?" "Zwei Franke füzg fürd Milch!"
Benutzeravatar
würmli
Hat sich eingelebt
 
Beiträge: 92
Registriert: Do 7. Aug 2003, 21:27
Wohnort: from home

Re: Schwyzer Witze

Beitragvon Salzstreuer » Mi 7. Apr 2004, 08:42

En Vogel, en Fisch und es Krokodil diskutiere dryber, wo sie das Joor in d Ferie ghön.

Dr Vogel maint: "Also, ich ha Flügel, mini Eltere hän Flügel, mini Gschwüschterti hän Flügel - vermuetlich fliege mir in Süde an d Sunne".

Do maint dr Fisch: "Hmm, bi uns isch s jo fascht glich, ich ha Floose, mini Eltere hän Flosse, au alli mini Gschwüschterti hän Flosse - mir wärde wohl ans Meer schwimme.

S Krokodil wird zerscht e chli root und maint denne: Tjä, also, ich han e grossi Schnuure, mini Eltere und Gschwüschterte hän e grossi Schnuure, aigentlig fascht alli, won i kenne, hän e grossi Schnuure, mir göhn vermuetlich uff Zyri.

Die andere schmunzle, do sait s Krokodil no: Und wenn das nit klappt, denn luege mir im Bundeshuus ine, dört fyle mir uns au sehr wohl :)

-salzi
Es gab eine Zeit,
wo der Glaube gegen die Vernunft verteidigt werden musste,
es kommt eine Zeit (und sie beginnt schon)
wo der Glaube die Vernunft verteidigen muss!
Kardinal Chr. Schönborn
Benutzeravatar
Salzstreuer
Senior-Moderator im Ruhestand
 
Beiträge: 5082
Registriert: Fr 22. Nov 2002, 08:48
Wohnort: Dert, wo me -zaemme- sait

Re: Schwyzer Witze

Beitragvon Yehudit » Mi 7. Apr 2004, 20:15

Original von Salzstreuer

Die andere schmunzle, do sait s Krokodil no: Und wenn das nit klappt, denn luege mir im Bundeshuus ine, dört fyle mir uns au sehr wohl :)

-salzi
Jo, ond jetzt, wo de Blocher dört isch, sowieso :D :D :D
Kadosh, kadosh, kadosh! Adonai Elohim tz va ot.
Asher hayah v hoveh v yavo!
Off.4.8
Benutzeravatar
Yehudit
Senior-Moderator im Ruhestand
 
Beiträge: 5403
Registriert: So 19. Mai 2002, 13:31
Wohnort: irgendwo wo´s rüdig schön isch!

Nächste

Zurück zu Schwyzerdütsch Forum

Wer ist online?

Mitglieder in diesem Forum: 0 Mitglieder und 1 Gast